7 يوليو 2020

تقرير عن القنوات الصوتيه الفتره القادمه وسبب التقطيع والسبوبه

تقرير عن القنوات الصوتيه الفتره القادمه وسبب التقطيع والسبوبه

القنوات الصوتيه الفتره القادمه وسبب التقطيع والسبوبه
#تقرير خاص بجروب العالمي ⁦❤️⁩
هنتكلم بالبلدي كده علشان الناس تفهم الموضوع 👌
 
طبعا كلنا عرفين ان في الصين مصنع داكي اللي بيصنع اجهزه الصن بلص وطبعا المستوردين بتجيب الاجهزه بالاسم اللي يعجبها ان شاء الله تجيب ريسيفر وتسميه الفشيخ
المهم طبعا وبعد رحيل قنوات beout Q طبعا كل الناس رجعت للشيرنج وكان من الطبيعي ان نفسهم يتفرجوا ويسمعوا المباريات بالتعليق العربي
جه ٢ او ٣ مستوردين طبعا قالك طيب تمام نعمل مصلحه ونعمل خدمات صوتيه علي اجهزتنا ونربطها بالماك ادرس بتاع الجهاز منها بيبع اجهزتنا ومنها لما السيرفر يقفل العميل يجدد تاني وسبوبه وديره وفعلا الناس دي عملت كده وشغلت اجهزتهم والدنيا تمام
نيجي للحاجه التانيه ناس محترمه عملت الخدمه المجانيه اللي هي شغاله حاليا mr audio وقالت نعمل حاجه كويسه ونصرف عليها وفي نفس الوقت نشغل باقي الاجهزه اللي بتتحول او ملهاش دعم القنوات الصوتيه
وهنا الفرق بين ناس بتحب تساعد وتقدم خدمه مجانيه وناس اهم حاجه عندها تكسب وبس
المشكله حاليا ان طبعا فيه عالم وسخه دخلت استوردت اجهزه من المصنع المعفن اللي اسمه داكي ايام سبوبه ال beoutQ ولما قفلت خرجت بره السوق والناس اللي اشترت اجهزه اضرب دماغك في الحيط _ واحنا اكتر شعب في الدنيا استغلالي دي حقيقه والله
المهم كل الناس حولت اجهزتها للسوفتات الداعمه للقنوات الصوتيه وللاسف وده اللي حاصل حاليا بيتم التحميل علي السيرفرات الخاصه بالقنوات الصوتيه وعلشان كده بيحصل تقطيع وطبعا واخدين بالكم الايام دي
الغريبه ان في مستوردين في مصر وليهم اسمهم وبرضه بيحمل علي نفس المصدر الصوتي . بص المستورد لو لاقي جهاز ب ١٠ جنيه هيجبهولك وخلاص المهم يكسب منك وخلاص
.
طيب الفتره الجايه ايه اللي هيحصل مثلا 🔥
بص يامعلم ياه الناس اللي بتدعم الخدمات الصوتيه تكمل زي ماهي وتحسن الخدمه علشان ميحصلش تقطيع وتفضل الخدمه كما هي مجانا
ياه الناس دي تعمل نفس الحوار بتاع نفس المستوردين ويبقي ليه خدمات صوتيه خاصه بأجهزتهم بس وطبعا فيه ناس تتظلم برضه اصحاب الاجهزه اللي ملهاش اي دعم وطبعا ساعتها هتحول اجهزتها وتشتري الخدمات الصوتيه
.
الايام الجايه هنعرف الدنيا رايحه فين وجايه منين علشان كده هرجع واقؤلك لما تيجي تشتري جهاز اشتري دعم ودي اهم حاجه لانك علشان اللي هتوفره في جهاز رخيص هتدفعه من ناحيه تانيه ⁦👌
طبعا الكلام ده كان بخصوص اجهزه الصن بلص داكي 😏
.
اما بقا بخصوص القنوات الصوتيه علي اجهزه الصن بلص التي تحمل سيرفر فانيلا ⁦✈️⁩⁦✈️⁩
الناس دي ريحت نفسها علي طول وربطت الخدمات الصوتيه بسيرفر الفانيلا يعني طول ما السيرفر شغال معاك القنوات الصوتيه شغاله معاك . طيب لو السيرفر خلص انسي انك تشغلها لازم تجدد السيرفر ياه غير كده انسي
الغريبه في موضوع الصن بلص فانيلا انه فضل فتره شغال عادي من غير السيرفر وده اللي مشككني ان وراه الموضوع ده مصريين انهم يقولوه للمصانع اربط القنوات الصوتيه علي السيرفر ماهو برضه مينفعش تفضل تتفرج كده ببلاش من غير مانشتغلك ونطلع من وراك بأي سبوبه
للعلم مصادر الصوت في اجهزه الفانيلا تابعه للمصنع وليس اشخاص يعني المصنع هو اللي بيصرف عليها بس زي مابقولك كده الحوار ده وراه مصريين
.
.
.
🔥 طبعا اجهزه عبد العال كيوماكس زي ماقولتلكم قبل كده  انه لقا ان كل الناس بتشترك في سيرفرات ال cc cam وكله نفض للسيرفر بتاعهم قالك لا مينفعش فاربط القنوات الصوتيه بالسيرفر علشان يحكمك وترجع تشترك في سيرفر الفور ايفر غصب عنك
.
عموما هنشوف الايام الجايه الدنيا تمشي ازاي وان شاء الله اي جديد هتعرفه هنا في جروب العالمي قبل اي حد
خاص بجروب العالمي فقط
يارب اكون عرفت اوصلكم الرساله
تحياتي لكم اخوكم احمد عز ⁦❤️⁩
ليست هناك تعليقات

تعريب كن مدون جميع الحقوق محفوظة لــ عرباوي | الشروحات بشكل مبسط 2013-2020 ©