عن ماذا تبحث؟

طريقة كتابة المقال مثل محترفي الكتابة

طريقة كتابة المقال How to write an article
هناك شروط وقواعد يجب اتباعها عند البدء فى كتابة مقال او موضوع جديد. ولكن العديد من المدونين والكتاب الجدد قد يقعون فى مشكلة عدم اتباع الخطوات الصحيحة فى كتابة مقال ناجح. وفى هذه التدوينة سنتعرف على اهم القواعد الهامة اللتى يجب اتباعها عند كتابة مقال " How to write an article" بطريقة سهلة ومبسطة ان شاء الله تعالى
 أولاً المقال يبدأ بمقدمة أو بنسميها (ملخص المقال) ودي مهمة جدا لأن في زائر زي حالاتي كدة مش بيكمل في الموقع دقيقة بحب اعرف ملخص اللى هيتقال ايه واخرج ماهى شروطها؟! وده تطبيق عملى عن المقدمة اللى فوق وهى دى ملخص التدوينة عن كتاب المقال.

قد يعجبك
برنامج Duplicate Cleaner Free للبحث عن الملفات المكررة وحذفها في ...
طريقة أضافة مشرفين او كتاب الى مدونات بلوجر
"أسناد" أسهل وسيلة لبيع منتجاتك الرقمية على الانترنت
تعرف على منصة Traidnt Portal مشاركة ارباح Adsense
طريقة أخفاء مدونة بلوجر عن محركات البحث
اضافة لمتصح جوجل كروم لمعرفة الوقت المتوقع لقراءة اى مقال على ...

شروط كتابة المقال؟

شروطها إن حضرتك تعرف القارئ بالعنوان اللى حضرتك هتتكلم عنه ضيف كمان ممكن عنوان فرعي، تقوله هنتكلم عن إيه داخل المقال بجانب العنوان الرئيسي، ونبذة مختصرة عن المحتوي بس مش تحرقه دى بتكون سطرين تلاته ودي تكون آخر ما تخلص مقالك خالص علشان تكون فهمت هتتكلم عن إيه، وخلى في جزء للتشويق او جذب القارئ ودي اللى درس لغة عربية هيعرفها دي علشان القارئ يضطر يكمل المقال للآخر ويحس فعلا بأهمية الموضوع اللى حضرتك طارحه.

المقال يكون فيه جزء فعلا عن شرح العنوان مش ألاقى عنوان وادخل الاقى محتوى مخالف خالص دا جوجل بيعتبره مخالف وغير الزائر بقي تلاقيه طالع من المقال يكيل للموقع واللي كتب.

في ناس بتحب الكلمة الرئيسية فى أول الملخص وبعدها فاصلة وتبدأ كلامك، وغيرهم بيحب الكلمة الرئيسية داخل الكلام في السياق بالنسبة ليا ككاتب محتوى باتعامل حسب العميل ما هو عايز بس كنت محتاجة اعرف الصح أنهى واحدة فيهم.

الحشو وبأكد عليه بلاش حشو في توزيعه معينة للكلمة الرئيسية تقريبا والناس هنا أساتذة فيها كل 100 كلمة تتكرر مرة واحدة أو المرادفات بتاعتها.

الكلام اللى جاي دا أي واحد شغال كاتب عارفة جدا وهي علامات الترقيم:
النقطتان فوق بعض: كدة الشكل بتاعهم المسافة بعدهم مش قبلهم يا جماعه
علامات التنصيص استخدم " " دول بلاش ().

الفاصلة يا جماعة بالله عليكم الفاصلة كدة في الكلام، لازقه فى الكلمة من غير مسافات.

النقطة آخر الكلام معناها إنهاء للفقرة أو السطر مش محتاجة دي بديهيات اللغة العربية والله ومهمة جدا جدا.

الهمزات او ووسط الكلمة رجاء لو مش عارف اسأل فيها مش عيب
صياغة العبارات والله لما أجي اقول (تتنوع أنواع) دي تقيله جداً على القارئ والعرب كمان كانوا بيكرهوا قوي تكرار الحروف كدة شوف كام نون فيها!!!!!!! نقول (تتعدد أنواع) مثلاً.

امتى أستخدم إن وأن للتوكيد والله كنت بشوف مقالات لناس مش عارفة تفرق بينهم.

تقسيم الموضوع لفقرات دا مهم جدا مش ندخل نلاقي المقال سلطة كدة.

كلمة في أذن كل كاتب:

طبعا الأمانة مهمة جدا لو حضرتك بتكتب لنفسك او شغل لغيرك في كلتا الحالتين مطلوبة لأن النسخ بيضر الموقع دا معروفة ولو حصل خطأ حاول تصلحه بسرعه وتعيد صياغة أو تحذفه أفضل للأمانة طبعا ودا علشان تحلل المبلغ اللى بتقبضه كمان من الكتابة.

الأسلوب اللى بتكتب بيه في مقال علمى غير اللى بتكتب فيه مقال للبيع مثلا لازم تفهم دماغ القارىء كويس واعتبر نفسك أنت القارئ اللى بيدور على الحاجة دى.

