17 مارس 2020

تقرير عن اهم سيرفرات الدش والاجهزة الداعمة لها من احمد عز العالمي


اهم سيرفرات الدش والاجهزة الداعمة لها من احمد عز

 في هذه التدوينة سنتعرف علي اهم السيرفرات المدمجة بأجهزة الرسيفرات وماهى الاجهزة المتاحة لأستقبالها والفرق بينهم، عبر التقرير المميز من العالمي سات/ احمد عز.

  وهنبدء بالسيرفر الاهم وهو سيرفر الفور ايفر

يعتبر سيرفر الفور ايفر من اهم السيرفرات والاقوي بكل تأكيد وهو النسخه المطوره من سيرفر الجي شير
سيرفر الفور ايفر مملوك للشركه الصينيه الغوسات. او الجوسات.

يعتبر السيرفر هو الاهم علي الساحه بدون منازع بسبب فريق الدعم والهاكرز الخاص به. السيرفر يضم اقوي فرق الهاكرز علي مستوي العالم واكتر دوله مشاركه بالدعم في الفريق من روسيا. السيرفر ايضا يضم 5 من دول عربيه متخصصين في هاكرز الباقات وعالم التشفير.

السيرفر يعتبر اقوي لعده اسباب اهمها القدره الماليه الفائقه عكس باقي السيرفرات وهو مايتيح للعاملين في السيرفر العمل علي كسر الباقات.

مايميز ايضا السيرفر هو التعاقد مع اجهزه معينه

طبعا فيه ناس كتير ممكن متفهمش الكلام فانتكلم بنفس الطريقه في المواضيع السابقه بالبلدي يعني 😂
الميزه في السيرفر ان مش اي شركه مصنعه للاجهزه تقدر تشتري السيرفر او تضيفه علي اجهزتها الا شركات معينه لأن التعاقد مع الفريق بيكسر حاجز 2 مليون دولار وطبعا مش اي شركه تقدر تشتري السيرفر.

كمان الشركه عامله قنوات صوتيه خاصه بها عكس باقي المصانع كلها تعتمد علي مصدر صوت واحد.

معظم الاجهزه المصنعه في تونس والجزائر والمغرب والاردن وليبيا. بتتعاقد مع السيرفر. طبعا لانهم بيصنعوه اجهزه محترمه عكس اللي في السوق المصري.

السيرفر من مميزاته انه لما بيكسر باقه مش بيبعها لأي سيرفر تاني يعني بتكون حصريه وخاصه بيه وبالتأكيد علشان يكون مميز. والسيرفر معاه باقات كتير حصريه خاصه بيه زي مثلا باقه osn علي النايل سات. وباقه بين سبورت فرنسا وكنال الفرنسيه وباقه ديجيتال الالبانيه علي علي قمر يوتل سات 16 وباقه Ab sat علي القمر الاوروبي وباقه قنوات Sky 1 HD , Sky 1+1 HD , Sky Select HD التابعة لسكاي الألمانية والباقه الشهيره كوزموت علي القمر يوتل سات 9

ولكن حاليا في سيرفرات تانيه بداءت تشغل الباقات الفرنسيه علي قمر استرا 19. مع الفور ايفر. وطبعا قمر يوتل سات 16 اللي يعتبر حصري للسيرفر خصوصا الباقه العملاقه سوبر سبورت الالبانيه.

ده غير انه اول سيرفر في العالم فتح قنوات اموس hd

بس بصراحه يعتبر سيرفر ال iptv مش بالجامد زي سيرفرات تانيه وده ارخم حاجه في اجهزه الفور ايفر ويعتبر سيرفر لايعتمد عليه اطلاقا.

طيب ليه عندنا في مصر المستوردين مش بتجيب السيرفر. اقؤلك انا

زي ماقولتلكم ان السيرفر علشان تجيبه لازم تدفع ملايين وطبعا استحاله مستورد مصري يقدر يعمل كده لان المستوردين عندنا الاهم عندهم الفلوس. وكمان الاجهزه اللي المستوردين المصريين بتستوردها ضيعفه جدا من حيث الهرد وير. يعني استحاله اصلا الجهاز يقدر يشيل السيرفر.

يعتبر مفيش عندنا في مصر حد بيجيب اجهزه الفور ايفر الا مستورد واحد وهو عبد العال ولكن للاسف بيصنع في الصين اقل جهاز يقدر يتعامل مع السيرفرات.

 يعني بالبلدي كده مفيش جهاز تقدر تقول عليه محترم حتي الان دخل السوق المصري محترم. الجهاز الوحيد اللي نقدر نقول كويس وعبد العال كان عمله غلطه كان h7، ودي كان اول مره عبد العال يصنع جهاز من نفس الشركه اللي بتصنع لشركه ستار سات

طيب في اجهزه في مصر حاليا كويسه من حيث دعم سيرفر الفور ايفر ؟

 الاجابه لالالا حتي ال H8 يعتبر مش بالجامد ولكن بيقضي الغرض

طيب لو عايز اجيب جهاز بيدعم الفور ايفر اعمل ايه ؟

في ناس حاليا بتستورد اجهزه من ليبيا والاردن وشمال افريقيا وبتبيعها علي النت وبتدعم الفور ايفر

طيب الاجهزه دي حلوه ؟

اكيد طبعا ممتازه جدا

طيب ايه افضل نوع اجيبه ؟

اقؤلك انا هتجيب الاجهزه اللي بتكون ليها موقع رسمي لان اي جهاز بينزل من شركه ليها موقع رسمي بيكون دعم الجهاز ممتاز والشركه بتفضل سنين وسنين تدعمه.

