عن ماذا تبحث؟

نظرية الاختفاء عن الانظار لمدة ٦ شهور لتعلم اي شئ


سمعت عن فكرة الاختفاء عن الانظار لمدة ٦ شهور؟، اي رأيك لو قلتلك انك ممكن تحترف أي حاجة في العالم قبل 2022 او حسب قراة المقال لو بدأت النهاردة، طب إيه أهم مجالات لازم تركز عليها أثناء الفترة دي ؟

 نظرية الاختفاء عن الانظار لمدة ٦ شهور لتعلم اي شئ

 

خد يا سيدي ٥ افكار واختار منهم

١- البرمجة ✅

خلينا متفقين ان تعلم البرمجة بقا اجباري في العصر ده.. سواء السنة دي او السنة الجاية او حتي اللي بعدها، هتعرف ان البرمجة مهارة لا غني عنها..
بس الفكرة في اللي يتعلم بدري. 😉
مصادر تعلم البرمجة :

  • - قبل ما تبدأ لازم تسمع فيديوهات ابراهيم عادل، واحمد ابو زيد عن البرمجة
  • - أكاديمية الزيرو.

٢- تتعلم إنجليزي ✅

اتخلى شوية عن فكرة ان الانجليزي لغة صعبة، بمجرد ما تشوف الموضوع سهل هتقدر تاخد خطوة! ♥
مصادر تعلم الانجليزية :

  • - z American English
  • - taleek
  • - rachel's English
  • - cake
  • - قراءة الروايات المترجمة

٣- ختم القرآن الكريم ✅

القران عبارة عن ٣٠ جزء.
وقدامك ٦ شهور.. يعني كل شهر ٥ اجزاء.
كل اسبوع جزء ونصف حزب.
كل يوم ربع واحد بس، ويوم من الاسبوع هتحفظ ربعين.
نصايح لما تيجي تحفظ :

  1. - احفظ مع حد، شوفلك شيخ، صاحب تسمعله، حد معاك في البيت، اونلاين، المهم متحفظش لوحدك.
  2. - احفظ الصبح وسمع الربع في كل صلاة هتصليها.

٤- تكسب ربح مالي ✅

لو نفسك تحقق ربح مالي كبير.. شوف شغل يناسب قدراتك ومواهبك يحققلك عائد مادي كويس.
- بجانب الشغل اللي هتشتغله بموهبتك ممكن تدور علي شغل بمرتب كويس.
- لو مش لاقي شغل مناسب ليك انزل تدريب بعائد مادي مقبول نوعاً ما.. عشان التدريب يوفرلك الشغل اللي يدخلك ربح مناسب بعدين. 😉


5 أفكار لربح المال من المنزل :

  1. - إنشاء محتوي علي اليوتيوب.
  2. - صنع محتوي علي جوجل عن طريق WordPress, وممكن تبدأ علي مدونة blogger المجانية.
  3. - التسجيل علي موقع ٥ خمسات لو انت محترف في مجال من المجالات المتاحة.
  4. - هاند ميد (بورتريهات، شنط، تابلوهات، جرابات موبايل بشكل مميز، التطريز علي الكاب) في مليون فكرة هاند ميد ممكن تستغلها.
  5. - التسويق الالكتروني.

دي كلها مجرد أمثلة ، اطلع انت برا الصندوق وممكن تحقق هدفك بأي طريقة 😉

٥- اللياقة البدنية ✅

خلال ٦ شهور ممكن تشتغل علي جسمك لغاية ما توصل للشكل اللي تكون مرتاح وواثق من نفسك بيه .
وسائل للوصول للوزن المثالي :

  • - الجري الصبح.
  • - الاشتراك في چيم.
  • - متابعة قنوات موثوق فيها علي اليوتيوب
للبنات : Sara popfit
للشباب : fathy elgendy
  • - اعمل ازازة معينة تشجعك علي شرب الماية طول اليوم.
  • - خصص لبس مشجع للرياضة.
  • - نظم أكلك من حيث نوعية الاكل وأوقاته .

دول أهم ٥ حاجات ممكن تحققهم خلال ٦ شهور بس.. والعبرة باللي ياخد خطوة ويبدأ من النهاردة. 😌💙

BY: مليون مبرمج مصري

تعليقات



حجم الخط
+
16
-
تباعد السطور
+
2
-