ليه صوتك بتحسة غريب لمى بتسجل ريكورد

 في هذه التدوينة سنتعرف سويا على اسباب اختلاف صوتك اللذى تسمعه وصوتك عند الاستماع اليه من خلال مسجل للصوت او فيديو ما او حتى محادثة هاتف. 

  اولا احب اطمنك.. صوتك اللي في الريكورد ده هو نفس صوتك اللي بيسمعه كل الناس

امال ليه بحس ان مش انا؟

اقولك يا سيدي....

مخك متعود يسمع صوتك داخلي بمعني ايه؟

متعود يسمع ذبذبات نبرة صوتك وهي متصادمة مع عظام الفك والجمجمة
وهو ده الصوت اللي مخك يعرفه.
ولمي بتسجل فالصوت بيطلع ذبذبات منك للتسجيل علطول مباشرة
هنا.

المخ يستغرب الصوت... مهو مش لاقي باقي التركيبة والذبذبات اللي متعود عليها.... فيستغرب الصوت 🙄🙄
تقوم حضرتك عايز تجامل مخك وتريحه
تقوم.... تجود.. وتلعب بصوتك علشان تحسه في التسجيل نفس اللي انت عارفه
فيبوظ التسجيل.. وتعميها بدل ما تكحلها. 🤗
.
والمشكلة دي بيواجهها اكتر المبتديء اللي بيسجل اول مره في استوديو ويلبس سماعات الراس وهو بيسجل
فيسمع صوته مباشر وهو بيتكلم فيتجنن اكتر لو مش عارف السبب 😂

كمان الصوت لما بيتسجل بيتحول من حاجة analog لحاجة digital
والصوت الديجيتال ده بيكون عبارة عن samples كتيرة جدا مع بعضها لكنها مبتكنش مستمرة زى الصوت الانالوج
مش عارف اوضحها ازاى وابسطها
بس هو اكيد الصوت بيطلع مختلف لاسباب تقنية
وكل ما كانت امكانيات الاستوديو او الموبايل احسن واعلى كل ما كان الصوت يبان طبيعى اكتر

الخلاصة :- صوتك في التسجيل هو صوتك الطبيعي

تعديل المقال