12 نوفمبر 2020

تجارب السحب من ادسنس علي البنوك المصرية

 

تجارب السحب من ادسنس علي البنوك المصرية

في هذا المقال سنتشارك سويا في معرفة تجارب اصحاب المواقع وقنوات اليوتيوب في استلام الدفعات المالية والتحويلات الخارجية علي حساباتهم البنكية، واهي البيانات اللتي تمت اضافتها من جانبهم داخل حساب الادسنس وكافة الامور المتعلقة يهذا الشأن ان شاء الله.

ملاحظة هامة:

في هذا المقال نحن نستعرض تجارب مستخدمون اخرين لذلك قد تواجهك مشكلة او اخري ولا يمكننا مساعدتك في حلها، ولكن يمكنك اضافتها في التعليقات للمساعدة في حلها من جانب الزائرين "ساعد غيرك"

 

 استلام الحوالات بنك مصر من جوجل ادسنس

 تجربة الاستاذ/ محمود صديق

 
استلام الحوالات بنك مصر من جوجل ادسنس  تجربة الاستاذ/ محود صديق

 تجربتي مع بنك مصر فى التحويلات
نوع الحساب توفير بالجنيه المصري
بيانات الحساب البنكى على ادسنس
الاسم ترجمته على جوجل ترجمه وادخلته فى مكان خانة الاسم
كتبت السويفت كود BMISEGCX بدون الرقم ١٤٠
كتبت الايبان وليس رقم الحساب ويمكننا التعرف عليه من هنا
كتبت اسم البنك كما هو على موقع البنك كوبى بيست banquemisr
جاتنى رسالة تحويل الدفعة على جميل يوم ٢١ /٩
جانى الرصيد على حسابى اليوم
الخصم عمولة تحويل بالضبط ٤.٩٩ دولار بالمصري ٧٨.٧٥ ثمانى وسبعون جنيه وخمسة وسبعون قرشا فقط 
كنت سايب تعليمات ووقعت عليها بأن التحويل من الخارج يدخل بالجنية، عشان لما قولت للموظف كده قلي كده كده حسابك مصري فيهدخل بالجنيه
تجربتى لكى يستفيد الجميع
بالتوفيق إن شاء الله

تجربة الاستاذ/ احمد علي في السحب من بنك مصر ادسنس

 
تجربة الاستاذ/ احمد علي استلام حوالة ادسنس بنك مصر

ياشباب دي تجربتي بعد تدقيق كامل لبنك مصر .. سبب خصم العمولة ال20 $ هي انك بستخدم السويفت كود بتاع البنك الرئيسي وليس الفرع وعلشان ميحصلش معاك اى خصم ماعدا 5 دولار فقط كل ماعليك تكلم البنك وتاخد منهم السويفت بتاع الفرع ولازم تأكد عليه انك عايز السويفت بتاع الفرع وليس الرئيسي  ولو معرفتش توصل للسويفت بتاع الفرع  تقدر تستخدم  السويفت ده فقط BMISEGCX وفى طريقة تانية وهي انك تستخدم الكود ده BMISEGCX+ رقم الفرع بتاع بنك مصر يعني انا فرع مركز مغاغة كان رقم307 يبقي هيكون BMISEGCX307
دي كانت تجربتي سواء دولاري او مصري مش هيفرق .. وانا كلمت البنك قالى على كل 100 جنية 75 قرش فقط ..

تجربة السحب من البنوك حوالة ادسنس الاستاذ/ Ahmed Elwany

 

تجربة السحب من البنوك حوالة ادسنس الاستاذ/ Ahmed Elwany

 بوست مهم جدا للتحويل البنكي
وأخر بوست ها كتبه فى الموضوع ده
وفيه خلاصة تجربة 2 بنك و مشاهده اكثر من 20 فيديو لتجارب فعليه وكمان بعد التواصل مع اكتر من 15 واحد قبض بنكى
----------
البوست سؤال و جواب عن بنك مصر و بنك العربى الافريقى و بنك القاهرة و بنك كريدى اجريكول و المصرف المتحد ( وفى الاخر فى حركة صايعة من بنك اسكندريه بدون حساب بنكى)
----------

