عن ماذا تبحث؟

تعرف على قصة انشاء نظام التشغيل لينكس

يُعَد نظام التشغيل لينكس واحدًا من أشهر وأكثر الأنظمة انتشارًا في العالم، ولكن قليلون من يعرفون قصة إنشائه وتطوره. وفي هذه المقالة، سنأخذك في جولةٍ تعريفية حول تاريخ نظام التشغيل لينكس وقصة إنشائه.
تابع:
جميع اوامر Linux التي تحتاج الي معرفتها
أفضل برامج تحرير الأكواد لمطوري البرامج، التطبيقات، المواقع
كيف يمكن ان تكون مثل mr.robot؟

تعرف على قصة انشاء نظام التشغيل لينكس 
 يشاركنا Mahmoud Adel Mansour محمود عادل منصور شرح كيف بدء نظام تشغيل لينوكس Linux بطريقة بسيطة ورائعة احببنا ان نشاركها معكم فى هذه التدوينة

تاريخ نظام التشغيل لينكس


اللـينكس والمهذله الحصلت علشان تبدا تنصب الكالي لينكس بدون روت احبابي في الله 
---
اللينكس بدا ازاي
سنه 1964
جت اربع شركات زي العسل
bellbs
GE
MIT
جم الـ تلات شركات دول قرروا يتحدوا زي باور رينجرز كده ويعملوا اوبريتنج سيستم
مع بعض ( نظام تشغيل يعني )
المهم بدأ وعملوا اول نظام تشغيل اسمه
Multics
والنظام ده ـ حرام يتقال عليه نظام تشغيل بس دي كانت الانفجار العظيم بالنسبالنا
النظام ده كان مشكلته انه مبني بـ لغه الاسمبلي
انت متخيل يا مان ؟
وطبعا الناس الـ خدت كورس الـ
ceh
مع الباشمهندس امين العقربي هيفهم انها لغه عقيمه جدا والله يكون في عونا يعني
فـ، كان البروفورمنس بتاعه تعبان جداً , 5% او 10%
استمر الاتحاد ده لـ
1968
جت شركه
GE
MIT
انفصلوا عن المشروع وحسوا انها حاجه ملهاش لازمه وتضيع وقت وفكك يا عم كمل لوحدك
مين الـ فضل
bellbs
وبالمناسبه ـ الشركه دي حاليا
AT&T
وسنه
1969
ظهرت لغه الـ
B Language
ايوا ايوا   ما هي ماشيه A B C D
المهم ـ
شركه Bellbs
بدأت انها تبني نظام التشغيل بتاعها من جديد علي لغه الـ b
ومن ساعتها عملوا نظام تشغيل اسمه الـ
UNICS
ايوا بالـ CS
المهم في اواخر الستين او اوائل السبعين علشان تظهرلنا اللغه العظيمه
C language
واستخدمته طبعا مفوتتش الفرصه علشان تعمل نظام تشغيل الـ NNIX
المهم في سنه
1976
كان واحد من الناس المشاركين في مشروع ينكس , ده بروفيسور في جامعه بيركلي 
المهم جه البروفيسور ده بيدردش مع طلابه وكده , وشرحلهم طريقه عمل السيستم ده واكواده
وشرح السورس كود وفل جداً
