اهم النصائج والطرق لأنشاء موقع ناجح على الانترنت tips and methods to create a successful website

9 يوليو 2018

اهم النصائج والطرق لأنشاء موقع ناجح على الانترنت tips and methods to create a successful website

tips and methods to create a successful website
من اكثر الاخطاء اللتى يقوم بها اصحاب المواقع الجدد هو عدم التخطيط الجيد لتلك المواقع والمدونات ولذلك نجد الكثيرين منهم بعد فترة يترك هذا المجال والموقع دون اهتمام وذلك بسسب عدم تحقيق هدفه اللذى يريده من انشاء هذا الموقع وفى الغالب هو الربح من وضع الاعلانات على الموقع والمدونة ومن اشهر تلك الشركات المختصة هى جوجل أدسنس Adsense وسبب تلك المشاكل هو عدم التخطيط الجيد قبل انشاء واثناء العمل على الموقع. وفى هذه التدوينة سنتعرف على اهم النصائح والطرق لكيفية انشاء موقع ومدونة ناجحة على الويب ان شاء الله. 

خطوات عمل موقع ناجح

1- حد المجال او النتش الذي تريد العمل عليه وابدء حلله ورتب افكارك كويس.

2- اعمل موقع علي بلوجر او وردبريس حسب قدرتك ورأٍس مالك.

3- شراء دومين ب20 جنيه من جودادي عن طريق فيزا فودافون كاش. او دومين منتهي يكون الاثورتي بتاعه عالي والاسبام سكور صفر.

4- شراء قالب سريع.

5- لو كنت وردبريس اربط الدومين بالاستضافة وارفعهم علي الوردبريس ولو كنت بلوجر اربط الددومين ببلوجر وارفع القالب عليه وفي شروحات كتير للخطوة دي علي جوجل واليوتيوب.

6- اضافة موقعك في مشرفي المواقع جوجل وبينج وياهو "الويب ماستر وربط موقعك Google Analytics علشان تتابع فيه كل حاجة.

7- انشاء صفحات الخصوصية واتصل بنا واتفاقية الاستخدام ومن نحن.

8- حدد الكلمات اللي هتشتغل عليها وفي مواقع خاصة للكلمات المفتاحية وابدء بكلمات منافستها سهلة وابدء اكتب مقالك في طريقتين لكتابة المقال.

  • اول طريقة انك تعيد صياغة المقالات
  • تاني طريقة انك تقراء اول كام مقال في الصفحة الاولي وتبدء تكتب من دماغك
ويفضل المقال لا يقل عن 1000كلمة او ممكن تكتب مقالك 500 كلمة بحيث لا يقل عن 500 كلمة وحط صور داخل المقال وممكن تحط فديو من اليوتيوب في المقال اكتب في حدود 5 مقالات يوميا كي تصل في نهاية الشهر الي 150 مقال علي حسب قدرتك اربط مقالاتك ببعضها باك لينك داخلي مثال انت تتكلم في مقال سابق عن لعبة زوما وانت بتكتب مقال جديد ذكرت كلمة لعبة زوما في المقال يبقا تربط كلمة لعبة روما بالمقال اللي قبله وتجنب الاخطاء الاملائية والقواعد اللغوية ويفضل علامات الترقيم وخلي المقال منسق علي شكل فقرات وترويسات.
 وبعد كتابة كل مقال تنشره علي السوشيال ميديا وجوجل بلس وركز علي تويتر و pinterest علشان تحصل علي سوشيال سيجنالز وتقوي موقعك وجوجل بلس تعطيك باك لينك قوي.
 بلاش الحشو داخل المقال بلاش الحشو والرغي الكتير اكتب مقال يفيد الزار وخلي العنوان جذاب ومشوق.

9- الارشفة يوجد طريقتين للارشفة اول حاجة ارشفة تلقائية عن طريق اضافة ملفات Sitemap من القائمة الجانبية هتضيفك الملف ده اولا atom.xml

وده عبارة عن خريطة الموقع وهتعمل تحديث للصفحة وبعدين تضيف الملف ده كمان sitemap.xml وده عبارة عن اللي بتنزلها في الموقع واللي نزلت قبل كده
وهضيف ملف robots.txt كمان وده ليه شروحات كتير في اليوتيوب وجوجل الطريقة اليدوية عبارة عن انك تعمل جلب لكل موضوع بتكتبه وتطلب ارشفة وفهرسة يدوية وطبعا الافضل هو التلقائي

10- هتكتب مقالات لمدة 3شهور باستمرار هتابع موقعك فى الويب ماستر

هتبدا تمسك كلمات كويسه وهيجيلك زيارات لموقعك وتشوف الكلمات اللى مسكتها صفحه اولى والكلمات اللى مسكتها بس متأخره.

11- تقدر تقدم علي جوجل ادسينس بعد متكتب 10 او 20 مقالة لو عايز وهتتقبل علطول مدام مضبط موقعك وشغال صح يفضل عرض الاعلانات لما يكون موقعك بيدخله زوار

12- هتبدء تعمل باك لينك لموقعك بطريقة صحيحة بعد ميدخلك زوار من محركات البحث

دى كانت اهم الخطوات والنصائح لعمل موقع ناجح يمكننا به منافسة المواقع الاخرى الشهيرة فى كافة المجالات المختلفة على الانترنت.


تعريب كن مدون جميع الحقوق محفوظة لــ مدونة عرباوى | متعة الشروحات المبسطة 2016 ©