القائمة الرئيسية

الصفحات

البداية علشان يكون عندك موقع قوي بدون تكلفة

تابع الخطوات دي وان شاء الله هتكون خلال شهرين تلاتة عندك موقعك ممتاذ.
# اشتغل انت على موقعك الاول لمدة 6 شهور واكتب بنفسك وماتشرتيش مقالات او ناس تكتب لك ونوع في اختيار الاقسام عشان يكون عندك اكتر من نيتش مختلف .. وهتعرف بعدها أي مجال افضلهم وفي الوقت ده تكون ربطت موقعك بصفحة فيس بوك مع حساب تويتر على حساب بنترست وغيرهم من شبكات التواصل.

البداية علشان يكون عندك موقع قوي بدون تكلفة


 


# مقالاتك اللي بتكتبها بنفسك انشرها على الصفحات دي كلها اول ما تكتبها .. ممكن تعمل وانت شغال باك لينكات لموقعك في مواقع تانية مجانية وادلة مواقع عربي واجنبي وفي ليستة كبيرة للمواقع المجانية اللي ممكن تحط لينك لموقعك فيها. وهي متنوعة ومتغيرة لأن في مواقع منها بتسقط او بتختفي او بتتقفل. وعلشان توصلها ابحث في جوجل عن:
مواقع دوفولو مجانية dofollow - مواقع باك لينك مجاني. dofollow backlinks website وهكذا..


# ستايل موقعك يكون خفيف مفيش فيه اخطاء في البرمجة كتير او في ال css تأثر على أرشفته او سرعته.
بعدها انت هتقرر تصرف او لا من خلال نتائج موقعك في البحث. على الاقل خد لك 6 شهور وهتظهر كويس جدا في جوجل. عشان لما تصرف وتكلف تقدر تصرف على المحتوى او النيتش اللي انت هتختاره واللي حقق لك عائد افضل وزيارات اكتر 👍


# خلي مصاريفك على موقعك في البداية عبارة عن: دومين ب 10$ + استضافة Shared + ستايل وممكن ستايل مجاني وتعدل انت عليه بمعرفتك عشان يكون Premium 💚 والباقي على الله ثم عليك عشان تنجح 🙏


# الدومين ممكن تشتريه من اي شركة دومينات زي Godaddy or Namecheap واستضافة shared من عندهم لنفس الدومين وتربط ال nameservers مع كلاود فلير cloudflare
.


لو موقعك وورد بريس يكون أفضل بكتير من بلوجر وأسهل لان wordpress صديق لمحركات البحث وفي اضافات كتير مجانية.
بعد ما تشتري الدومين والاستضافة وتسطب وورد بريس من داخل ال Cpanel:
السيو Seo: ركب اضافة Yoast مجانية عشان تعرفك السيو لكل مقال وانت بتكتبه واهتم بوضع تاج H2 لكل فقرة داخل المقالة على الاقل اتنين او تلاتة H2 مع وضع لينك داخلي لموضوع مشابه داخل المقالة من مواضيعك + لينك لموقع خارجي في حالة لو كنت بتتكلم عن شيء يخص موقع رسمي .وهكذا + وضع صورة او 2 بجودة عالية داخل المقالة.
ومتنساش تكتب وصف الميتا وخلي طول الجمل «بضم الجيم» يكون قصير في حدود 20 كلمة. ويبقى لك اختيار النيتش.


# ملف sitemap: بتعمله من داخل اضافة Yoast وقدمه لـ Google - Bing - Yandex - duckduckgo وغيرهم من محركات البحثوسجل عندهم في الويب ماسترز عشان تتابع ظهورك.


# سجل موقعك في search console و google analytics واربطهم مع بعض واربط اناليتكس مع حسابك ادسنس بحيث يكون ال3 مربوطين ببعض هتقدر تعرف منها زيارات كل مقالة ومصدر الزيارات وارباح المقالة داخل حسابك في اناليتكس عن طريق Behavior> overview.


#زيارات محرك بحث Bing من افضل الزيارات بالنسبة للمحتوى الاجنبي والعائد منها عالي لان معظمها امريكان ودول الجوار So Take care.


#حاول متركبش اضافات كتير داخل الوورد بريس غير اللي انت محتاجها فقط واللي من اهمها اللي احنا قولنا عليهم وفي حاجات تانية كتير ممكن تاخد منها مثلا تقسيم المقال زي اضافة Easy Table of Contents لان بعضكم سأل عليها.
ان شاء الله البوست ده يكون في تحديث باستمرار ورد على الاسئلة مني ومن زملائنا في المجال.


تحياتي وبالتوفيق للجميع

في ناس تستعمل بلوجر و متصدرة على حساب مواقع ووردبراس و العكس صحيح
بلوجر او ووردبراس ليست الا مجرد منصة .. الي ها يخليك تتصدر هو مدى اتقانك للكتابة و توزيع الكلمات و السيو ....
هذا هو الأهم
يعني حتى ببلوجر تقدر تتصدر و عادي لو نفذت تلك الشروط بإحترافية كل المنصات لو اشتغلت عليها كويس هتتصدر

المقال من طرف م/ عمرو عبده 


 Photo by Scott Graham on Unsplash

تعليقات