ونظرا ان الطلاب كانو فوق العباقره مسكوا الاوبريتنج سيستم ده وبدأوا يظبطوا ابلكيشن خاصه
وسوفت وير وعملوا
BSD -> Berkely Software Distribution
المهم كده
billbs
اتنرفزت انها مش بتستفاد من المشروع ده وجم طلاب بيركلي كمان بتظيط فيها !
عملوا
NDA
عليها اليسنس بتاعتهم
NON DISTRAIBUTION Aggrement
طبعا الاتفاق ان محدش يقدر يعدل علي سورس كود غير ما يشتريه منها ! علشان منزعلش حد
جت الشركات بقي
SUn
عملت Solaris
IBM - AIX
HP - HP/unix
apple - MAC
والشركات ظاطت وبقت كل واحده بتعمل اوبريتنج سيستم خاص بيها ـ
من 76
لـ سنه 84 جه واحد من الناس الـ مشاركين المشروع ده
وده لسه قدام هيبقي ليه دور كبير اسمه ريتشارد ستولمن
وعمل GNU
,واحفظ الاسم ده وخليه في دماغك
معناها
GNU NOT UNIX ( GNU )
المشروع ده كان بيهدف ان السورس كود متاح باستمرار ـ ويبقي الناس كلها قادره تعدل عليه
علشان يبقا متاح للمطورين مش كل واحد ياخده ويعمل سورس خاص بيه لان ممكن يحصل
bug
او مشكله ومحدش هياخد باله خالص
وعمل منظمه كامله علشان يحمي المشروع بتاعه اسمها
FSG
free Software Foundation
مش فاوندشن بتاع المكياج
جه يعمل اتفاقيه جميله علشان تحمي المشروع بتاعه اسمها
GPL ( general public license )
وفي حجات دلوقتي كتير تابعه لاتفاقيه الـ GPL
---
ريتشارد ستولمن ـ فشل !
ليه بقي ؟ لانه عمال يكتب ابلكيشنز بسـ مبيعملش نظام تشغيل
لحد
1991 ودي كانت الطفره علشان جه اخ كده اسمه
Linus Torvalds
الراجل العبقري ده عمل حاجه اسمها
Kernal
ايه الكيرنال ده ,
انا كيوزر عادي استحاله استخدم الـ هاردوير دايركت كده
مش هفتح الهارد وانزل جواه بحبل وشاكوش واققسم البارتشنز
واخش علي رام اديها تقسيم وغيره بالاجنه والشاكوش
فقالك الكيرنال ده ـ هو النواه بتاعت نظام التشغيل
فـ هو الوسيط بين اليوزر والهارد وير
بسـ برضوا كـ يوزر عمري ما هتعامل مع الكيرنال دايركت !!
فـ محتاج ايه ? ها ها ؟؟
محتاج ابلكيشن , علشان تدي اوامر للكيرنال , يتعامل مع الهارد وير
طيب بااااسـ كده بقي , لينوس تروفالدس اصلاً كان مشروع التخرج بتاعه اوبريتنج سيستم
فـ استفاد من تعليمه وغيره مزياه بقي الكيرنال ده ايه
1-resource mgmt
2-memory mgmt
3-storage mgmt
4-job schadule
الملخص -:
هياخد الاوامر يديها للمومري علشان تتعامل مع الستورج علشان تنفذ التاسك بتاعي

