ماهو dao وكيفية عمله في تقنية البلوكتشين؟
ربنا كرمك و فتحت شركة و الشركة كبرت وبقي ليها فروع في كل مكان، لكن بقالك فترة حالك مايل و الشركة مفيهاش اي تطوير، فاجتمعوا اعضاء مجلس الادارة و قرروا انهم يعملوا تصويت لبعض القرارت اللي مفروض انها تغير مسار الشركة،
و اثناء التصويت جه واحد مش حسن النية و ابتدي يغير في التصويت اللي مش علي هواه اللي اعضاء مجلس الادارة عملوه و بعدها اترفع نتيجة التصويت ليك علشان توافق عليه و تبتدي في تنفيذه، لكن بما ان حالك مايل فأنت مهتمتش، لكن بدفع من اعضاء المجلس وافقت علي القرارت بعد فترة لكن منفذتش منها حاجة، وفضلت الشركة بالحال ده لحد لما ظهر فكرة ال "DAO" و طبقتها الشركة و رجعت افضل من الاول و اتغيرت للاحسن.
قصة عبرة بصحيح ... بس انا مفهمتش ايه ال "DAO" ده، هو موظف يعني ولا تمويل جه للشركة ولا ايه؟
ال "DAO" اختصار لكلمة "Decentralized Autonomous Organization"
او "المنظمة المستقلة اللامركزية" .. هو مفهوم اتبني علي البلوكتشين الهدف الرئيسي منه هو التصويت بشفافية و اخراج التدخل البشري من عمليات اتخاذ القرارت و تنفيذها .. يعني في المثال بتاع الشركة اللي فوق كان عندك كذة مشكلة قبل دخول ال "DAO" وهي :
١- انتظار الشركة لك بما انك الوحيد صاحب القرار للشروع في تغيير السياسة.
٢- عمليات التزوير اللي تمت من خلال احد افراد الشركة.
٣- التأخر في الحصول علي موافقة صلاحية تطبيق الافكار الجديدة.
٤- البطئ في تنفيذ القرارت المتفق عليها.
ولكن بعد تطبيق مفهوم ال "DAO"
- مبقاش في احتياج لانتظار صانع قرار.
- مفيش امكانية للتزوير لان القرارات علي مرأي و مسمع من المشاركين في القرار.
- مفيش احتياج للحصول علي موافقة لان الموافقة بتيجي من خلال نتيجة التصويت.
- تنفيذ القرارت بيتم بعد الانتهاء من التصويت و المشاركة في صنع القرار لان عمليات التغيير بتتم automated بدون تدخل بشري.
فلو افترضنا مثلا ان نتيجة التصويت اجمعت علي تقليل المصروفات الخاصة بخط انتاج منتج معين، علي اساسه هيتم تغيير في السياسة المتبعة لعمليات الانتاج بالبحث عن مورد جديد في قاعدة البيانات يكون بيوفر اسعار ااقل من المورد الحالي، او مثلًا فتح فرع جديد للشركة في مكان جديد فعلي اساسه الانظمة المربوطة بال "DAO" هتبتدي تشوف هل الفكرة مناسبة من حيث دراسة السوق و المنافسيين ... الخ و هيدخل حيز التنفيذ بعد عمليات تحليل قابلية تنفيذ الفكرة.
بيتم انشاء مفهوم ال "DAO" علي البلوكتشين عن طريق الاكواد البرمجية اللي بتكون "مفتوحة المصدر" بالاضافة للعملة المشفرة الخاصة بيه، و بيتم بيعها علي اساس ان كل عملة = صوت في عملية التصويت، فلو فرضنا مثلًا ان ال "DAO" تم انشائه و معاه ١٠٠ الف عملة فكل عملة منهم = صوت،
بعد ما المجتمع يحصل علي العملات ده هيكون ليه حق في التصويت بمجرد اظهار عدد العملات اللي بيمتلكها، وعلي هذا الاساس بيتم صنع القرار، كام واحد صوت بنعم وكام واحد بلا و هكذا.
