7 فبراير 2020

سيو: لماذا يجب اضافة المصادر داخل الموضوع برابط دوفولو

في هذه التدوينة من موقع عرباوي يشاركنا م/ محمود الغضبان اهمية اضافة روابط المصادر داخل المقالات بوسم دوفولو DoFollow وليس نودوفلو NoFollow.

لماذا يجب اضافة المصادر داخل الموضوع برابط دوفولو




  في ملاحظة بشوفها باستمرار في المحتوى العربي وهي استخدام وسم No-Follow مع روابط المصادر وده شيء خاطئ من وجهة نظري.

(رأيي الشخصي) هو إن رابط المصدر الأفضل يكون دوفولو لأسباب كتيرة.

1- وسم نوفولو بيأمر عناكب البحث تهمل الرابط ده، فيما معناه إن الرابط ده ملوش قيمة.

2- الزائر أصلا صعب يقرأ المقال بالكامل فضلا عن إنه يدخل يكمل قراءة من المصادر وهنا يبقى الرابط ملوش قيمة برضه؛ فلا الزائر دخله ولا عناكب جوجل وفي نفس الوقت الرابط واخد جزء من Link Juice الخاص بالصفحة!!

3- لو عندنا صفحة فيها رابط مصدر ورابط تحميل والاتنين نوفولو.. إيه وجه الاستفادة اللي حققناه من وجود رابط مهم لمقال مفيد وغني بالمعلومات وفي الآخر أعطيناه نفس قيمة رابط التحميل!؟

4- أي رابط سواءً كان نوفولو أو دوفولو بياخد من الـLink Juice أو قوة وأثورتي الصفحة، ولو الناس ملاحظة إن معظم المواقع الكبيرة اللي بتستخدم إعلانات روابط نصية في مواقع تانية بتاخد الرابط بوسم نوفولو وده للحماية من عقاب جوجل لكن في نفس الوقت لأن الرابط النوفولو فعلا مؤثر وبيجيب نتيجة.

5- لما المصدر يكون بوسم دوفولو ده بيخلي عناكب البحث تزحف ليه أثناء فهرسة المقال الأصلي، وطبعا لما يكون المصدر موقع موثوق والمحتوى بتاعه ممتاز جوجل هيعطي مقالك تقييم أعلى ومكافأة على وجود رابط بقيمة عالية مشار ليه في موقعك وده حسب آخر إرشادات جوجل لجودة المحتوى.

أخيرا المواقع الكبيرة زي الصحف The Guardian / Forbes ومواقع الأخبار وغيرها.. حتى مواقع السيو اللي هما متخصصين في المجال بيعملوا المصادر بتاعتهم دوفولو.

المصادر دي بتبقى مقالات لمنافسين ليهم برضه! وتقدروا تتأكدوا من الكلام ده لو دخلتوا مدونات زي Search Engine Land / Backlinco / Neil Patel وغيرها وتشوفوا الوسم المستخدم في المصادر بتاعتهم.

امتى تستخدم وسم نوفولو؟

استخدم الوسم ده مع الروابط اللي فعلا لا قيمة لها بالنسبة لمقالك زي روابط التحميل، روابط الإحالة (أفلييت)، صفحات الموقع الخارجية زي الفيسبوك وتويتر، الروابط في التعليقات... إلخ
أخيرا.. مدونة جوجل في آخر مقال ليها عن إرشادات المحتوى قالت بالنص إن المقال بياخد قوة أكبر لما بيكون موفر "expertise authoritativeness and trustworthiness" وده بيتحقق من جودة المحتوى بتاعك ووجود مصادر محترمة.
ليست هناك تعليقات

تعريب كن مدون جميع الحقوق محفوظة لــ عرباوي | الشروحات بشكل مبسط 2013-2020 ©