بكل بساطة الكمبيوتر بيشوف الصورة على هيئة أرقام أو ممكن نسميها pixels والpixels دى بتكون عبارة عن مصفوفة عادية تحتوى على أرقام كل رقم بيمثل لون معين على حسب الcolor space اللى انت شغال فيه.
يعنى مثلا نفترض ان عندنا صورة gray image دى عبارة عن صورة بتتمثل فى مصفوفة 2D تحتوى على ارقام قيمها بتمثل اللون اللى فى الصورة وبتتدرج من 0 ل 255 وكل pixel عبارة عن 1 byte اللون الابيض يمثله 255 واللون الاسود يمثله 0 وباقى تدرج اللون الرمادى تمثله ارقام بين ال0 وال255 بحيث يكون اللون مائلا للبياض كلما اقترب من 255 ومائلا للسواد كلما اقترب من اللون الأسود ذى الافلام القديمة.
النوع التانى من الcolor space هو الbinary image
وده بيمثله مصفوفة ثنائية الأبعاد أيضان قيم الpixels اللى فيها 0 أو 1 فقط بحيث يمثل ال0 اللون الاسود ويمثل ال 1 اللون البيض يعنى عبارة عن صورة أبيض أو أسود فقط ويكون كل pixel فى الصورة او المصفوفة عبارة عن one bit..
النوع الثالث للصورة وهو الRGB او red , blue , green
وده كل pixel فيه عبارة عن خليط من 3 قيم كل قيمة من 0 ل 255 ويمثل كل بيكسل ب3 byte ..
1 byte for red color , 1 byte for green color and 1 byte for blue color
يعنى عبارة عن مصفوفة ثلاثية الأبعاد وهى ذى الصورة الالوان اللى بيشوفها الانسان
وطبعا نقدر نحصل على اى لون من خلال خليط من الالوان الثلاثة الاساسية الاحمر والاخضر والازرق بنسب معينة..
وكل pixel بيمثل بمربع صغير وكلما زاد عدد الpixels فى الصورة كلما زادت دقة وجودة الصورة..طبعا عشان اعمل معالجة لأى صورة بحتاج بروسيسور سرعته عالية او DSP لان المصفوفه فى الصور الHD بيكون حجمها كبير جدا وبيصل ل مليون بايت أو 1Mbyte
وعشان تتخيل الموضوع ده انت لما بتكون عارض صورة على الموبايل وتقلب الموبايل الصورة بتتقلب معاك وطبعا انت بتشوف الامر ده كانه بسيط جدا ومش محتاج امكانيات معقدة لكن الكلام ده غير صحيح.
أنا لما بقلب الصورة بخلى البروسيسور يعمل معالجة لبيانات مساحتها مليون بايت لانه بيدخل على كل رقم فى المصفوفة اللى بتمثلها الصورة ويقلب كل صف من الارقام لعمود وكل عمود من الارقام لصف والعملية دى بتتم لمئات الصفوف ومئات الاعمدة فلو افترضنا ان البروسيسور بتاعنا سرعته 1MHz يبقى بينفذ مليون امر فى الثانية الواحدة!! والبروسيسور ده سرعته تعتبر بطييئة جدا بالنسبة لسرعات البروسيسور فى الجيل الحالى فالكلام ده كان بيمثل مشكلة حقيقية للبروسيسورز القديمة أما فى البروسيسور الحديث ده بيتم بكل لسهولة لانه سريع جدا وكمان بيكون الموبايل فيه اكتر من بروسيسور وتقاس سرعاتهم بالجيجا عشان كده بنشوف الامر ده بيتم بسرعة جدا وبكل سهولة.
by team : مليون مبرمج مصري