القائمة الرئيسية

الصفحات

Windows 11 وتقرير Goldman بعد يومين من الاستخدام





بقالي كده يومين بستخدم الـ Windows 11 وعندي شوية كلام عاوز أقوله عنه، وأنا مش مصدق إني بقيت شايف الـ Windows بقى لطيف وجامد كمان.
مبدئياً، أنا لما شوفت الـ Screenshots أول ما التسريب بتاع النظام ده طلع حسيت إن Microsoft بوظت الـ Design Language بتاعت الـ Windows وإتجهت إنها تقلد الـ Mac وخلاص من غير أي إبداع أو تميز، وهو ده فعلاً اللي حصل، لكن اللي حسيته لما جربت النظام -وبقى هو الأساسي بالنسبة لي دلوقتي- إن تقليد الـ Mac ده مش حاجة وحشة.

 

Windows 11 وتقرير Goldman بعد يومين من الاستخدام

قد يفيدك:

 


ملاحظة الصور في اخر المقال


لإنه حسسني إن فيه حاجة جديدة، وأنا إتبسط إن Microsoft غيرت كل الـ Elements الأساسية الصغيرة خالص في النظام عشان تواكب الـ Style الجديد، زي مثلاً الـ Scroll Bars والـ Buttons والـ Corners اللي كلها بقت Rounded؛ فبقيت حاسس كل حاجة جديدة حتى البرامج القديمة، لإن الـ Elements دي إتعدلت فيهم للشكل الجديد؛ فبقت كل البرامج القديمة كإنها جديدة. مع موضوع الـ Rounded Corners والتعديلات اللي حصلت في الـ Elements الأساسية كان حاجات تانية لازم تتعدل بردو وMicrosoft فعلاً عدلتها، الـ Icons بالكامل إتغيرت حتى الأيقونة بتاعت الـ "Task Manager"، الأيقونات بتاعت الـ Folders والـ Partitions إتغيرت، حتى الأيقونات الصغيرة اللي جوه التطبيقات والإعدادات إتغيرت، كل الأيقونات إتغيرت وبقت ملائمة مع شكل النظام بشكل عام! .. من المميزات اللي حاسسها شوية في التحديث العملاق بتاع الـ Design ده هو إن الـ Windows بقى لايق مع كل حاجة جديدة، يعني دلوقتي الـ Windows بقى مشابه للـ UI بتاع Facebook و Spotify و Google Chrome؛ فبقت كل حاجة كده "متناغمة" شوية ولايقة على بعض. 


من الحاجات الحلوة بردو إن الـ Shadows بقت أكتر؛ فبقى مثلاً الـ Mini View بتاع تطبيق "Movies & TV" اللي بيشغل الفيديوهات أريح، ليه بقى أريح رغم إنه ما إتغيرش عن الـ Windows 10؟ لإن بقى فيه Shadow عميق يفصل الشباك اللي فيه الفيديو ده عن الحاجات اللي أنا بعملها وراه في الخلفية.


من الحاجات الحلوة إن Microsoft مش بس ظبطت الـ User Interface، لكن كمان هي غيرت شوية في الـ Functionalities بتاعت العناصر اللي كانت دايماً قدامك، زي الـ Start Menu اللي دلوقتي بقيت ممكن تعتبرها الـ "Launch Pad" أو حاجة زي الـ App Drawer بتاع الـ Android، بتحط كل تطبيقات فيها وتـ Scroll فيها عشان توصل لأي حاجة إنت محتاجها، يعني مش هتعمل زحمة بعد كده على الـ Desktop أو الـ Taskbar، الموضوع بقى أبسط وأجمل بكتير. 


الـ Performance Issues على ما أعتقد إنها أتحلت، الـ Windows 11 اللي معايا ده نسخة أولية مش كاملة، إحنا لسه ما شوفناش Microsoft أصلاً بتعلن عنه، لكن اللي باين كده إنهم إشتغلوا جامد عشان يخلوا الـ Windows أخف. الـ Animations دلوقتي ناعمة وسلسة، إستهلاك الـ RAM أقل، وكذلك إستهلاك سرعة الـ SSD أقل عن إستهلاكها أيام السفاح اللي اسمه Windows 10، والنظام بشكل عام سريع في كل حاجة، وفي الألعاب أحسن شوية. 

 

الـ Windows بقى ممتع إنك تقلب فيه وتعمل الشغل عليه، و دي حاجة ماكنتش أتخيل أبداً إني أقولها! :"D .. من كام يوم 'مديري' كان بيقترح عليا الشغل من البيت عشان الظروف الحالية، قولت له إني كنت هكسر الـ PC بتاعي لما فتحته آخر مرة (كان كحيان جداً، وفعلاً إتعصبت عليه)، بس يمكن دلوقتي الكلام ممكن يتغير شوية لإن مشاكل الأداء دي تعتبر إتحلت. 


ممكن أكتب مقال ألفين كلمة عن الـ Windows 11 (أربع أضعاف المقال ده) ويكون كله إيجابي، إتكلم فيه عن التفاصيل الصغيرة والـ Font الجديد والـ Sound Design وحاجات كتير، بس الملخص هو إن الـ Windows 11 فعلاً مستقبله حلو جداً، بس ما أنصحكش إنك تنزله دلوقتي عشان لسه فيه حاجات مش كاملة وفيه تعريفات مش بتشتغل عليه (الـ Bluetooth عندي مش شغال) لكن مبسوط جداً بالتوجه بتاع Microsoft وأتمنى إنهم يكونوا محضرين لنا حاجات أجمد وقت الإعلان.



المصدر







تعليقات