ازاي تتفرج على فيديو يوتيوب وأنت مش فاتح الموقع








أيوه أنت قرأت العنوان صح، فيه خاصية مميزة جداً في يوتيوب لكن ناس كتيرة متعرفهاش، وهي إمكانية إنك ممكن تتفرج على فيديو اليوتيوب وأنت مش فاتح الموقع، يعني ممكن تتفرج الفيديو وأنت عادي فاتح موقع تاني والفيديو هيفضل ظاهر قدامك في شكل نافذة صغيرة، أو بالحجم اللي أنت عايزه.

 



طب الكلام ده ازاي؟

- هتفتح من أي لابتوب وهتشغل فيديو اليوتيوب اللى أنت عايزه.
- بعد كده هتضغط كليك يمين على شاشة الفيديو وبعدها علطول تضغط تاني كليك يمين، هتلاقي ظهرلك لك خيار اسمه نافذة ضمن النافذة / picture in picture اضغط عليه، هتلاقي الفيديو اتحول في شاشة صغيرة على سطج المكتب وتقدر عادي تتفرج عليه وأنت مشغل أي مواقع تانية.
وتقدر تتحكم في حجم الفيديو من خلال الوقوف على طرف الفيديو وسحبه لفوق أو لتحت حسب أنت عايزه تكبر الشاشة ولا تصغرها، وتقدر كمان تتحكم في مكان ظهور الفيديو من خلال إنك تضغط عليه بالماوس وتسحبه للمكان اللي حابه.
بس كده


ينفع الكلام ده علي هواتف الاندرويد؟

وبتتعمل عادى فى بعض الموبايلات ذات نظام الأندرويد وهى إنك ممكن تفتح برنامجين مع بعض أو موقعين او اليوتيوب مثلا والفيسبوك فى نافذة واحدة.


للناس اللى متعرفش الطريقة هتضغط على الثلاث شُرط فى أسفل الموبايل كأنك هتغلق النوافذ المفتوحة هتظهرلك الحاجة المفتوحة
هتضغط اعلى التطبيق او الصفحة اللى محتاج تشغل معاها حاجة تانى وهتضغط Open in split screen view وهتقدر تختار حاجة كمان تفتحها.

 بواسطة: م/عبدالرحمن شهاب الدين & م/ Ahmed Saeed

تعليقات
ليست هناك تعليقات
إرسال تعليق