مش عارف العامية نظامها إيه بس لما أكتب لغة عربية أفضل للموقع وليك ككاتب محتوى من باب نصرة اللغة العربية لغة قرآنك.

الآيات القرآنية مسموح فيها النسخ بس الأفضل تنزل المصحف للأوفيس وتاخد الاية من المصحف مباشرة وكذلك كلمة عز وجل وكل الجمل الاختصارية .

التنقيط أفضل فى المواقع من الترقيم 1، 2 .

الخط بيكون 16 بس طبعا دا الوورد لكن غير كدة كل موقع بيكون عامل برمجة للخط عنده مش هتلعب فيها اكيد لانها خاصة بالموقع دا لو هتكتب على لوحة أو قالب يعنى.

تلافى الأخطاء الاملائية.

كتاب المحتوى:

كلمة ليكم في فرق بين (ى، ي) امتى استخدم دى وامتى دى لازم تبقى عارفها والله بتفرق فى المحتوى جدا.

الهمزات بلاش فذلكة وتحط همزات للكلمات اللى عليها بحث وهي مكتوبة من غير همزة، اكتبها زي ما جوجل عايزها.
محتوى المقال بقي بكتبه ازاي ملخص المقال: تدرج من العام للخاص فى الملخص.

المادة العلمية:


محتوى المقال مش تروح تجيبها من أول موقع يقابلك لا خدها من أكتر من موقع وارجع اكتبها بأسلوبك وصيغها وفي مقالات انجليش حلوة كمان ترجمها وحاول تتلافى الترجمة الحرفية بتاعة عمو جوجل.
المقال المخدوم صح لو ألف كلمة هياخد شغل منك مش أقل من تلات ساعات علشان كدة يا أصحاب المواقع بلاش بخس للأسعار وتطلعوا الققط الفطسانه في الكاتب والله هو اللى قايم عليه اغلب شغل الموقع مع كل إحترامي للكل انا اتعرض عليا أكتب مقال ب 3ج من 500 كلمة لكم تتخيلو بقى انا بعتهوله هدية والله.

اللى بيفرق كاتب عن كاتب بقى القراءة والتوسع فيها لو حضرتك فعلا محب للقراءة مش هتلاقي أي تعب فى الكتابة بالعكس هتبقى متعه ليك وهتلاقى مفردات وألفاظ تخدمك جدا عشان كدة كتر من قراءة الكتب لأنها بتضيف معلومات لمواضيعك وتخليها فعلا حصرى ولو بمعلومة جديدة.
الخبرة بتاعتك فيى الأمور الحياتية والمشاكل بتخليك لما تيجي تكتب عن أي موضوع معلومة جديدة لأنك لازم هتكون مريت بيها ودا كدة مقال حصري.
تبتعد عن الحشو للكلمة الرئيسية لازم تكون من ضمن سياق الكلام وتستهدفها بصورة صحيحة مش حشو وخلاص لان ليها نسبة محددة تقريبا من 2 إلى 3 % من المقال لو أنا غلط صحح لي المعلومة.

الكتابة على الموقع

الترويسات العنوان الرئيسى مثال 100 طرية لتحفيز ذاتك دا العنوان الرئيسي أو الترويسة h1
العنوان الفرعي بعد كدة من العنوان الرئيسى نعملة h2 مثال قراءة كتاب مائة طريقة لتحفيز ذاتك
بعد كدة هنعمل ترويسة تلاته h3
طيب الترويسات دى من فين الترويسات دى هى عناصر البحث اللى فى جوجل آخر صفحة أو اللى تعرف بنتائج البحث.

الترويسات دى هتلاقي فيهم العنوان بس بشكل مختلف
أنا قلت مثال عنوان (100 طريقة لتحفيز ذاتك) دى الترويسات بتاعته
كتاب مائة طريقة لتحفيز نفسك تأليف ستيف شاندلر pdf

ملخص كتاب 100 طريقة لتحفيز نفسك

قراءة كتاب مائة طريقة لتحفيز نفسك

تحميل كتاب مائة طريقة لتحفيز نفسك تأليف ستيف تشاندلر pdf

تحميل كتاب 100 طريقة لتعزيز ثقتك بنفسك pdf

تحميل كتاب ماذا تقول عندما تتحدث الى نفسك pdf

كتاب 100 رد مسكت
101 طريقة لتحفيز نفسك

مش لازم تاخد كل الترويسات دي حضرتك بتاخد حسب المقال كام كلمة والناس اللى بتكتب أول مرة العدد بيكون في ناية صفحة الوورد.

الموضوع من طرف المبدعة أمل عمران
قد يفيدك ايضآ
اسهل طريقة لمعرفة الموضوع منسوخ ام لا
ماهو معدل الإرتداد Bounce rate وماهى فوائده واضراره بشكل مبسط
للمبتدئين:طريقة رفع الصور واضافتها للمواضيع فى بلوجر
للمبتدئين خطوات كتابة تدوينة سليمة مثل المدونين المحترفين
طريقة رفع واعادة نشر تدوينة الى الصفحة الرئيسية للمدونة
افضل المصادر المجانية للحصول على مواضيع حصرية فى التقنية
تعليقات



حجم الخط
+
16
-
تباعد السطور
+
2
-