11 نوفمبر 2020

افضل برامج بديلة ل adobe

 

افضل برامج بديلة ل adobe

 لا شك ان افضل برامج للتعامل مع الصور والايقونات ومقاطع الفيديو الاحترافيه هي مجموعة برامج ادوبي الشهيرة من فوتوشوب و اليسليتور وبريمير وافتر افكت ولكن تلك البرامج كلها مدفوعة، وفي هذه التدوينة سنتعرف علي افضل بديل فوتوشوب وادوبي اللسايتور وادوبي بريمير وادوبي افترافكت.

كتير مننا بيستخدم برامج ايديت و تصميم سواء صور او فيديوهات ,و الاغلبية الكبرى بتتجه للكراك عشان معظم البرامج مدفوعة 


و كتير مبيبقاش حابب يتعامل مع الكراك لاسبابه الشخصية ايا كانت بس مش لاقى بديل
عشان كدا هنقولك على احسن البرامج المجانية و مفتوحة المصدر اللى تستخدمها بشكل بسيط و تسهل عليك كتير خلينا نبدأ بالصور :

افضل بدائل فوتوشوب

 1- برنامج gimp

 لو انت بتستخدم photoshop ف االبديل الاحسن و الافضل ليك هو gimp اللى بيقدملك كل حاجة بيقدمه photoshop و متقلقش مش هتتعب لما تنتقل لية لانه بيقدملك واجهة بتكون نفس واجهة photoshop بالظبط و بالتالى بقى عندك نفس الادوات و نفس الواجهة و كل ما يخص photoshop بس على gimp و من غير كراك و وجع دماغ وده اللينك بتاعه

 2- Darktable

 نيجى ل Darktable و دا احسن حاجة تستخدمها مكان Lightroom و اللى وجهته بتكون قريبة من واجة lightroom و مش هيضايقك فى حاجة و فيه نفس الخصائص
 وده اللينك بتاعه

3- Inkscape 

 و Inkscape دا البديل الاساسى و الاهم لillustrator و دى واجهتها مش زى ال illustrator اوى بس سهلة جدا فى الاستخدام و هتعرف تتعامل معاها بسهولة
 وده اللينك بتاعه  

افضل بدائل ادوبي بريمير، افترافكت

هنقسمهم ل 3 برامج على حسب استخدامك هنرتبهملك من الاسهل للاصعب

1- برنامج openshot 

واجهتة بسيطة لو استعمالك بسيط على قد حذف جزء من الفيديو اضافة جزء او اضافة بعض التاثيرات البسيطة اضافة صور او اغانى على الفيديو و هكذا ف openshot هيبقى انسب حاجة ليك و عملى و مفيهوش خيارات كتير و مش هيتوهك عيبه الوحيد لو بتستخدم فيديو كبير بجودة اعلى من 1080,30fps بيبدء يقطع فريمات معاك و ساعتها هتحتاج تنقل لبرنامج kdenlive(تابع..)
 وده اللينك بتاعه

2- برنامج kdenlive 

ودا اللى نقدر نقول عليه بديل ل adobe premiere بس مش بشكل كامل لان مازال premiere بيتفوق عليه فى جزء ال color correction , color grading بس دا ميزته العظيمة هو جزء ال proxy و دا اللى بيخليك تشغل و تعدل فيديوهات لحد 8k بدون تقطيع و دا عن طريق انه بيعمل نسخة تانية من الفيديو و بتكون مساحتها اقل و جودتها اقل و بتعمل التعديلات اللى محتاجها و بعد ما تخلص و تعمل ريندر بيعمل التعديلات دى على الفيديو الاساسى اللى هو جودتة اعلى و بكدا بيكون حل مشكلة التقطيع اثناء الشغل
 وده اللينك بتاعه 

3- برنامج DaVinci Resolve  

ودا العظمة كلها و فى منه نسختين نسخة مدفوعة و دى اللى فيها بعض المميزات عن النسخة المجانية و النسختين افضل و احسن بكتير من adobe premiere و كمان متفوق عليه فى ال color correction , color grading و يشتغل معاك بدون تقطيع فريمات ولا حاجة كل ما يعيبه فقط انه اقل امكانيات عشان يشتغل اصلا عالية شوية
 وده اللينك بتاعه 

 في النهاية هناك العديد من البدائل القوية لبرامج ادوبي المدفوعة ولكن ذكرنا في هذا المقال اهم البدائل المفيدة للمستخدم ايضآ اكبر ميزة في هذه البرامج انها بتشتغل على ويندوز و ماك و لينكس ومفتوحة المصدر، يعني ليست maleware مثل windows و غيره من البرامج التي لا تحترم حريه المستخدم ، ناهيك عن BIOS و Intel ME.

ليست هناك تعليقات

تعريب كن مدون جميع الحقوق محفوظة لــ عرباوي | الشروحات بشكل مبسط 2013-2020 ©