اه بى اى api هى اختصار Application Programming Interface او واجهة برمجة تطبيق.
معني الكلام ده انها نوع من البرمجيات بيكون وسيط بين العميل زي المتصفح او الموبايل وبين السيرفر او الخادم ..
والبرنامج ده بيكون متخزن علي السيرفر وعلشان تناديه بتوصل له من خلال ارسال طلب للسيرفر من خلالURL وده العنوان اللي بتكتبه في شريط العنوان في المتصفح وبيكون فيه http.
وده بروتوكول التواصل بين العميل اللي هو المتصفح مثلا وبين السيرفر بعد كده بتحدد اسم السيرفر اللي عاوز توصل ليه بعد كده اسم المورد اللي هيعطيك الداتا وده بيمثل URI وده اللي بنوصل من خلاله للapi بتاعتنا اللي علي السيرفر ...
الapi ده لما يجيله طلب من اي عميل فبيشوف هل العميل ده مصرح له بالدخول علي السيرفر ويختبر اسم المستخدم وكلمة السر لو لقاه مصرح به بالدخول فبيعطيه تصريح وهو اللي بنسميه token بحيث ان العميل يدخل بعد كده من خلاله بعد كده طالما العميل تم تصريح الدخول له فبيمرر الطلب اللي معاه اللي هو request للسيرفر وما بيرجعش ايده فاضيه بيرجع في حالة نجاح طلبه بالرد اللي هو response
واللي بيكون عبارة عن أوبجكت في شكل json او بيرجع علي شكل xml وبيرجع ده للعميل والعميل يتعامل مع الملف يعرض ويلعب ويصمم ويبهرج وكل ده من خلال الفرونت اند سواء كان انجولار او رياكت او جافاسكريبت ...
وبصفة عامة يمثل ال API الرابط بين العميل سواء موقع أو تطبيق موبايل وبين قاعدة البيانات.
ومن اشهر المواقع اللتى تستخدم API هو موقع الفيس بوك وتويتر وغيرهم الكثير.
هو ايه ربح فايسبوك او تويتر او غيرهم من انهم يفتحولك الapi ببلاش؟
ربط عدد اكبر من المنتجين بخدماته، دي تجارة والفيس بوك وتويتر مافيش فيه حاجة بيخسر فيها لأن اصحاب تلك الشبكات عند كتابة بوست "منشور" مكسب للفيس وتويتر لأن فيه ناس بتتابعه وده بيكتر عدد المشتركين وبالتالي بتزيد مكاسبهم من الإعلانات بعد كدة.فى محركات بحث بين الفيس بوك وجوجل وتويتر هتاخد وتحلل الكلمة فى اى منشور او بحث قمت به على تويتر وفيسبوك وجوجل وغيرها وتحطها في قاعدة البيانات الخاصة بك وبالتالي أغلب الأعلانات اللي هتشوفها الأيام الجايه هتكون متعلقة بال بنوع البحث او المنشور اللى كتابته او بحثت عنه.