قبل ما تفكر تشتري مستعمل لازم بعض المعلومات تكون معاك عشان ميتضحك عليك وانت بتشتري عربية مستعملة، وفي الموضوع ده هنتكلم علي بعض النقاط الهامة عند شرائك سيارة مستهلكة مستعملة.
١ - ( صاحب العربية أهم من العربية ) ... لو صاحب العربية نضيف ومهتم بالفرش الداخلي و مهتم بتغير الكوتش في ميعاده فاهتلاقي نوعا ما حاله العربية كويسة من حيث الميكانيكا وهتلاقي العربية مرشوشة رشة نضيفة
٢ - لو صاحب العربية عامل نوته او كراسة صغيرة كده وكاتب فيها كل الصيانات اللي بيعملها وبكام وامتي ... ده هيخيلك مطمن وانت بتشتري
٣ - ما تروحش تشتري عربية برا عن المحافظة اللي انت عايش فيها لان لو لقدر الله في مشكلة في ورق التسجيل او المرور حصلت بعد كده .. تعرف تتعامل ( وده حصلت معايا انا شخصيا )
٤ - اشتري العربيات اللي ليها سوق في مصر زي الكوري والياباني لان قطع غيارهم منتشرة واعادة البيع سهله
5- افتح الراديتر والمايه شوف بيحط مايه حنفيه ولا ايه الدنيا
6- وفك بوجيه شوفه عليه زيت ولا عليه هباب اسود ولا نضيف ولا ايه الدنيا
راجع الحاله وليست العداد، لان الكيلومتر بيتلعب فيه كلهم بيغيروه ونصابين للاسف لذلك هو ليس مقياس لحالة العربيه
ولو البوجيهات عليه اثار زيت يبقي الوضع ايه
تعرف السبب ايه شنبر ولا جوان وش التكيهات
وتعمل كبس للمكنه عشان تعرف خفيفه. مفوته وشنبر وعمره ولا مجرد جوان التكيهات
طيب ولو كبس الماكينه 90%
وهو من جوان وش التاكيهات
يبقي دا سهل وبيتغير بسهوله ف 5 دقايق والمكنه بتفك الوش بس ومش كبير الحوار
بس هات جوان اصلي واربط بشكل مناسب لان الوش الومنيوم ولو مسماير اتربطت جامد عن اللازم هتفوت منك ربط معلم فاهم مش غشيم ولا جاهل
الحوار بسيط وسهل وهيكلف زي 500 مثلا او اقل
ثلاث حالات تفكر فيهم عند شراءك سياره
اولا اهم حاجه ورق العربيه سليم
ثانيا اقفل علي نفسك العربيه وخش بيها المغسله لو دخلت عليك نقطة ميه بلاش منها
ثالثا اركب العربيه في طريق صحراوي وقفل الامبير بتاعها جيب آخرها لو سخنت بلاش منها لو بتعرج لو فرامل لو عفشه
الباقي حتشوفه بعينك بارومه وخلافه