طيب هي ده بس وظيفة ال "DAO" ؟ ما انا ممكن اخلي الناس ترفع ايديها ومش هيبقي في تزوير ولا حاجة، كلهم قدام عيني!!.
والله حلوة فكرة مجلس الشعب ده، لكن الناس اللي هترفع ايديها قدامك هم بس اللي هيكون لهم حق التصويت و ده مش من العدل، ال "DAO" بيدي لاي حد حق التصويت طلاما بيملك اداة المشاركة في التصويت اللي هي "العملة او التوكن"، خلاف كدة ان الموضوع بيكون فيه شفافية قدام الناس كلها، و الاستمرارية، لان الموضوع مش بيقف فقط عند التصويت .. لكن بيكمل لتنفيذ نتيجة التصويت اذا كان معد مسبقا اتمام العملية ده automated.
قصة مؤسس "ويكيليكس" "جوليان اسانج" اللي سرب وثائق بتدين الحكومة الامريكية في التجسس علي الشعوب بأدوات صنعتها للغرض ده، و سرب وثائق بتظهر الوجه الاخر للاتفاقيات السرية بين الدول و الحكام، خلاف ثروات بعض الاشخاص اللي حاولوا يخفوها عن الناس لمنع المسألة، صديقنا هرب من امريكا علشان ميتقبضش عليه هناك، لكن اتقبض عليه في انجلترا و طالبت امريكا تسليمه فطلع دعوي قضائية بعدم تسليمه و في شهر ديسمبر نزل نقض للحكم ده بالموافقة علي تسليمه، و يقال انه لو تم تسليمه هياخد حكم بالسجن ١٧٥ سنة في امريكا، وعليه تم انشاء صندوق بيطالب بتحريره تحت اسم "Assange DAO" وجمع ما يعادل ٥٦ مليون دولار لتحرير "اسانج" من السجن، و ده نفس اللي حصل مع مؤسس موقع "سلك رود""Ross Ulbricht" للتجارة الممنوعة علي ال "دارك ويب" اللي جمع حوالي ١٢ مليون دولار لتحريره من السجن.
ال DAO ليه تطبيقات كتيرة ولكن اهمهم هو التصويت الحر و صنع القرارات.
قصة عبرة بصحيح ... بس انا مفهمتش ايه ال "DAO" ده، هو موظف يعني ولا تمويل جه للشركة ولا ايه؟
ماهي وظيفة DAO العملات المشفرة؟
ال "DAO" اختصار لكلمة "Decentralized Autonomous Organization"
او "المنظمة المستقلة اللامركزية" .. هو مفهوم اتبني علي البلوكتشين الهدف الرئيسي منه هو التصويت بشفافية و اخراج التدخل البشري من عمليات اتخاذ القرارت و تنفيذها .. يعني في المثال بتاع الشركة اللي فوق كان عندك كذة مشكلة قبل دخول ال "DAO" وهي :
١- انتظار الشركة لك بما انك الوحيد صاحب القرار للشروع في تغيير السياسة.
٢- عمليات التزوير اللي تمت من خلال احد افراد الشركة.
٣- التأخر في الحصول علي موافقة صلاحية تطبيق الافكار الجديدة.
٤- البطئ في تنفيذ القرارت المتفق عليها.
ولكن بعد تطبيق مفهوم ال "DAO"
- مبقاش في احتياج لانتظار صانع قرار.
- مفيش امكانية للتزوير لان القرارات علي مرأي و مسمع من المشاركين في القرار.
- مفيش احتياج للحصول علي موافقة لان الموافقة بتيجي من خلال نتيجة التصويت.
- تنفيذ القرارت بيتم بعد الانتهاء من التصويت و المشاركة في صنع القرار لان عمليات التغيير بتتم automated بدون تدخل بشري.
