في هذا الموضوع نستعرض طريقة جديدة من جانب الهكر لسرقة قنوات اليوتيوب وحسابات ال Gmail التابعة لها عبر رسالة الترويج للمنتجات بمقابل مادي او اعطاء المنتج لك بشكل مجاني، المقال من طرف صاحب الواقعة ويشرح لنا تجربته وكيف كانت ستضيع قناته بهذه الطريقة.
سلام عليكم يا شباب من كام يوم جاتلى رساله على الايميل من شخص بيدعى انه من شركه سامسونج وبيعرض عليا التعاون ومراجعه بعض منتجات الشركه على قناتى على يوتيوب وقالى اختار المنتج اللى انت عايزة
وهنشحنهولك على عنوانك وفيما معناة اعتبر المنتج هدية
والايميل اللى بعت منه هو
David Taylor
d.taylor@samsung-partner.club
وطبعا انا رحبت فى البداية وقولته اوك مفيش مانع وقولتله طيب ابعتلى رابط المنتجات علشان أختار منها
فلاقيته باعتى رابط ملف على جوجل درايف ولما حملته فحصته بالانتى فيرس قبل ما افك ضغطه لاقيته متفيرس والمشكله إن الملف جواة برنامج بصيغه EXE فا انا استغربت من الموضوع
وبعتله وقولتله انا اتعاملت مع شركات مختلفه لعرض منتجاتهم وبرامجهم وكانوا بيبعتولى رابط الموقع الرسمى للبرنامج المطلوب مراجعته
لكن اول مرة اشوف رابط المنتجات بصيغه EXE
وقولتله لو سمحت ابعتلى رابط الموقع الرسمى للمنتجات
ومن بعدها مردش عليا لحد الان
فقولت أحذر الناس هنا علشان محدش يبعتلهم اى رسايل زى كدة ويطمعوا ويحملوا الملفات اللى ممكن يبعتهلهم
وبعدها الله اعلم اية اللى ممكن يحصل سواء فى الكمبيوتر بتاعك او حساباتك
ودى صور المحادثات بتاعته
المقال من طرف: Farok ElGoker