قد يفيدك
ببساطة يا أستاذي المحتوي اللى بتقرأة دا اسمه content محتوي وأنا اللي عملته اسمي creator صانع او كاتب او منشئ وبعد ما بنشرة بتابع تعليقاتكم واشوف أنا اديت الغرض المطلوب ولا لاء.
ثانيا ما هي أشكال المحتوي ؟
كتب - مقالات - فيديوهات - ملفات صوت - محتوي للجرافيك دزاينر- محتوي الايمييل - message .(نص - صوت - صورة -انفوجراف - فيديو)
ما الهدف من كتابة المحتوي ؟
الهدف الأول هو الربح، طيب الربح هيجي ازاى .. هيجي من المستخدم اللى بيقرأ أو بيسمع أو بيشوف المحتوي بتاعي، يبقي الهدف الأسمي هو اني اكسب ثقة المستخدمطيب هكسب ثقتة ازاى من حتة المحتوي، اديلة الـ value اللى هو عاوزها.
ندخل بقي فى صميم الموضوع وهو كتابة محتوي للمواقع مناسب لكل شروط وقواعد ال SEO ، سؤال مهم جدا الـ user عاوز اية وبيجى يقرأ محتوايا منين؟
اولا هو عاوز معلومات أو عاوز يشتري حاجة من الاخر بيدور على حاجة ناقصاه
طيب خلونا نتطرق للفرق فى الاحتياج هل هو Want ولا Need وايه الفرق بينهم.انا عندي صداع متكرر من أسبوع دا مثال حقيقي
اذا لازم اخد دواء فدا احتياج اسمه Need ضروري هاخد دواء علشان اعالج الصداع المستمر طيب في ادوية كتيرة للصداع زي باى الكوفان أو باندول اكسترا، انا هنا قدامى اختيار للحاجة بتاعتى دا اسمه want.
فهنا لو بكتب مقال طبي بحدد المستخدم مين وعاوز اية ولو طفل او شاب او عجوز ولو بنت أو حامل - طيب لو مريض سكر مثلا او ضغط يعمل اية وابدأ احط الاحتمالات كلها وفى كل حاله لها محتوي خاص بها.
المستخدم بييجي منين :
- - عن طريق السوشيل ميديا
- - عن طريق محركات البحث (جوجل)
- - فى انواع تانية كتيرة بس نركز ف دول دلوقتي
كل واحد من دول له ثقافة مختلفة مثلا زائر السوشيل ميديا واخد على انه بيسكرول بسرعة فمش بيقرأ كتير، على عكس اللى جاي من جوجل بيقعد وقت أطول ويقرأ أكتر.
مثلا فى ناس بتقرأ دلوقتي صبرها نفذ لانهم مش واخدين على القراءة لمحتوي طويل اصبر يا معلم
أنت كـ كاتب محتوي فى تحدي صعب انك تقنع الزائر بتاع السوشيل انه يقعد يقرأ وفي حلول كتيرة جدا ل دا هديك واحد منهم وهو بالفعل موجود ف البوست اطلع لاول البوست واقرأ الفقرة الاولي
سؤال نسيت اسأله فوق ايه أفضل نوع محتوي "نيتش" اليوزر بيتفاعل معاه ؟
- نيتش البيزنس والمال : بيحبوا المقال وبه انفوجراف
- نيتش الأكل والصحة والمنوعات : المحتوي اللي بيبدأ ب How To - كيفية - كيف - طريقة عمل
- نيتش التعليم : المحتوي الطويل وبه فيديو
- نيتش العقارات : مقال قصير وبه فيديو
- نيتش السياحة : محتوي طويل مع صور
- نيتش الفاشون: صور صور صور ومحتوي قصير
وبشكل عام أفضل محتوي بيتم التفاعل معاه
- 1- الانفوجراف
- 2- المحتوي الطويل +1000 كلمة
- 3- المحتوي اللى بيبدأ عنوانه بسؤال How to
لو ما أقنعتش الشخص اللى بيقرأ أو بيشوف أو بيسمع المحتوي بتاعك بالاجابة على أسالته أو بتزويدة بالمعلومات اللى محتاجه عمرة ما هيدخل موقعك تاني وهيقلل ترتيبك
وأخيرا لان الكلام كتير مش هقدر أكمل فى نفس البوست مطلوب منك قبل ما تكتب تجاوب على الأسئلة دي
- هكتب في ايه ؟
- من جمهورك المستهدف ؟
- ما الذي يبحث عنه ؟
- من أين ياتي لموقعي ؟
- ما الهدف من المقال ؟
- وأخيرا كيف توصل له رسالتك؟