طيب اشطا  لو عايز اجيب جهاز ياعم احمد اجيب ايه؟

اقؤلك انا هتجيب جهاز من الاجهزه دي
  • ستار سات. بكل انواعها
  • ستار تراك. بكل انواعها
  • تايجر. بكل انواعها
  • ميديا ستار. بكل انواعها
طيب في موديلات معينه نجيبها. ماشي ياعم دي اهم الانواع اللي انا اشتغلت فيها
  • STARSAT-SR 20000 HD Extreme*
  • STARSAT-SR 90000 HD Extreme*
  • TIGER T3000*
  • TIGER T800 HYBRID*
  • TIGER T800 MINI GOLD*
  • TIGER T8 HIGH CLASS*
  • TIGER T8 Ultra*
  • STAR Track 2019
  • STAR TRack S500 mine super
  • MediaStar Diamond X2 - 4K
  • Star sat x1 pro
  • Star sat T30
  • Star sat T14
طبعا في اجهزه كتير بتدعم السيرفر
والاجهزه دي بتبدء من1000 وانت طالع. لحد 3000
ماعدا ستار سات T30 ميني عامل حوالي 600

الكلام ده لو حابب طبعا تجيب جهاز وتنساه. وكل موديل ليه سعره
طبعا لو معاك فلوس وعندك شاشه محترمه ممكن تجيب نفس الانواع بس 4k وطبعا بيكون اندرويد
طيب لو عندك شاشه كبيره عاديه وعندك نت كويس تقدر تجيب الحهاز اندرويد وطبعا ساعتها الجهاز بيدعملك الشاشه كأنها سمارت الكلام للاجهزه ال 4k فقط


 نيجي بقا للموضوع التاني سيرفر اوركا ( ORCA)

هو سيرفر جزائري الاصل ونجد في أجهزة ايكون وخاصة ايرون وايرون بلس وايرون برو.

السيرفر بيعتمد اكثر علي الباقات الفرنسيه ولايوجد به فريق هكر مثل الفور ايفر ولكن الفريق بيعمل علي شراء اي باقه قويه خصوصا الباقات ذات المشاهده لدول شمال افريقيا.

السيرفر يحتوي علي قنوات صوتيه خاصه به خلاف بعض السيرفرات.

السيرفر يأتي علي اجهزه ايكون بدون اي مده زمنيه يعني شغال علي طول.

السيرفر يعمل عليه معظم باقات سيرفر الفور ايفر ولكن السيرفر غير مستقر في بعض الاوقات والقنوات الصوتيه في السيرفر كانت سيئه جدا خلال الفتره الماضيه ولكن تم حل بعض المشاكل في السيرفر في السوفتات الاخيره.

واليكم بعض الباقات العامله علي السيرفر

قمر HISPASAT W30
الباقة البرتغالة … شغالة 10/10 بالاضافة الى قنوات 4K
قمر النيل سات
باقة ART
باقه osn
قمر EUTelSat W5 القمر خاص بدول المغرب العربي
الباقة العامة الفرنسية TNT
باقة ABSAT …
باقة BEIN SPORT …
باقة ميديا سات الايطالية كاملة
قمر Thor 0.8w
باقة DIGI …
قمر ASTRA 4A 4.9E
باقة VIASAT …
قمر Eutelsat 7A
باقة ديجي تورك … حصريه
قمر Eutelsat 9B
الباقة الالمانية …
قناة LOVE NATURE HD … ON
قمر هوتبيرد 13
جميع الباقات البولندية …
الباقة السويسرية …
الباقة البلجيكية …
قنوات LOVE NATUER ET CANAL + 4K On
الباقة الايطالية RAI ….
الباقة الايطالية ميديا سات
قمر Eutelsat 16
باقة Orange Slvk …
باقة ديجي الباني ….
قمر Astra 19.5
باقة كنال سات …
باقة ABSAT …
باقة البين الرياضية …
باقة RMC كاملة …
الباقة الاسبانية
الباقة الالمانية Sky …
الباقة الالمانية الحكومية RTL …
قمر ASTRA 23.5
الباقة الهولندية … 10/10
قمر ترك سات 42
باقة بين التركية
طبعا الباقات في اي وقت ممكن تقفل وفيه باقات بتفتح وتقفل عادي
اجهزه الايكون اسعارها بتبدء من 1900 الي 2850

 نيجي للموضوع التالت سيرفر الفان كام fan cam 

 يعتبر سيرفر الفان كام نسخه مصغره من سيرفر الفور ايفر وهو نفسه تابع لسيرفر الفور ايفر.