اولا بنك مصر

كام العمولة ؟
سواء حساب مصرى او دولار هى 5 دولار
 كم المصاريف ؟
حوالى 55 ج كل  3 شهور
 كم الحد الادنى لرصيد الحساب ؟
1500 جنيه للحساب المصرى
200 دولار للحساب الدولارى
لو سحبت الحد الادنى لرصيد الحساب؟
هايتخصم منك غرامه تصل ل 3 دولار شهريا تقريبا
أقدر استلم الحوالة ع الحساب المصرى من غير ما افتح حساب دولارى ؟
اة متاح بس لازم تبلغ البنك بس هاتستلم فلوسك مصرى وتقدر تسحبها من اى ATM
لو معى حساب دولارى فقط اقدر اسحب من ال ATM ؟
لا
الحوالة بتوصل امتى ؟
خلال 3 ايام
استخدم ايه فى ربط الحساب مع جوجل؟
سويفت كود البنك BMISEGCX بدون أي ارقام
مع رقم الايبان
أو
سويفت كود الفرع التابع ليك
مع رقم الحساب
إنما سويفت كود البنك BMISEGCX140 هايتخصم منك 20 دولار
طيب لو استخدمت سويفت كود اللي أخره أربع اكس ده BMISEGCXXXX هايخصم كام عمولة ؟
معرفش بس ياريت تجرب وتقولنا يمكن مايخصمش
طيب انت ليه كاتب لنا بنك مصر رغم ان ف بنوك اخرى مش بتاخد عمولة منك ؟
لان بنك مصر منتشر ف كل مكان ف مصر عكس باقى البنوك .. تعالوا بقى نشوف البنوك الل مش بتاخد عمولة منك
----------------------------------------

ثانيا البنك العربي الافريقى

حساب توفير دولارى
كم الحد الادنى لرصيد الحساب ؟
500 دولار للحساب الدولارى
لازم اثبات وظيفة ف البطاقة
مش معى اثبات دخل اعمل ايه وعملت كل المحاولات ؟
شوف بنك اخر او شوف حلول مع الاعضاء الل جربت وعرفت تفتح بدون اثبات دخل
لو سحبت الحد الادنى لرصيد الحساب؟
هايتخصم منك غرامه تصل ل 3 دولار شهريا تقريبا
أقدر استلم الحوالة من ال ATM؟
لا
انت بتقول ليه مافتحش حساب مصرى فى البنك ده ؟
عشان ده مش زي بنك مصر
يعنى ايه ؟
يعنى لو فتحت حساب مصرى وجالك حوالة جوجل فا البنك هايفتحلك حساب دولارى عشان تستلم عليه
وبكده انت هاتدفع 2 مصاريف اداريه و 2 حد أدنى عشان عندك 2 حساب
العمولة كام ؟
صفر
الحوالة بتوصل امتى ؟
خلال 3 ايام
استخدم ايه فى ربط الحساب مع جوجل؟
سويفت كود البنك ARAIEGCXXXX
مع رقم الحساب ال 16 رقم
----------------------------------------

 ثالثا بنك القاهرة

حساب دولارى
عن تجربه مخصمش ولا سنت عمولة و وصلت الحوالة بعد ٣٦ ساعه
واستخدمت سويفت كود بنك القاهره BCAIEGCXXXX وليس سويفت كود الفرع
استخدمت رقم الايبان مكان رقم الحساب
فتح الحساب بالبطاقه فقط
وب 100 دولار رصيد فقط (أقل حد أدنى)
أي سؤال أخر ممكن تسألوا اللى جرب ؟
محمود محمد
معنا فى الجروب
----------------------------------------

رابعا بنك كريدى اجريكول

التجربه حساب توفير دولارى
الحواله نزلت كامله بدون خصم بعد 5 دقايق من ايميل جوجل (اسرع تحويل بنكى)
الحد لادنى لرصيد الحساب : 500 دولار
لازم اثبات وظيفة ف البطاقة
 كم المصاريف ؟
حوالى 55 ج كل  3 شهور
 كم الحد الادنى لرصيد الحساب ؟
500 دولار للحساب الدولارى
لو سحبت الحد الادنى لرصيد الحساب؟
هايتخصم منك غرامه تصل ل 3 دولار شهريا تقريبا
أي سؤال أخر ممكن تسألوا اللى جرب ؟
Saber El Sayed Hassan
معنا فى الجروب
-------------------------

