عن ماذا تبحث؟

شبكات البث الهوائي او الاسلكيه او الدش المركزي في مصر

انتشرت بنهايه 2020 في مختلف انحاء مصر كلها شبكات البث الهوائي، وهي طريقة جديدة في مصر لأعادة بث القنوات المشفرة عن طريق اجهزة ارسال ﻻ سلكية واستقبالها بعدسة اﻻستقبال الخاصة بالدش، معلومات بسيطه بس عشان نسهل علي نفسنا ونفهم ايه هي الشبكة دي. 

شبكات البث الهوائي او الاسلكيه او الدش المركزي في مصر

معلومات عن شبكة البث اللاسلكية


1-الشبكات دي ممنوعه قانونيا ودوليا وبتتعمل في سريه واصحاب الشبكات نفسهم مبيعلنوش عن هويتهم ولا اماكنهم فمينفعش هنا او في اي مكان نقول الشبكه كذا بتاعت فلان كده يبقي بنبلغ عنه.

 
2-القاهره والقليوبيه واسكندريه اكتر محافظات في مصر فيها تواجد امني  فمتتعبش نفسك وتدور علي شبكه فيها لان الي هيعمل شبكه فيها هيتمسك بعد 3 دقايق  وطبعا في استثناءات.

تم انشاء العديد من الشبكات التي يمكن استقبالها ويمكن استقبلها في القاهره والجيزة والقليوبيه واسكندريه عبر الموضوع التالي: ترددات واماكن اغلب شبكات البث الهوائي او الاسلكيه او الدش المركزي في مصر

 
3-الاقصر واسوان لحد الان مفهمش بسبب عد الاهتمام بالموضوع اصلا 


4-اغلب المحافظات بقي فيها شبكات  خصوصا الشرقيه فيها 3 شبكات وبتغطي  محافظات مجاوره كمان زي اسماعيليه


نيحي بقي للمهم يعني ايه بقي الشبكه دي  شخص بيقوم باعاده بث قنوات تلفزيونيه عن طريق برج خاص بيه بيحطه ف مكان مرتفع عشان يقدر يغطي اكبر مساحه

 
وطبعا ده ممنوع وفيها  مسأله قانونيه .  ومصادره للاجهزه الي بتوصل ل300الف جنيه .وممكن اكتر
طيب عاوزين نعرف مدي الشبكه اغلب الشبكات مبتقلش تغطيتها عن 20 كيلو وفي بيوصل ل50 زي بتاعت كفر الشيخ بيستقبلوها عادي جدا ف البحيره والغربيه

ايه المطلوب عشان نستقبل شبكة الدش المركزي الهوائية 

1-معاك تردد الشبكه الي ف المحافظه بتعتك
2-تعرف هي بيتم استقبلها بعدسه عاديه او معدله   
العدسه العاديه زي الي عندنا كلنا بنستقبل بيها النايل سات
العدسه المعدله بتتباع معدله جهزه بكريستاله 30الف  واي محافظه متوفر فيها باذن الله
3- يبقي معاك التردد الي هتستقبله
4 -ريسفير HD
5-تعرف هل هي مشفره ولا مفتوحه لان اغلب الشبكات حاليا مفتوحه للدعايه عشان تعرف اهل المنطقه ودي دعايا مجانيه عارفين ان المصريين بيحبوا ابو ببلاش المحافظه كلها هتعرف ف 3 دقايق ان في شبكه
وبعد انتهاء المده المجانيه تسأل بقي اشترك ازاي وبكام 


وطبعا عمرك مهتوصل لصاحب الشبكه الشغل كله عن طريق وسطاء ووسيط بيسلمك لوسيط وليله ..عشان صاحب الشبكه ميتعرفش


ياريت اكون اتوفقت وشرحتلكم ببساطه  
وهنزل تاني باذن الله المحافظات بالترددات بعد اخر تحديث شغالين عليه .
 

تعديل بس اخير مش شرط العدسه تركب ع طبق عشان تستقبل التردد زي ما الناس بتقول  ممكن تحطها ع عمود طويل وكل ما ارتفعت لفوق ومفيش اي عوائق ادامك سهل تستقبل بس تبقي عارف انت موجه انهو اتجاه وفين اتجاه الارسال او الشبكه .

تابع ايضآ:  ترددات واماكن اغلب شبكات البث الهوائي او الاسلكيه او الدش المركزي في مصر 

من طرف المهندس/Ehab Nagah


تعليقات



حجم الخط
+
16
-
تباعد السطور
+
2
-