7 يوليو 2018

نصائح هامة لأصحاب المواقع بعد توقف موقع فى الجول Filgoal

نصائح هامة لأصحاب المواقع بعد توقف موقع فى الجول Filgoal
تخيل موقع عريق زي Filgoal مملوك لشركة كبيرة في المجال ان لم تكن الأكبر ، الموقع بقالة كم يوم واقع بسبب هاك اتعمل عليه ، انه معندوش اي نسخة احتياطية يرجع بها ولا فريق سيكيوريتي عرف اللي حصل فيه وقفل الثغرة اللي تم عن طريقها الهجوم علي الموقع! ولا كمان كان عندهم نسخ أون لاين يقدر يحول لها في الحال بعد الهجوم!

للأسف ، بنهتم بالديزاين والسرعة وبننسي او نتجاهل الأهم منهم "أمن المعلومات Secutirty & DR واستعادة النظام من الكوارث"
أ ب أمن معلومات ، دايما بننصح بها إن عشان ابني سيستم صح يبقي لازم التزم معايير بناء اي موقع اي سيستم ويكون فيه نسختين علي الاقل Identical شغالين اون لاين ويتعمل بينهم Load Blancing طالما الدنيا عندي كبيره وفيه عدد زوار مهول والدقيقة معايا بفلوس محترمة ، وكمان يبقي عندي اكتر من نوع للباك اب بيتم بشكل دوري يومي واسبوعي وشهري وفيه أنظمة بنعملها يكون السيستم بيتاخد له Record بشكل لحظي لاي تغيير واقدر ارجع للتغيير ده بناءا علي الوقت اللي احدده ، ده غير ان الباك اب ده فيه منه انواع أون لاين وأوف سايت وفيه انظمة كتير بتحمي الداتا بتخليها متاحة لاخر لحظة تم فيها حركات علي الموقع ترجع تاني بعد ماحل الثغره اللي حصلت واقفلها.
ناس كتير بتبدأ المجال بدون ماتعرف أ ب أساس نظم معلومات في اي سيستم ازاى اخليه دايما أون لاين وان لو حصل اي شئ اقدر ارجع كل اللي حصل بكم كليك والسيستم بتاعي ميقفش ولو لدقايق ، لازم يكون فيه نسخ احتياطية و DR و Offsite Backup و و و يطول الشرح.
ف بم انك دخلت المجال وفيه كتير مهتم بالمواقع لازم تهتم باللي انت حاطط استضافتك عنده وتعرف بيعمل باك اب ازاى وتشوف خطط النسخ الاحتياطية اللي بيعملها وتراجعها وتهتم بها جدااااا ، القصة مش قصة استضافة تتحمل عدد زوار وعلي كده ! هناك الأهم هو الباك أب والأهم أكتر انه ممكن استعادته بنجاح !
الامر يطول شرحه لو بالتفاصيل ولكن اهتموا بالأساسيات علي الأقل في استضافاتكم وادفعوا لها بدون تردد عشان اللحظة دي معرضين لها في اي وقت ، وقتها هتدفع اضعاف اضعاف اضعاف التكلفة القديمة لو مكنشت مأمن نفسك.


تعريب كن مدون جميع الحقوق محفوظة لــ مدونة عرباوى | متعة الشروحات المبسطة 2016 ©