فلو افترضنا مثلا ان نتيجة التصويت اجمعت علي تقليل المصروفات الخاصة بخط انتاج منتج معين، علي اساسه هيتم تغيير في السياسة المتبعة لعمليات الانتاج بالبحث عن مورد جديد في قاعدة البيانات يكون بيوفر اسعار ااقل من المورد الحالي، او مثلًا فتح فرع جديد للشركة في مكان جديد فعلي اساسه الانظمة المربوطة بال "DAO" هتبتدي تشوف هل الفكرة مناسبة من حيث دراسة السوق و المنافسيين ... الخ و هيدخل حيز التنفيذ بعد عمليات تحليل قابلية تنفيذ الفكرة.
طيب ازاي موضوع التصويت بيتم عبر تقنية DAO؟
بيتم انشاء مفهوم ال "DAO" علي البلوكتشين عن طريق الاكواد البرمجية اللي بتكون "مفتوحة المصدر" بالاضافة للعملة المشفرة الخاصة بيه، و بيتم بيعها علي اساس ان كل عملة = صوت في عملية التصويت، فلو فرضنا مثلًا ان ال "DAO" تم انشائه و معاه ١٠٠ الف عملة فكل عملة منهم = صوت،
بعد ما المجتمع يحصل علي العملات ده هيكون ليه حق في التصويت بمجرد اظهار عدد العملات اللي بيمتلكها، وعلي هذا الاساس بيتم صنع القرار، كام واحد صوت بنعم وكام واحد بلا و هكذا.
طيب هي ده بس وظيفة ال "DAO" ؟ ما انا ممكن اخلي الناس ترفع ايديها ومش هيبقي في تزوير ولا حاجة، كلهم قدام عيني!!.
والله حلوة فكرة مجلس الشعب ده، لكن الناس اللي هترفع ايديها قدامك هم بس اللي هيكون لهم حق التصويت و ده مش من العدل، ال "DAO" بيدي لاي حد حق التصويت طلاما بيملك اداة المشاركة في التصويت اللي هي "العملة او التوكن"، خلاف كدة ان الموضوع بيكون فيه شفافية قدام الناس كلها، و الاستمرارية، لان الموضوع مش بيقف فقط عند التصويت .. لكن بيكمل لتنفيذ نتيجة التصويت اذا كان معد مسبقا اتمام العملية ده automated.
مثال واقعي علي استخدام ال "DAO" :
قصة مؤسس "ويكيليكس" "جوليان اسانج" اللي سرب وثائق بتدين الحكومة الامريكية في التجسس علي الشعوب بأدوات صنعتها للغرض ده، و سرب وثائق بتظهر الوجه الاخر للاتفاقيات السرية بين الدول و الحكام، خلاف ثروات بعض الاشخاص اللي حاولوا يخفوها عن الناس لمنع المسألة، صديقنا هرب من امريكا علشان ميتقبضش عليه هناك، لكن اتقبض عليه في انجلترا و طالبت امريكا تسليمه فطلع دعوي قضائية بعدم تسليمه و في شهر ديسمبر نزل نقض للحكم ده بالموافقة علي تسليمه، و يقال انه لو تم تسليمه هياخد حكم بالسجن ١٧٥ سنة في امريكا، وعليه تم انشاء صندوق بيطالب بتحريره تحت اسم "Assange DAO" وجمع ما يعادل ٥٦ مليون دولار لتحرير "اسانج" من السجن، و ده نفس اللي حصل مع مؤسس موقع "سلك رود""Ross Ulbricht" للتجارة الممنوعة علي ال "دارك ويب" اللي جمع حوالي ١٢ مليون دولار لتحريره من السجن.
ال DAO ليه تطبيقات كتيرة ولكن اهمهم هو التصويت الحر و صنع القرارات.
Mohammed Darwish (ببسط مفاهيم البلوكتشين)