30 سبتمبر 2020

توقف لعبة Farm Ville المزرعة السعيدة علي facebook

 

توقف لعبة Farm Ville المزرعة السعيدة علي facebook

 اثارت الشركة الداعمة وصاحبة فكرة لعبة المزرعة السعيدة Farm Ville علي منصة الفيسبوك ضجة كبيرة بين مستخدمي فيس بوك بعد ان اعلنت اليوم عن توقف اللعبة بحلول نهاية العام الحالي 2020، ولكن ماهو سبب هذا التوقف المفاجئ للشركة المطورة للعبة وهذا القرار اللذي كان مثابة الصدمة لمحبي تلك اللعبة.

هذا التقرير مقدم من Low quality tech content

الشركة المطورة للعبة Farm Ville المعروفة بـ * المزرعة السعيدة * اعلنت انها هتوقف اللعبة رسمياً في 31 ديسمبر 2020
بس انت اكيد شوفت الخبر ده فا انا مش جاي اكررهولك، انا هقولك ليه الشركة خدت القرار ده، وايه علاقته بشركة Adobe
 

فيه حاجة كده اكيد عدت عليك لو بتستخدم النت من الكمبيوتر او اللاب اسمها Adobe Flash player، وغالباً الاسم ده بيكون مرتبط في دماغك بالألعاب او الميديا زي الأفلام مثلاً


منصة Flash Player دي عملتها Adobe بهدف انها تعملك محتوي تقدر تتفاعل معاه من خلال المتصفح بتاعك، سواء لعبة او تتفرج علي فيديو وحاجات شبه كده


المنصة دي كان بيستخدمها مواقع وخدمات كتير زي YouTube و العاب كتير اونلاين وطبعاً منهم بطلة قصة النهاردة، المرزعة السعيدة 


للأسف المنصة دي بالرغم من اللي قدمته لعالم الانترنت الا انها مليانة عيوب


حاجات زي انها بتتطلب انك تحمل Plugin مخصوص ليها و انها تقيلة علي الجهاز ومكانتش مدعومة علي الموبايلات وحاجات تاني كتير 


جات بعدها شركة اسمها World Wide Web Consortium مع شركة تاني اسمها Web Hypertext Application Technology Working Group - اسف علي طول الأسم :"D - عملوا حاجة اسمها HTML5
 

الـHTML5 لو ماتعرفهوش تعتبر منصة شبيهة نوعاً ما بالفلاش بلاير، بتأدي نفس وظايفها مع تفادي اكبر عيوب الفلاش
زي انها مدعومة ع الموبايلات وانها اخف بكتير علي الجهاز من الفلاش ومش بتحتاج Plugin خاصة بيها
وبالتالي Adobe لقت ان مفيش هدف من استكمال تطوير الفلاش بلاير من الأساس فا اعلنت في 2017 انها هتوقف تطوير منصة Flash رسمياً، وادت مهلة 3 سنين للمطورين اللي ليهم خدمات او مواقع مبنية علي الفلاش عشان يحولوا علي الـHTML5
وفعلاً اغلب الألعاب والخدمات اللي بتستخدم فلاش حولوا لـHTML5 واشهر الأمثلة هو يوتيوب وبعض الألعاب اللي بتشتغل من المتصفح


وايوه زي مابتفكر كده بالظبط، المهلة دي اخرها 31 ديسمبر 2020
وللأسف المزرعة السعيدة بسبب انها لسه بتستخدم فلاش ومانقلتش علي HTML5
 

فا وقف دعم فلاش هينتج عنه انتهاء مسيرة 11 سنة من المزرعة السعيدة، اللعبة اللي كانت غالباً السبب في انك تدخل الفيسبوك، و من وقتها بتفكر ايه اللي دخلك في الحوارات دي كلها


الحقيقة انا حظي خلاني مالعبش اللعبة دي بالقدر الكافي اللي يخليني اكون ذكريات معاها واحس بالـNostalgia لما اسمها يتذكر كده، فا ياريت الناس اللي لعبتها تقولي كان احساسها ايه وقتها وانت بتلعب اللعبة دي.



ليست هناك تعليقات

تعريب كن مدون جميع الحقوق محفوظة لــ عرباوي | الشروحات بشكل مبسط 2013-2020 ©