خامسا والاخير المصرف المتحد

حساب توفير دولارى
 كم المصاريف ؟
كل تلات شهور بيخصمو 30 جنيه وكل سنه 100
كم الحد الادنى لرصيد الحساب ؟
500 دولار للحساب الدولارى
لو سحبت الحد الادنى لرصيد الحساب؟
هايتخصم منك غرامه تصل ل 3 دولار شهريا تقريبا
أقدر استلم الحوالة من ال ATM؟
مش متاكد . البنك قالى هايدنى فيزا اقدر اسحب بها بس هاتكون الفلوس مصرى
انت بتقول ليه مافتحش حساب مصرى فى البنك ده ؟
عشان ده مش زي بنك مصر
يعنى ايه ؟
يعنى لو فتحت حساب مصرى وجالك حوالة جوجل فا البنك هايفتحلك حساب دولارى عشان تستلم عليه
وبكده انت هاتدفع 2 مصاريف اداريه و 2 حد أدنى عشان عندك 2 حساب
العمولة كام ؟
3 دولار
الحوالة بتوصل امتى ؟
خلال يومان 3 ايام
استخدم ايه فى ربط الحساب مع جوجل؟
هاتستخدم سويفت كود مع رقم الحساب
أنهو سويفت كود هل الفرع ولا البنك ؟
مش عارف ممكن تسألوا اللى جرب
فى عضو جرب حساب مصرى فى المصرف المتحد ممكن تسألوا
وهو
Ahmed Elhor
-----

سادسا والحركة الصايعة اوي

 هي بدون حساب بنكى تقدر تستلم الحوالة ومن اى ATM كمان
للناس اللي لسه معملتش حساب بنكي ولسه هاتروح تستلم حواله تخد معه ايصال استلام قديم لحواله وتطلع علي بنك اسكندرية لو الحواله معديه ال 4 الف جنيه تمام لو مش كده هاتخد تكمله لهم يبقي 4 الف جنيه وانت داخل علي الموظف هاتقول له عايزه اربط الحواله ده بسويفت البنك هايديك فيزا ب 50 جنيه وهايحط لك فيه الحواله بتاعتك وهايديك (IBAN) خاص بك مصريف التحويل مفيش بتاخد الحواله كامله
فى عضو هو صاحب الافتكاسه الجامده دي ممكن تسألوا وهو
Säãd Fäthe
--------------------

تعديل *****

بنك اسكندرية حساب مصري
الحواله بتوصل
 من يومين ل 4
ايام عمل
آلفلوس بتدخل حسابك عادي وتسحبها في اى وقت براحتك
بكتب رقم الحساب العادي و الوسويفت كود
ALEXEGCXXXX
بقالي اكتر من سنة بسحب برقم الحساب لسة الشهر ده غيرت لرقم iban علشان اشوف فيه فرق في سرعة التحويل وهل هيبقي فيه عمولة لما استخدم iban ولا لا لسة هجرب ب iban
دي تجربة
Abo Mode

 بوست مجمع للبنوك ( بنك مصر - العربي الافريقى - القاهرة - كريدى اجريكول - المصرف المتحد - اسكندرية - الاهلي - CIB - QNB )

موضوح عمولة البنك او سيوفت كود او الايبان او وقت التحويل او الحد الادنى
بالنسبة للعلامه الخضراء تعنى ان البنك مميز فى النقطة دي
--------------------
لو عاوز رأى في أفضل بنك و سبب الاختيار
لو بنك حكومي يبقى
بنك القاهرة حساب دولارى : العمولة صفر + الحد الادنى قليل 100 دولار + لا يوجد غرامه لو الرصيد قل عن الحد الادنى + بالبطاقة فقط تفتح الحساب الدولارى
بنك اسكندرية حساب مصرى : العمولة صفر + الحد الادنى قليل 1000 جنيه
لو بنك خاص يبقى
العربي الافريقى حساب دولارى : العمولة صفر + خدمه ممتازه
كريدي اجريكول حساب دولارى : العمولة صفر + اسرع فى التحويل

 

عمولة حوالة ادسنس

 تجربة أ/على محمد عبدالله استلام حوالة ادسنس بنك مصر

تجربة أ/على محمد عبدالله استلام حوالة ادسنس بنك مصر

ده اللي عملته واتخصم مني ٥ د

 

 سيتم تحديث المقال بأخر التجاربة ان شا الله

 

ليست هناك تعليقات

تعريب كن مدون جميع الحقوق محفوظة لــ عرباوي | الشروحات بشكل مبسط 2013-2020 ©