نتايج جديدة لتحقيقات منصة FTX

 نتايج جديدة لتحقيقات منصة FTX عمالة تطلع كل شوية و اخرهم ما تم الاعلان عنه من جانب المحققين في هذه القضية وضلوع واكثر من شخص من الاقارب SAM "الوالدين" في عملية غسيل الاموال وسرقة اموال المساهمين بالمنصة.

 

نتايج جديدة لتحقيقات منصة FTX

 



اهم ما جاء في التحقيقات لمنصة ftx:

- ان ابوه و امه بيمتلكوا عقارات في البهاماس بقيمة ١٦.٤ مليون دولار في حين انهم دكاترة في جامعة ستانفورد و مرتبهم السنوي ١٨٥ الف دولار فازاي جابو البيوت في البهاماس بالملايين ده بدون مساعدة ابنهم!!

 

- اشتري ابوه و امه للاستخدام الشخصي ١٩ بيت باجمالي ١٢١ مليون دولار.

 

- المنصة كانت مدمرة مركزها المالي لدرجة انهم كانوا بيستنوا إيداعات العملاء الجدد علشان ياخدوا فلوسهم ده يسددوا بيها التزامتهم و ده كان حاصل كمان في وقت السوق الصاعد.

 

فقولا واحدا لا يدعو للشك ان المنصة ده كانت عملية SCAM كبيرة و فعلًا تبقي اكبر عملية نصب في التاريخ الحديث.

 

و النصاب سام هياخد حكم بمليون سنة سجن، هو مش احسن من فاروق اوزير التركي اللي نصب علي منصته في ٢ مليار درلار و اتقبض عليه و تقديرا يلبس في ٤٠ الف سنة سجن.

"

كل حاجة حلوة بتظهر لازم يظهرلها اشخاص سيئين يدمروها زي مؤسسي كابيتر و القلق اللي عملوه في عالم ال fund raising.

"

المركزية المالية بكل اشكالها و صورها هي وجه قبيح للنصب و الاحتيال و الفساد المتأصل.


م/ محمد درويش



للأسف ضربة قوية ولكن من حسن الحظ انها حصلت دلوقت،لأن الأسعار واقعة بالفعل فالمشكلة كان تأثيرها اقل وحتى قيمة العملات المودعة فى المنصة أقل، تخيل او كانت حصلت والبتكوين فى حدود ال ٤٥ ألف دولار مثلا، متخيل ان قيمة الأصول المنهوبة كانت هتكون ٣ اضعاف القيمة الحالية؟

وكان هتكون ضربة قوية للزخم الصعودي للبتكوين وهتخليها تتراجع تاني، لازم السوق ينضف من اشكال سام، واتمني الحقيقة إفلاس كل المنصات والشركات اللي بتتلاعب بالاسواق عشان تحقق ارباح خرافية من عقود ال future و الدومينو خلاص بتتهاوي.


بيفكرني بالشركة الكندية "المنصة الكندية اسمها Quadriga و تم تأسيسها في ٢٠١٣ علي ايد النصاب G.Cotten، و في ٢٠١٩ كان حصل ال scam و المنصة اتقدمت بطلب اعلان الإفلاس." نفس الحصل بالظبط و الواد اختفتا و اخد الفلوس و خلع 😂😂 أن حد يتعلم و يتربى ابدا  يا خوفي شوية و binance تطلع فشنك هيا كمان 

موضوع المحاضرة الأخيرة أن المشكلة أن الناس الزي دول هما البيفقدوا صفة decentralized لفكرة العملات على البلوكتشين و الحكومات بتصاد في المياه العكرة و تقولك شوف العملات ديه وحشة و ناس بيضحكو عليكو أخص ميصحش لازم نتحكم في الموضوع، لاكن هي العملة عادية، الفكرة في النصاب العامل شركة بيضحك على الناس و فكرة الشركات ديه فعلا هي المحتاجة تتنظم من قبل الحكومة مش العملة نفسها!!!! هناك فرق يا سيدي الفاضل بين شركة تداول العملات وفكرة العملة نفسها ولاكن لا حياه لمن تنادي، و ده سبب من اسباب كتير تانية مخلية سوق العملات نفسه بيوقع و الاسعار في الأرض لأن في ناس كتير هنا بدأت تهرب و تسرسب نفسها من السوق كلوا اصلا

لما نشوف هيحصل ايه في الأيام الجاية 


اخر حاجة للإضافة الناس البتسحب نفسها ديه الناس التقيلة الحاطة ملايين، و ده بسبب الفيدرالي الأمريكي الله يهد حيلة كلوا بيقولك انا اضمن الفائده المش هتتكر تاني ديه بدل السوق الممكن اصحى الصبح القيه كلوا راح و السمعتوا أن بيطلعوا براحة و بذكاء عشان السوق ميضربش و ميطلعش بخسارة كبيرة أو بأقل الخسائر و كان في تحليل بالارقام بيوضح معدل الانتقال من العملات ديه للاستثمار في سندات و الفائدة المتزايدة من الفيدرالي. لما نشوف المعجنة ديه هتخلص على ايه عشان SEC مش ساكتة و قلبين الدنيا هنا و congress متبع سياسية انا مستنيكوا تخلصوا ضرب في بعض و انزل في الاخر انا، بس التسريبات أن في قانون في congress و خلاص نسبة كبيرة لأن في ضغط رهيب من الرئاسة لتدخل الcongress


تعليقات



حجم الخط
+
16
-
تباعد السطور
+
2
-