ميزات كثير منا لا يستخدمها في واتساب تعرف عليها الان

 واتساب واحد من اكثر التطبيقات استخدامآ بين المستخدمين في المراسلات اليومية ومشاركة اي شئ، ولكن هناك بعض الميزات التي قد لالايستخدمها الافراد تسهل علينا استخدام الواتساب بشكل اكثر احترافي.

 وفي هذا الموضوع يشاركنا مهندس عبدالرحمن شهاب شوية حاجات ممكن تفيدك وأنت بتستخدم واتساب.

صورة ليد شخص تحمل هاتف عليه واجهة واتساب


 الخصوصية في واتساب .. وأشياء آخرى 🤝


المقال عبارة عن سؤال وجواب عشان يبقى الأمر بسيط والخطوات واضحة.
البوست فيه معلومات ممكن تكون عارفها، وممكن غيرك ميكنش عارفها فيستفيد بيها 😘


1- ازاي تخلي الرسائل اللى بعتها لشخص معين تتحذف تلقائياً من عنده بعد 24 ساعة؟

- هتخش على الشات اللي بينكم، تحت شوية هتلاقي ظاهر لك Disappearing messages اضغط عليها واختار المدة اللي عايز الرسائل تتحذف من عنده.

2- ازاي تخفي صورة البروفايل بتاعك عن شخص معين؟

- هتخش على الإعدادات وبعد كده Account وبعد كده privacy وبعد كده اضغط على profile photo واختار مين اللي عايز يشوفها ومين اللي مش عايزه يشوفها.

3- ازاي تِثّبت 3 محادثات في واتساب؟

يعنى مثلا فيه محادثات عايزها تبقى موجودة دايماً في الأعلى ومهما جالك رسائل من ناس تانية، فالشات اللي أنت محدده ده يفضل موجود فوق، فممكن تعمل ده كالتالي:
• لو معاك أندرويد:
- هتدوس على المحادثة، ومن فوق هيظهر لك علامة الدبوس، هتضغط عليها بس، ولو عايز تلغي التثبيت هتعمل نفس الخطوة دي تاني.
• لو معاك أيفون:
هتسحب الشات من الشمال لليمين، وهتدوس على pin / تثبيت.

4- ازاي تخلي واتساب يعدل الصورة قبل ما تبعتها لحد أو تحطها في الستوري بتاعتك؟

- بعد ما تختار الصورة اللى عايز تبعتها لحد، هتدوس عليها لفوق، هتلاقي ظهر لك تحت كل الفلاتر وتقدر تعدل اللى أنت عايزه.

5- لو حد بعت لك صورة وعايز تكتب عليها حاجة أو تعلم على جزء معين فيها بدون ما تنزلها على موبايلك، فتقدر تعمل ده بسهولة.

- كل اللي عليك إنك وأنت فاتح الشات تضغط على الصورة اللي عايز تعدل عليها، وتدوس على الخط المموج تحت الصورة وتعدل عليها براحتك وتدوس.

6- ازاي تبعت صورة بجودة عالية؟

لما تحب تبعت صورة لحد، ابعتها له كمستند مش كصورة، كده هتوصله بجودة أعلى.


يا رب يبقى الموضوع مفيد ليكم

 

تعليقات
ليست هناك تعليقات
إرسال تعليق