عن ماذا تبحث؟

يعني ايه شبكة بث دش هوائي

في الموضوع ده هنفهمك يعني ايه دش هوائي بطريقة مبسطة وسهلة، ناس كتير مش عارفه يعني ايه شبكة دش هوائي، وطريقة عملها وازاي بتشتغل وطريقة استقبال قنوات الدش الهوائي بين سبورت وكيفية الاشتراك بها، كل ده سنتعرف عليه في هذا المقال ان شاء الله.

 لكن قبل ما نبدء تعرف علي ترددات واماكن اغلب شبكات البث الهوائي او الاسلكيه او الدش المركزي في مصر

يعني ايه شبكة بث دش هوائي

 

قد يفيدك:

 

ماهي شبكة بث الدش الهوائى؟

ببساطة يا جماعة ده زي الدش المركزي ( الوصلة) بس من غير اسلاك بتستقبلها عن طريق عدسة (lnb) لو انت قريب من محطة البث مش هتحتاج طبق هتوجه العدسة ناحية محطة البث وفي الرسيفر هتضيف قمر جديد وتكتب تردد الشبكة والقنوات هتنزل عندك... 

 الشبكة دي بقي عبارة عن ايه؟

زي ماقولت في البداية دي زي الوصلة بس لاسلكية صاحب الشبكة
لو عايز يبث 10 قنوات بيجيب عشر رسيفرات.. يعني لو عايز يبث 5 قنوات بين سبورت يبقي لازم يجيب 5 رسيفرات بين سبورت وبيشغل كل الرسيفرات دي 24 ساعة وبيربطها بأجهزة بث هوائي وانت بتستقبلها بالعدسة. فكرتها بالظبط زي فكرة القنوات الارضية.. 

ـ طيب مدي البث بتاعها بيبقي اد ايه؟

بترجع لأجهزة البث اللي بيستخدمها صاحب الشبكة في اجهزة ممكن تغطي محافظة بالكامل وفيه أجهزة ممكن تغطي ٥ كيلو فقط
يعني انت عشان تستقبل البث الهوائي لازم تسأل هل منقطتك في شبكة بتغطيها ولا لأ وفين اتجاهها وايه التردد بتاعها؟. 

 طيب صاحب الشبكة مستفيد ايه؟

زي بالظبط صاحب شبكة الوصلة.. بياخد اشتراك شهري.. بيعمل تشفير للشبكة وعشان تاخد كود فك التشفير بتدفع اشتراك شهري 

 فيه شبكة اتعملت في القاهرة من قريب ومداها كبير بيغطي القاهرة والجيزة والقليوبية وصاحبها لسه مخليها مجاني بس بعد كده اكيد هيشفرها.. كان بيبث قنوات البين سبورت وقنوات افلام ومصارعة. من يومين كل قنوات البين سبورت وقفت. يا تري ليه ليه؟ لأن شركة بين سبورت بتبقي عاملة كود تتبع لكل رسيفر اللي هو الكود الاسود اللي بيظهر احيانا علي الشاشة شركة بين سبورت بقي بتراقب الشبكات دي وبتعرف الاكواد بتاع الرسيفرات اللي شغالة في الشبكة وبتقفلها وتلغي اشتراكها والقنوات بتتقفل وهو ده اللي حصل مع صاحب شبكة القاهرة. 


وفيه شبكات شركة بين سبورت مش بتقدر تقفلها  لان اصحابها بيبقوا بيبثوا من رسيفرات مفكوكة الشفرة يعني ملهاش كود تتبع لكن الرسيفرات دي بتبقي غالية جدا ممكن تعدي ألف دولار للرسيفر الواحد ودي الرسيفرات اللي بيستخدموها في سيرفرات الـ iptv. عشان كده الـ iptv بيستمر..

قد يعجبك:

 

تعليقات



حجم الخط
+
16
-
تباعد السطور
+
2
-