عن ماذا تبحث؟

نظره حول تداول العملات المشفرة في قطر و مصر

بمناسبة كأس العالم اللي هيتم تنظيمه في قطر, خلينا نبص بصة سريعة علي قطر و العملات المشفرة و القانون وكيفية التعامل بالبيتكوين في قطر و مصر.

   

تداول العملات المشفرة في قطر و مصر

 

قطر ومحاربة العملات المشفرة من التداول

في سنة 2019 اصدرت هيئة تنظيم مركز قطر للمال QFCRA بتجريم تداول العملات المشفرة او تقديم اي خدمات متعلقة بيها و مخالفة ذلك هيتعرض المخالف للمسألة القانونية و بتوصل الغرامة ل 10 مليون ريال.

 

مع العلم ان شركة الاتصالات "اوريدو" اصدرت مبادرة في 2018 هدفها نشر تكنلوجيا البلوكتشين في قطر و دفع الشركات للتحول بهدف تسهيل المهام الادارية للشركات بالاضافة لزيادة الشفافية في المعاملات و زيادة الثقة في المؤسسات, مع دعمها الكامل للعقود الذكية لتنفيذ نقل الملكية من خلالها و توثيق العقود و التسويات اللي بتتم بين البنوك ... الخ.

 

و اكتر من مرة حذر بصورة مباشرة الشيخ عبدالله بن سعود آل ثاني محافظ مصرف قطر المركزي من التعامل في العملات المشفرة و قال في اكتر من لقاء ان البنك المركزي القطري عنده هدف انه ينشئ العملة الرقمية الخاصة بالبنك زي ما كتير من بنوك العالم عملت او بتهدف انها تعمل ده كجزء من تسهيل عمليات التحويل و الدفع و علشان يبقي في مرونة اكتر في المعاملات المالية بدون تعقيدات.


يعني البنك المركزي هيطلع عملته المشفرة و بيمنع البيتكوين ... ازاي ده؟؟


 ما هو الفرق بين العملات الرقمية الرسمية والعملات المشفرة؟

البنك بيشوف امكانية اصدار عملته "الرقمية" مش "المشفرة" و في فرق بين العملة الرقمية و المشفرة, العملة الرقمية بتكون صورة رقمية للعملة المحلية للدولة و بيتم اداراتها من جانب البنك المركزي للدولة المُصدرة للعملة, ومش بتخضع لصفات العملات المشفرة كالشفافية و الامان العالي و اللامركزية, يعني هيبقي البنك بإيده انه يلغي معاملات او يعرف مين بيبعت لمين و مين بيستلم بكافة بياناته خلاف العملات المشفرة اللي بتتم بصورة مشفرة و سرية و لامركزية و مفيش جهة متحكمة فيها, خلاف ان المستخدمين هم اللي مشغلين الشبكة.


امثلة للعملات الرقمية والمشفرة

أمثلة للعملات الرقمية : (The Sand Dollar جزر البهاما, eNaira نيجيريا, e-krona سويد,  digital yuan الصين, digital Jamaican dollar جاميكا ...الخ)

أمثلة للعملات المشفرة : (BTC, ETH, LTC, TON)


مصر ومحاربة العملات المشفرة من التداول


مصر برضوا في 2020 حظر البنك المركزي المصري والجهاز المصرفي الصادر بالقانون رقم 194 التعامل بأي من العملات المشفرة أو الإتجار فيها أو الترويج لها أو إنشاء أو تشغيل منصات لتداولها أو تنفيذ الأنشطة المتعلقة بها.


ويعاقب من يخالف هذا القانون بالحبس وبغرامة لا تقل عن مليون جنيه ولا تجاوز عشرة ملايين جنيه أو بإحدى هاتين العقوبتين.


اسئلة واجابات حول تداول العملات المشفرة في قطر و مصر

هل لو أنشأت جميع الدول عملتها الرقمية سيتم القضاء على الوسطاء وكذلك على الدولار كعملة دولية؟


  الوسطاء هيختفوا اكيد او دورهم هينحصر كتير و هيظهر مكانهم وساطة ديجيتال, اما القضاء علي الدولار معتقدش ممكن يتم القضاء عليه, المشكلة في في الدولار كورقة حاليًا, الدولار واخد مكانته بحجم الدولة اللي بتصدره و هيمنتها علي الاقتصاد العالمي.

مفهمتش قصدك بواسطة الديجيتال لو أمكن تبسط لي اكثر

أنا قصدي بالقضاء على الدولار انه سيكون التحويل سهل بين الدول والشركات لذا سيتم التعامل بالعملات المحلية الرقمية

الوساطة الديجيتال اللي هي بوابات الدفع الرقمية, بالنسبة للدولار محدش هيفكر مثلًا يتعامل بالعملة المحلية لدولة عالم تالت لمجرد انها بقيت رقمية, قيمة العملة و قوتها اللي بيحددها قوة الدولة اقتصاديًا, يعني عدم تعامل الدول بينها و بين بعضها بالعملات المحلية علشان العملة المحلية للدول ده مش بيكون عليها طلب و المعروض منها كتير و سعرها قليل.


طب بالنسبة لمصر في امل في اقرار السماح بتداول العملات المشفرة؟


الي الان لا و مصر متقدرش تعمل ده نهائي دلوقتي ولا حتي بعد كام سنة بسبب ازمة الاحتياطي الدولاري في البنك المركزي, و العملات المشفرة شفاط للعملة الصعبة.


Mohammed Darwish (صاحب قناة بلوكتشينيات)



تعليقات



حجم الخط
+
16
-
تباعد السطور
+
2
-