القائمة الرئيسية

الصفحات

ازاي تصرف معاشك من خلال فيزا المعاشات الجديدة الخاصة بالبريد

 طبعاً الاقبال بيكون تاريخي على مكاتب البريد خلال مواعيد صرف المعاشات الشهرية.
والموضوع بيبقى أصعب لما بيتزامن ده مع إجازات موسمية ، ورغم إن الهيئة عملت استعداداتها قبل شم النسيم وزودت ماكيناتها بالأموال بشكل يكفي كل المعاشات بس بيقى فيه أصحاب معاشات لازم يصرفوا من المكاتب وده بيعمل تكدس رهيب ماينفعش يحصل خصوصا في وقت كورونا 😷. 

 

ازاي تصرف معاشك من خلال فيزا المعاشات الجديدة الخاصة بالبريد

 
في البوست ده اللي ساعدنا فيه متابعينا الأعزاء من موظفي هيئة البريد ، هانقولك عزيزي صاحب المعاش خطوة بخطوة ازاي تصرف فلوسك من الماكينات بشكل أسرع من زحام وتكدس المكاتب .
🔴 الصرف من ماكينة الـ ATM الخاصة بالبريد :
♦️ أول حاجة هاتدخّل الفيزا والرقم السري في الماكينة.
♦️ وبعدين تختار كلمة "سحب".
♦️ هايظهرلك شوية اختيارات على الشاشة ، فحضرتك هاتختار كلمة مبلغ آخر
♦️ هيظهر حسابين واحد فوق والتاني تحته مكتوب بجواره كلمه جاري فضي وده الي هنختاره الفضي، يعني هاتختار رقم 2.. ماتنساش.
♦️ بعد كده هاتدخل المبلغ المطلوب ولازم يكون مبلغ صحيح لأن ماكينة البريد مفيهاش فكة ونضغط استمرار.
♦️ اسحب الفيزا من الماكينة اولاً والفلوس هتخرج بعدها مباشراً.
⛔️ خلي بالك الحد الأقصى للعملية الواحدة 4000 جنيه، وممكن تسحب أكتر من مره بس بحد أقصى 10000 جنيه في اليوم الواحد.
🔴 الصرف من ماكينات الـ ATM الخاصة بالبنوك:
هاتكون بنفس الخطوات السابقة، بس هاتختار نوع الحساب يكون "توفير " بدل الفضي .

 المصدر: تيك ريفيو

 

تعليقات