قد يفيدك:
كتاب شرح الراسبيري باي ببساطة
لعشاق نظام لينوكس برامج والعاب بدون تثبيت بورتابل
الحصول على برامج ويندوز ولينكس بشكل أوتوماتيكي ومن مكان واحد

طيب نيجي هنا للـ
4-job schadule
يعني ايه , ؟
قبل لينوس تروفالدوس ما يظهر الـ اوبريتنج سيستم بتاعه كانت كل انظمه التشغيل قبليه
كانت Single Task
بس Multi User
يعني ايه ؟
يعني ممكن 100 شخص يخشوا علي نفس السيستم بس امر واحد يتنفذ , يعني انا لو اديت امر
لازم يتنفذ الاول قبل ما اي امر ليوزر تاني يتنفذ ..
جه لينوس , لم عمل الكيرنال كان بيسبورت
Multi Tasking
يعني العب يلا , يعني البروسيسور يبص علي تاسك الاول ويديها جزء من ثانيه والتانيه
والتالته يعني , ينفذ اوامر كتير بس المشكله هنا بقي ,!
انه عمل كيرنال بس وزي ما قولنا ننا محتاجين ابلكيشن !
طب مين الـ كان قارفنا قعد سنين يكتب ابلكيشن علي ينكس
فـ الـبطل لينوس تروفالدس نشر رساله علي انترنت انه عايز مطور ابلكيشن
الراجل المحترم الـ كان قاعد سنين الـ هو ريتشارد ستولمن
صاحب اتفاقيه
GPS
و
FSG
فـ لم لقي كيرنال وبيدعم مالتي تاسك ـ وهو بيكتب تطبيقات بس وهو نايم ايده
بتكتب لوحدها فـ لا قشطه بقي فـ قابل الاستاذ لينوس تروفالدس الـ كل شويه اكتب اسمه
بطريقه شكل وعملوا اول نظام تشغيل ـ
GNU/Linux
بعد كده كانت فتحت خير بقيـ
فـ Debian
و Slackware
ــ سنه 94
جت شركه
Redhat
برضه تشتغل علي نظام ده
فـ ظهرت ديسكتوبس تانيه زي ويندوز 98
كان ظهر ساعتها
فـ جت شركه
Xorg
بدات تعمل ديسكتوب للينكس
بـ عديها سنه 98 شركه
Redaht
شغلت دماغها وقالت مش هو اوبن سورس الكيرنال ده والسيستم ده خلاص ياعم انا بقي
هعمل سيستم لنفسي وشبرقه رقه
فـ عملت
RHL ( red hat linux )
وعملت اصدارات لحد اصدار التاسع سنه 2009
بس المشكله انها مكانتش بتكسب اي فلوس كان كل حاجه مجانا
( بس ما قشده ما هي واخده اوبن سورس يعني )
فشغلت دماغها وقررت تقسم مشروعها لـ اتنين
اول جزء
Fedora
RHEL
الفرق الفيدورا للكلينت ,
لاكن التاني ,,, للشركات
فـ اكيد هتستفيد من شغل الشركات فـ كان الـ Live time
بتاع الفيدورا اققل بكتير في كل ابديت
فـ كان 6 شهور لايف تايم ليه بقي
لان ـ الـ RHEL
الـ Live month
بتاعه للشركات كان 18 لـ 24 شهر
والسر في كده كان ايه ؟
السر في كده انها كل 6 شهور تنزل الابلكيشنز علي فيدورا وتعمله ابديت ولو الابلكيشن
بقي ستاتيك خلاص تقوم منزلاه علي RHEL علشان يبقي ستاتيك بعد الـ 24 شهر ـ او الـ 18 شهر
لان طبعا انت كواحد شاري الـ RHEL للشركه بتاعتي انا عايز حاجه ستاتيك مش عايز حاجه
كل 6 شهور تتغير فـ كانت تجرب علي فيدورا وتنقل للنظام بتاع الشركات
فـ علشان يستفيد من الموضوع ده برضه مينفعش يبيع نسخه الـ RHEL
فـ الترينينج بفلوس ابديت علي نسخه بفلوس
-----------------------
المهم بقي جم ناس اتنرفزو من الموضوع ده وعملو نظام تشغيل
centOs
نسخه الريد هات تنزل من هنا ياخدوها ويحطوا اللوجو بتاعهم
اللوجو بتاعهم نفس شكل لوجو
Notbad ++
المهم نسيبنا من الموضوع ده
---------
مين الـ شاف الموضوع ده وعجبه بقي -|
جـت
Debian
عجبها الموضوع وقسموا الموضوع لـ اتنين
Ubunto For user
Debian Enterprise
وده الـ جه منه الكالي لينكس والباك تراك خوي بضغطه زر
وجت شركه
SUSE -
عملت
OPen suse
Suse Linux Enterprise
----
وبـ كده احب اققولك ـ الكالي لينكس جت منين والـ اوبنتو جه منين
وشكراً :-
 
#DAVINCI_CODE
قد يهمك:
طريقة تغيير لغة الاستخدام في نظام لينكس
طريقة حفظ أي نص في أي مكان على لينكس بكل سهولة
برنامج لتشفير البيانات ضمن الصور في لينكس

تعليقات



حجم الخط
+
16
-
تباعد السطور
+
2
-