احذر: اشهر طريقتان للنصب وسرقة العملات المشفرة الخاصة بك

ان كنت حديث العهد بالتعامل مع العملات الرقمية المشفرة فيجب الانتباه جيدآ لعمليات النصب التي قد تحدثث لك وقد تتسبب في سرقة محفظتك من العملات المتاحة بها، وفي هذا الموضوع نستعرض اكثر واخطر طريقتان يتم استخدامهما في عملية النصب بأسم العملات المشفرة.

    
احذر: اشهر طريقتان للنصب وسرقة العملات المشفرة الخاصة بك


2 طريقة للنصب في العملات الرقمية احذرهما


انا لقيت في محفظتي عملة غريبة بتساوي 1,000,0000$ ومش عارف اسحبهم ساعدني بالله عليك و ليك نسبة. ( السيناريو الاول).

 لو سمحت انا معايا في محفظتي مليون عملة SCAM علي بلوكتشين الايثريوم ومش عارف احولهم لمحفظة تانية تقدر تساعدني احولهم كلهم مرة واحدة علشان مدفعش fees كتير. (السيناريو التاني).
 

 

ده رسالة معتاد عليها بتجيلي من المتابعين للقنوات بتاعتي، فتعالي نفهم القصة ايه.


الاول هشرحلك fundamentals بسيطة علشان تبقي فاهم اللي هتكلم عنه.

١- اي حد يقدر يعمل عقد ذكي و يعمل عملة بكل سهولة و الموضوع مش بيحتاج اكتر من ١٥ دولار مثلا لان العقد بيكون بدائي خالص.
فممكن اعمل عملة اسمها scam.io و ااقدر ابعتلك اي كمية انا عايزها بكل بساطة

٢- انت لازم علشان تحول اي عملة من محفظة لمحفظة شرط اساسي ان يكون فيه gas او مصاريف تحويل سواء كنت علي بلوكتشين الايثريوم او بايننس ...الخ و المصاريف ده لازم تدفع بالعملة ال native للشبكة.
يعني لو معاك ١ ايثر ETH لازم يكون معاك ما قيمته مثلا ١٠ دولار ايثر ETH علشان تقدر تحول ال ١ ايثر ETH ده.
.
.

للاسف السيناريوهات اللي قولتها في الاول "نصب" ليه طيب؟ هحكيلك.

السيناريو الاول في عملية النصب

 اللي بيحصل هو ان واحد نصاب بيعمل عملة باسم موقع مثلا زي scam.io و يبعتلك عملات بصورة عشوائية بقيمة وهمية، انت هتبقي هتتجنن شايف في محفظتك مليون دولار و مش عارف تعمل حاجة فهتفكر في ايه؟

 بالظبط كدة تدخل اسم العملة و تكتبه في ال browser و تدخل عليها، هتلاقي ال scammer منتظرك و بيقولك علشان تقدر تحول العملات لازم تربط محفظتك بالموقع، فأنت زي الشاطر تعمل كدة و في لحظة عملاتك اللي في المحفظة كلها تتبخر، و ده علشان ال scammer بيخدعك و حاطط كود برمجي يقدر بيه ياخد صلاحية محفظتك و يحول كل العملات اللي عليها للعنوان بتاعه.
 

السيناريو التاني

 القصة بتاعته ذكية شوية بس اتهرست كتير، لما يجيلك حد يقولك ساعدني في تحويل العملات و تلاقيه بيديك ال private key بتاع المحفظة بكل بساطة علشان تساعده زي ما بيوهمك، انت هتفتكر انه اهبل ولكن اسف انت اللي بتكون الاهبل .. ليه؟ 


- علشان زي ما زضحت في النقطة رقم ٢ ان علشان تحول اي عملة لازم يكون معاك gas في المحفظة علشان تقدر تحول و ال gas لازم يكون من العملة ال native للبلوكتشين، يعني في السيناريو اللي ضربته بتاع شبكة الايثريوم لازم يكون معاك ايثر ETH علشان تقدر تحول العملات ده، فانت هتشوف العملة قدامك عينك هتزغلل فهتقوم مضحي و محول من معاك ETH و هتقول في داهية انا هاخد العملات ده و اخلع

 لكن اللي بيحصل للاسف انك اول لما تحول ال gas هيتحول تلقائي لمحفظة ال scammer و ده علشان بيكون مشغل bot بيعمل listening علي المحفظة، اول لما يوصلها ايثر يقوم محولهم علي طول لمحفظة ال scammer و تبقي انت اضحك عليك للاسف.
.
.
فخلي بالك الطمع وحش و اخرته وحشة و الحرام برضوا اخرته وحشة، حط عينك وسط راسك و خلي بالك ال scammers في المجال ده اكتر من شعر راسك و بيتفننو في الطريقة اللي ينصبوا عليك بيها.

م/ Mohammed Darwish

تقدر تتابع بلوكتشينيات علي : https://linktr.ee/blockchainniat

تعليقات



حجم الخط
+
16
-
تباعد السطور
+
2
-