كيف حولت ماكدونالدز خسائرها الي ارباح في زمن الكورونا؟

 

ماهي استراتيجية الـ 4Ps التي حولت خسائر ماكدونالدز الي ارباح هائلة؟

كريس كيمبجنسكي الرئيس التنفيذي لماكدونالدز اتكلم في سبق صحفي عن هما ازاي قدروا يحققوا أرباح زيادة بنسبة 4.6% في أول شهرين من دخول كورونا، وده نفس الوقت اللي كل المطاعم قفلت فيه واتأثرت تأثر مباشر.
الراجل قال انا هلخص اللي حصل ده في 3 حاجات وهما ( Process - Predictions - Promotions ) وفيما معناه كدة اعتبروهم Version جديد من استراتيجية الـ 4Ps، سموهم 3Ps of Macdonald's
 

 ماهي استراتيجية الـ 4Ps في التسويق؟

اما استراتيجية الـ 4Ps الأصلية هي عبارة عن ( Product – Price – Place - Promotion ) ودول الأربع عناصر اللي لو اشتغلت عليهم صح كافيين انهم ينجحوا البيزنس.

- أول حاجة الـ Process

بعد توقف خدمات الـ dine-in، أو صالات المطاعم لقوا ان عندهم مشاكل في 3 حاجات بيخلوا الناس تنفر منهم وهما، الزحمة على الكاشير، انتظار الأكل، والدليفري، فقرروا يعالجوا المشاكل دي

اشتغلوا أولاً على تقليل وقت انتظار الأكل، كان متوسط الانتظار من 10 لـ 15 دقيقة، بقى من 7 لـ 10 دقائق بحد أقصى، وده من خلال زيادة عدد العاملين وتجهيز الأكل بسرعة أكبر.

ثانياً حطوا في كل فروعهم ماكينات طلب الكترونية، لتقليل الزحمة على الكاشير، ولتقليل التواصل البشري، وكمان لتقليل التعامل بالكاش، ولو بتروح ماكدونالدز في مصر هتلاقي الماكينات دي موجودة في أغلب فروع ماكدونالدز.

ثالثاً: اشتغلوا بشكل كبير على تقليل وقت وصول الدليفري لتحسين الخدمة دي.

- ثاني حاجة الـ Predictions

لو قولت ان من سنة واحدة بس كان في حد يتوقع وجود وباء عالمي بالشكل ده، طبعا الكل هيقول عليك مجنون.. وماكدونالدز هما كمان متوقعوش ده ولا حاجة..
 

 لكن ايه قصة الـ Predictions دي؟

من حوالي 4 سنين ماكدونالدز طبقت نظام جديد تماماً ومميز جدا اسمه الـ Drive-through وده انك تقدر تطلب الأكل وانت في عربيتك من خلال مسار معمول خارج المطعم بتعدي فيه على 3 شبابيك، الشباك الأول بتطلب (بيكون الكتروني)، الشباك الثاني بتدفع، الشباك الثالث بتستلم الاوردر وتتكل ع الله من غير ماتنزل من العربية.

كريس كيمبجنسكي قال ان ده كان نظام تجريبي جربناه في بعض المطاعم.

قال احنا اشتغلنا على النظام ده لأننا كل حاجة حولنا بتدور بشكل سريع جداً، واحنا حابين العميل بتاعنا هو كمان يكون سريع، وتوقعاتنا بزيادة السرعة دي في المستقبل هي اللي خلتنا نعمل حاجة زي كدة، وجاء الوباء وكانت خدمة الـ drive-through هي واحدة من أعظم التطورات اللي حصلت.

- ثالث حاجة وهي الـ Promotions 


لو متعرفش، ماكدونالدز مكنش بيعمل اي اعلانات نهائياً مع مشاهير، وده هتاخد بالك منه لو تفتكر اي اعلان لماكدونالدز مش هتلاقي فيه اي حد مشهور، وآخر مرة تعاقد مع حد مشهور لاعلان كان لاعب الـ Basketball الأمريكي مايكل جوردن سنة 1990.

ماكدونالدز قرر يغير السياسة دي كاستثناء ولو لمرة كمان علشان الوباء، وتعاقد مع مغني الراب الأمريكي ترافيس سكوت، وده أدى لنفاذ بعض الساندوتشات في بعض الفروع بشكل لا يصدق.

# انت طبعا كبيزنس صغير معندكش الامكانية الأخيرة وهي التعاقد مع حد مشهور، لكن عندك الامكانية انك تشتغل على الـ Process والـ Predictions



تعليقات
ليست هناك تعليقات
إرسال تعليق