5 مايو 2020

ال iptv المدفوع والمجاني والافضل وحقيقه اكواد التجديد



ال iptv المدفوع والمجاني والافضل وحقيقه اكواد التجدبد
معظم الناس بتحب تشتري اجهزه جديده علشان يقولك ده عليه سيرفرات iptv وهيكون ثابت وافضل من اللي عندي ويجري يصرف وهو مش فاهم حاجه ويجي ساعه ماتش مهم ميعرفش يتفرج علي شوط من كتر التقطيع ويسب للجهاز واللي عمله
هل الجهاز بيكون مسؤل عن ال iptv في بعض الاحيان بيكون لا خصوصا اجهزه الصن بلص كلها تصنع من مصنع واحد او اتنين بالكتير والتاجر بيشتري السيرفرات من بره وبيديها للمصنع وهو بيضيفها للسوفتات وبصراحه بتشتغل زي الفل علي السيرفرات المدفوعه
مشكله التقطيع 😢
معظم التجار في مصر علشان يقدر يكسب ويكسب كويس لازم يجيب سيرفر من تحت السلم 👈 ملحوظه بقول معظمهم فيه ناس كتير محترمه بتدعم شغلها وسيرفراتها وبتكون فاتحه خط اتصال مش شركات ال iptv
المهم 😅
بيجي مثلا التاجر يشتري مثلا 2000 كود لسيرفر ما وبيتم اضافتهم للسوفت وير وطبعا بتكون بتراب الفلوس لان 75 % السيرفرات التي تعمل بكود سيرفرات فاشله ورخيصه جدا جدا 
طيب ليه السيرفرات بتقطع في المباريات المهمه مع انها باقي الايام شغاله كويس
هقولك ياسيدي بالبلدي هنعتبر نفسك جايب سرعه نت 5 ميجا هل لو انت قاعد علي النت لوحدك زي مايكون حد قاعد معاك هل السرعه 5 هتوصلك كامله اكيد لا .
 ده اللي بيحصل بالظبط للسيرفرات ان السيرفر ممكن يشيل 1000 مشترك وتضمن ليهم الثبات لا هما ممكن يخلي السيرفر يشيل عدد اكبر بكتير وده حصل كتير في الجهاز المشهور في مصر اللي انا مسميه السبوبه 
معظم الناس علشان عندها باقات نت محدوده مش بتشغل سيرفرات ال iptv في وقت واحد او بيشغلها عند اللزوم لو فيه مباره مهمه ولا حاجه وهنا تبدء النصايب والتقطيع لان نسبه التحميل علي السيرفر بتكون كتير 
في الصين اهم حاجه عندهم الفلوس اي شركه عايزه تشتغل فأحنا عارفين ان اي مصر بيجيب اسؤ او اردء حاجه علشان برضه عايز يكسب الناس دي بتكون عارفه بتشتغل ازاي ممكن يعمل سيرفر يشيل عدد كبير جدا جدا والسيرفر يستحمل بس للاسف مش هيكون في ثبات في الصوره وكل شويه هتقطع 
ده غير عدم اهتماهم بالباقات يعني لو باقه وقفت او قناه وقفت مبيكونش فيه اهتمام عكس السيرفر لما يكون في مصر صاحب السيرفر بيكون عارف ايه اللي المصري محتاجه وبيكون تحت سيطرته

🔥السيرفرات المدفوعه هل هي افضل ام الاكواد ؟


بالطبع السيرفرات المدفوعه افضل ولا يوجد اي وجهة مقارنه حتي في السعر يعني تقدر تشترك سنه في iptv مدفوع محترم سعره بيصل ل 500 جنيه وطبعا الفرق بيكون في حاجات كتير اهما ان السيرفر المدفوع بيكون مثلا في مصر فأنت بتقدر تتحكم فيه بكل سهوله وكمان اصحاب السيرفرات المحترمين اللي ليها سمعه في السوق بيكون عنده قاعده بيانات وعدد معين يقدر السيرفر يشيله عمرهم مابيقدروه يحمل علي السيرفر لان بكل بساطه لو حمل علي السيرفر عدد زياده علشان يكسب فالسيرفر بيقطع واللي بيشترك مره مش بيشترك تاني يعني هيخسر اكتر
علشان كده لو عايز تتفرج متفرحش وتجري تشتري كود وتقول الله ده رخيص سدقني مش هتستفاد منه وهترمي فلوسك في الارض وهتفضل تعاني
🔥 الخلاصه انت ممكن جهاز كويس جدا بس هيكون عليه شويه اضافات كده

زي ايه ياعم احمد مش فاهمين ؟


اقؤلك انا يعني انت عايز تجيب جهاز علشان تتفرج علي اي مباره مهمه في بيتك يبقي هتجيب اي جهاز معالج صن بلص يكون بيدعم خاصيه Xtream دي اهم حاجه وتقدر تضيف عليه سيرفر iptv محترم . والاجهزه اللي بتدعم الخاصيه بتبدء من 200 وانت طالع الكلام للاجهزه ال 4 ميجا وممكن برضه تجيب جهاز جهاز فلاشه 8 ميجا اها هتزود السعر شويه بس هيكون معاك سيرفرات بديله ودي هتكون معاك في حاله الطوارئ . 
كده انت بتريح دماغك ومتبقاش قاعد تحت رحمه سيرفر انت مش واثق فيه او فيها مشاكل وهتقدر تتفرج علي اي مباره وانت مطمن
ملحوظه في اجهزه حاليا في السوق المصري سيرفراتها موجوده في مصر وهنتكلم عنها بعدين
الطبيعي كده اسأل نفسك ازاي الجهاز بيكون تمنه قد السيرفر المدفوع واغلي منه كمان اديني قولتلك ياعم
انا عارف ان البوست ممكن يزعل ناس كتير بس انا بقول الحقيقه اللي ممكن واحد ميكونش فاهم ويقرء البوست وممكن يدعيلي دعوه تكون احسن من اي فلوس في الدنيا❤
انا مش بعمل دعايه للسيرفر بتاعنا ولكني بتكلم عن واقع ناس كتير عاشته وعانت منه
يارب تكون الرساله وصلت
خاص بجروب العالمي وصفحه family sat
ليست هناك تعليقات

تعريب كن مدون جميع الحقوق محفوظة لــ عرباوي | الشروحات بشكل مبسط 2013-2020 ©