ازاي تحافظ علي طبق الاستقبال من الرياح والامطار

مع دخول فصل الشتاء والخريف تحدث بعض الاعطال في اطباق الاستقبال "الدش" وذلك بسبب الرياح القوية وهطول الامطار بشكل كثيف مما يؤثر علي ثبات الاطباق وتكسير الاشارة واعطال قد تصل الي تعطل اجهزة الاستقبال، وفي هذا الموضوع نستعرض سويا اهم النصائح للحفاظ علي اطباق الاستقبال في اعلي الاسطح من التأثر بحالة الطقس من حولنا.

 

 

تابع: عايز تبقي فني دش وتركيب اقمار صناعية؟ تابع هنا

كيفية المحافظة علي طبق الاستقبال "الدش" من الرياح والامطار

 هناك بعض النصائح التي يمكن العمل بها للمحافظة علي مكونات طبق الدش من التلف بسبب الامطار والرياح والصواعق في فصل الشتاء والتي للأسف قد يهملها العديد من المستخدمين وهي:

قد يفيدك: طريقة لحام سلك الدش دون فقد اوضعف فى الاشارة على الأطلاق

الصيانه الدوريه مع دخلة الشتاء

دايما بزيت وأشحم كل مسامير الاطباق سواء المتحرك أو الثابت
للحفاظ علي البولار والمسامير والصواميل من الصدأ
ياريت كل الناس تطلع تشيك علي اطباقها
وتقفل علي الدايزك كويس ولو في اي إف كونكتور مش متقفله بلاصق شيكرتون
اقفل عليها كويس جدا
ونصيحه لاصحاب المتحرك لما يكون في أمطار ياريت منحركش الطبق والافضل نفصل الوحده نهائي علشان نحافظ علي منظومة التحريك من التلف سواء ماتور او الوحده
وفي حالة الرياح والعواصف نوقف الطبق علي عرب سات 30
كل شتاء وأنتم بخير


شوية نصائح لأصحاب المتحرك 📡

بما اننا داخلين على أيام فيها رياح شديده و أمطار غزيره و تقلبات جويه
✅أطلع بص ع القاعدة متثبته كويس ولا لا
لو القاعده قديمه وحاسس انها مش كويسه زود عليها شوية أسمنت ورمل وزلط وخليها ع شكل هرم 🔺
✅شيك ع مسامير الماتور اللي بتربط الماتور فى دراع الطبق والبولار وقرط عليها جامد 🔧🔧
✅فيه حاجه غلط ناس كتير بتعملها بتلبس الماتور من تحت كيس بلاستيك ودا أكبر خطأ لان الكيس بيتملي ميه والميه بتدخل جوا الماتور عند الأسلاك وبتعرض الماتور للتلف وحدوث قفلات وظهور n5 أو e2 في البوزيشنر
تم تصميم الماتور وتقفيله ليتعامل مع كل الظواهر والعوامل الجويه يعنى الخواجه انصح منك 😂😂
وأخيراً لما يكون فى هوا شديد ممكن تحرك الطبق ع أقمار الوسط ( أسترا 19_ بدر 26_عرب سات 30 ) او تطلع تشوف اتجاه الهوا فين وتحرك الطبق عكس الهوا عشان يتفاداه بشكل كبير ...
دمتم بخير و سعاده❤🌹

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -