كنت كتبت موضوع قبل كده عن ازاي تزيل خلفية أي صورة في ثواني، النهارده هقولكم ازاي تشيلوا أي جزء من أي صورة في ثواني برده، يعني لو في يوم اتصورت صورة وطلع فيها جزء عايز تشيله، أو لو حد ظهر في الخلفية وأنت مش عايزه يظهر أو فيه أي حاجة ظهرت في الصورة وأنت عايز تشيلها بسهولة.
فتعالى أقولك على موقع رائع تقدر تستخدمه بسهولة جداً هتشيل أي جزء من الصورة في ثواني.
كيفية حذف ومسح اي جزء من صورة
- - هتخش على الموقع ده https://cleanup.pictures
- - وهترفع الصورة اللى عايز تشيل منها أي جزء، وبصابعك امشى على الجزء اللى عايز تشيله، هتلاقيه اتعمل عليه خط أخضر كده وبعد كده اختفى.
- أو لو فاتح من اللابتوب، هتمشي بالماوس على الجزء اللى عايز تحذفه وهتلاقيه اختفى
- ولو الجز اللي عايز تحذفه من الصورة سواء كبير أو صغير فهتلاقي فيه كلمة brush وجنبها مؤشر، تقدر من خلاله تتحكم براحتك.
- - وبعد كده تعمل Download للصورة.
ولو عايز تطبيقات على الموبايل بتعمل ده، فممكن تستخدم أي تطبيق من الإتنين دول photo retouch أو easy eraser بس كده 😍
يا رب البوست يكون مفيد ليكم ❤️ عبدالرحمن شهاب ❤️
