المدير التنفيذي John Ray الجديد لمنصة FTX اللي كان السبب في انه يساعد شركات كتير تقدمت بطلب حماية الفصل ال 11 من قانون الإفلاس الامريكي قال في تصريحاته انه عمره ما شاف شركة سيئة زي FTX و نشر بعض النقاط العامة اللي اكتشفها اثناء فحصه لسجلات الشركة :
أف تي أكس (بالإنجليزية: FTX) هي شركة وبورصة للعملات المشفرة، تأسست في أنتيغوا وباربودا ومقرها في جزر البهاماس في عام 2019. كان الغرض منها توليد أكبر قدر ممكن من الثروة لاستخدامها في الأغراض الخيرية. في يوليو 2021 بلغ متوسط حجم التداول اليومي للبورصة 10 مليارات دولار ولديها أكثر من مليون مستخدم. تقوم بتشغيل تبادل منفصل متاح للمقيمين في الولايات المتحدة. جمعت في يوليو عام 2021 حوالي 900 مليون دولار بتقييم 18 مليار دولار من أكثر من 60 مستثمرًا.
قام سام بانكمان فرايد، وهو خريج معهد ماساتشوستس للتكنولوجيا، بتداول صناديق الاستثمار المتداولة الدولية في شركة جين ستريت كابيتال، بعدها في مايو عام 2019 قام بتأسيس شركته أف تي أكس (FTX). في أغسطس عام 2020 استحوذت على تطبيق بلوكفوليو (بالإنجليزية: Blockfolio) مقابل 150 مليون دولار، وهو تطبيق لتتبع محفظة العملات المعماة.
أعلنت المنصة في نوفمبر 2022 أن عمليات التداول قد تتوقف عليها في اي لحظة، تمثلت المشكلة في أن الرافعة المالية التي قدّمتها بورصة العملات التي بلغت أقصى الحدود (الاقتراض الفعال من بعض العملاء لإقراض آخرين) حيث بدأ المستخدمون يشكون في ثبات المنصة فبدأت عمليات سحب كبيرة أدت الى توقفها.
1- قال ان منصة FTX سلفت المدير التنفيذي السابق Sam Bankman أكتر من 1 مليار دولار من اجل استخدمه الشخصي.
2- المنصة سلفت مدير الهندسة Nishad Singh ما يعادل 543 مليون دولار.
3- المنصة استخدمت فلوس العملاء علشان يشتروا بيها منازل لموظفين المنصة في جزر البهاما, و الممتلكات ده كانت بتتكتب بأسماء الموظفين بالرغم انها مفروض تكون كأضعف الإيمان بإسم المنصة علشان تعتبر اصول للمنصة.
4- لم تحتفظ المنصة بأي سجلات تخص الموظفين و لا ايه دورهم في الشركة ولا بيعملوا ايه, و مُرجح ان المنصة تكون قامة بتزييف اعداد الموظفين.
5- كان بيلزم Sam Bankman الموظفين انهم يشغلوا خاصية الحذف التلقائي للرسائل اللي بتدور بينهم بصورة تلقائية علي تطبيق Signal.
6- مكنش في اي سجلات تخص الموقف المالي للشركة ولا حتي في نقدية قد ايه او فين حتي الفلوس اللي بتجمعها المنصة كأرباح.
7- مكنتش المنصة بتحتفظ بأي سجلات للأصول الرقمية و المشفرة الخاصة بيها.
8- مكنش بيتم تسجيل الأصول الرقمية في الميزانية العمومية اللي كان بيتم ايداعها من المستخدمين.
9- تم انشاء تطبيق وظيفته اخفاء المعاملات اللي بتتم بصورة سرية الخاصة بفلوس المستخدمين.
و اخر تعليق له : كان المفروض ان تبلغ قيمة FTX حوالي 32 مليار دولار, و كانت مدعومة من شركات و صناديق استثمارية ضخمة, و بالرغم كدة مكنتش بتمتلك المنصة اي مستندات او وثائق او حتي هيكل اداري, الخوف انه فعلًا يتم التأكد ان اللي حصل ده اكبر و اضخم حالة نصب في التاريخ علي الإطلاق.
وده من الاسباب اللي خلت منصات ByBit و OKX و Binance وقفوا عمليات الايداع في العملات المستقرة USDT و USDC المبنيين علي شبكة سولانا.
وده بسبب انهيار منصة FTX و انها كانت من اكبر المستثمرين في الشبكة بذراعها الاستثماري Alameda.
سعر العملة نزل من ٤٠ دولار تقريبا ل ١٣ دولار .
تعريف سريع بشبكة سولانا هي شبكة كان هدفها انها تدخل مجال المدفوعات و تسرع العمليات علي الشبكة بتاعتها، و علشان نعرفها اكتر خلونا نقارنها بالبيتكوين
سولانا تقدر تنفذ عليها حوالي ٦٥ الف معاملة بالثانية مقابل البيتكوين ٧ معاملات فقط.
خلاف مصاريف التحويل فيها اللي بتوصل لارقام اقل من ال ١ دولار الف مرة و اكتر مقارنة بالبيتكوين اللي بتوصل ل ٢٠ دولار و اكتر في بعض الاحيان و حاليا اقل من ٢ دولار.
و سولانا مشكوك في لا مركزيتها لان نسبة صغيرة جدا من مددقين الشبكة بيملكوا نسبة كبيرة جدا من عملة الشبكة SOL.
سبب الانهيار القادم هيكون جاي من منصة BlockFi المسؤل عن اقراض العملات المشفرة، بعد ما نشر موقع Wall Street Journal خبر مفاده ان المنصة بتستعد لاعلان افلاسها.
و ده بعد ما المنصة بعتت ايميلات للمستخدمين تطمنهم بعد انتشار اشاعة بتقول ان معظم عملات المنصة كانت محفوظة في منصة FTX المنهارة.
و اعلنت المنصة ان ممكن مش اكيد يكون في مشاكل مالية بسيطة بسبب الالتزامات المستحقة ليهم من Alameda و بعض الاصول الموجودة كانت في FTX.
"بالمناسبة كل الشركات و المنصات و العملات قبل الانهيار بيقولوا معندناش مشكلة و هم عندهم جوة".
ده معظم استثمارات النصاب Sam Bankman عن طريق FTX و Alameda والسبب الرئيسي في الانهيار في سوق العملات المشفرة والبلوك تشين
معظم الشركات ده هتنهار ان مكنش منهم كتير انهار بالفعل،
عارف المشكلة من البداية في ايه؟؟
(المركزية) اللي بسببها ظهرت البلوكتشين من الأساس، شخص واحد اتحكم في اقتصاديات شركات كاملة و كان بيصرف فلوس العملاء كيفما شاء.
شرح الألوان علشان لو حد تايه :
1- اللون الأصفر ده المؤسسات اللي استثمرت في FTX.
2- اللون الازرق ده الشركات اللي خادت استثمارات او تم الاستحواذ عليها من Sam Bankman.
3- اللون الاخضر ده شركات راحة جاية بتدي استثمار و بتاخد استثمار.
4- اللون الاحمر ده الشركات اللي مش هتقدر تسحب استثماراتها.
ااقولكم علي سر, مؤسسة Alameda التابعة لSam Bankman استثمرت في شركة في تل_اب_يب من فترة مبلغ 2 مليون دولار, وزي ما انتوا عارفين ان الناس ده مش بيجي من وراها غير الق_رف و الن_حس و كان ما كان شركة حجم اعمالها بالمليارات فلست.
بواسطة: م/محمد درويش