ويوجد في اجهزه كثيره في شمال افريقيا ويعتبر من اكثر الاجهزه من حيث الشراء الاجهزه التي تدعم السيرفر بسبب ضعف سعرها
ويوجد في مصر فقط الاجهزه الداعمه للسيرفر وهي خاصه بأجهزه الكيوماكس السالك التابعه لضمان عبد العال.

ويعتبر السيرفر مميز جدا ويتعامل مع معظم الباقات التابعه لسيرفر الفور ايفر واهمها قنوات osn علي النايل سات ولكن غير منتظمه ولكن الاهم الباقات الفرنسيه علي القمر استرا 19 وباقه سكاي المانيا كلهم تعمل عليهم بدون اي مشاكل والباقه الفرنسيه تضم قنوات bein الفرنسيه التي تنقل بعض مباريات دوري ابطال افريقيا.

وسعر الاجهزه في مصر رخيص جدا ويبدء من 180 جنيه ومافوق حسب التاجر ولكن الاجهزه سيئه جدا ويوجد بها مشاكل بسبب ضعف المعالج والهرد وير.

  نيجي للموضوع الرابع اجهزه سيرفر الفانيلا.

يعتبر اجهزه الصن بلص التي تعمل بسيرفر الفانيلا هي جديده في السوق المصري.

واهم مايميز الاجهزه هي التحويلات للاجهزه الشبيهة في دول شمال افريقيا.

انا بميزها شويه لان دعم الاجهزه بيكون ممتاز خصوصا لما يكون الجهاز بيتحول لان الدعم بيكون ممتاز.

الاجهزه ممتازه جدا علي السيرفرات المدفوعه ويعمل عليها السيرفرات المدفوعه كاصاروخ.

سيرفر الفانيلا الخاص بالجهاز بيتعامل مع باقات كثيره جدا عكس السيرفرات الداكي.

وطبعا اهمها باقه bein sport الفرنسيه علي القمر استرا 19، وكمان بيفتح قمر الهسباسات واسترا 23 وغيره من الباقات

سيرفرات الفانيلا الي حد ما ممتازه ويوجد في السوق المصري منها ولكن للاسف مش بكتره لان المستوردين بتستورد عدد قليل
طبعا نزل في مصر اجهزه عملت شعبيه كبيره جدا وطبعا كنا احنا السبب فيها لثقه الاعضاء فينا
وكان اهمها اجهزه.
  1. جوكر
  2. ام تك
  3. دريمر
  4. جينتك سات
  5. بلوبيرد
  6. وغيره من الاجهزه
ولكن للاسف الاجهزه حاليا غير موجوده في السوق المصري الا قليل جدا

  نيجي للموضوع الخامس وهي اجهزه الداكي 

طبعا يعتبر اجهزه الداكي الاكثر انتشارا في السوق المصري بسبب رخصها وبسب السهوله في التعامل وكان من اول الاجهزه اللي نزلت السوق المصري هي اجهزه سيناتور ويليها الجوكر وغيره من الاسماء
الاجهزه تعمل بسيرفر DQ cam ولكن للاسف السيرفر سئ جدا ولا يعمل الا علي قمر واحد هو الاوربي وبيقطع. يعني مينفعش تعتمد عليه خالص خصوصا لو هتركب اقمار يبقي لازم سيرفر مدفوع
معظم اجهزه الصن بلص في السوق المصري كلها واحد ولكن الفرق بيكون في سيرفر iptv كل مستورد بيجيب او بيعمل الايبي اللي علي مزاجه
الافضل الاجهزه الداكي
  • كيو بوكس 999
  • عائله النوفا
  • عائله سوبر جولد
  • عائله السيناتور
  • عائله ستار نت

الخلاصه اجهزه الداكي ممتازه جدا بس لازم لما تجيب جهاز اول حاجه تبص عليها سيرفر iptv. لان ده اهم شئ غير كده كلهم زي بعض ومصنع واحد.

انا عارف ان فيه ناس هتقولي يا احمد انت برضه مقولتش نجيب جهاز نوعه ايه ؟

لو عايز تجيب حاجه وتريح دماغك هتجيب اي جهاز داكي فلاشه 8 ميجا ويكون طبعا بيدعم Xtream وتحط عليه سيرفر مدفوع قوي ساعتها انت عندك اشتراك شرعي وفكك من اي سيرفر مجاني.

بص احمد جبلك كل اللي ماشي في مصر شوف انت عايز ايه وهاته وشوف انت هتتفرج علي ايه علشان مترميش فلوسك علي الفاضي.

يارب يكون الموضوع عجبكم، الموضوع خاص بجروب العالمي سات وصفحة فاميلي سات وممنوع النقل نهائيا الا مع ذكر المصدر الرئيسي/ احمد عز
قد يهمك ايضا
ليست هناك تعليقات

تعريب كن مدون جميع الحقوق محفوظة لــ مدونة عرباوى | شروحات مبسطة فى المجال التقني 2013-2020 ©