متصدقش اي حد يقولك تعالى اديك كورس وهتكسب بعد كده 3000 دولار، متصدقش اي حد بيعمل اعلان وهو ماسك دولارات في ايده ويحاول يقنعك انك تقدر تعملهم لما تاخد كورس معاه، حرفيا دول اكتر ناس هتلاقي محتواهم كلو فاضي من جوا ولو انت بس تعبت شوية وبحثت في جروبات الفيس بوك او جوجل هتلاقي محتوى افضل منهم بمراحل وعلشان تبقا فاهم الناس دي بتلعب على حتة الطمع اللي بتبقا جواك او حاجه الناس للفلوس.
قد يفيدك:
نصائح ذهبية لنجاح قناتك على اليوتيوب
10 نصائح للحفاظ على أمن معلوماتك وبياناتك
نصائح في كتابة وارسال السيرة الذاتية للشركات
وحاجه اخيره، متصدقش تقييمات لاي كورس بيكون عبارة عن اسكرين شوت من شات لان بنسبة 99% بيبقا فيك واي تعليق سلبي او انتقاد للكورس مش بيطلع ولا بيتنشر
البوست مش بيتكلم على كل الناس لان انا اكيد مجربتش كل الناس اللي بتعمل كده، انا جربت حد واحد بس علشان يبقا كلام عن تجربة
وبالنسبة للكورس اللي انا جربته مش هقدر انزل عنه اي ريفيو او اسمة وده لسبب ان كده هيبقى ترويج ليهم، بس لو حصل اي عملية نصب من خلالهم و تخلفو عن الوعود اللي قالوها هنزل بوست شامل عن الكورس لان كده هتبقا عملية نصب مش كورس علشان يفيد الناس
المقال موجه للمبتدأين وانا واحد منهم وكمان المعلومات اللي في الموضوع عن تجربة شخصية
وان شاء الله ممكن فترة واعمل مقال كويس للمبتدأين يكون اي حد حابب يبدأ في المجال يقدر يخش عليه ويقرأ البوستات وهيكون فهم الدنيا كلها فيها ايه، بالتوفيق للجميع
الكورسات المجانية في كل مكان ابدأ بيها ولما تحتاج حاجة متخصصة جدا خد كورس مدفوع👌
اهم من الريفيوز اعرف مين المحاضر و ادخل دور عليه كويس و دي افضل طريقه تعرف الكورس دا ليه لازمه او لا بيبان من بروفيل جديد ولا قديم فيه معلومات او مفيش البوسر بتاعه اصلا صح و بروفيشنال او لا
لأن في ناس كتير واخده الكورسات سبوبه من غير ما يقدم اي قيمه علميه حقيقيه و معظم الكورسات في كل المجالات في مصر بتقدم مبادئ و قشور فقط لو عايز تتعلم صح اعتمد على نفسك و في كورسات كتير جدا ببلاش قيمتها العلميه افضل مليون مره من اللي في السوق و دي تجربتي الشخصيه سواء في اللغات او في الماركتينج او الديزاين
قد يهمك:
10 نصائح للمبتدئين في مجال العمل الحر عبر خمساتقائمة بأكثر الكلمات تأثيراً في الإعلانات: اجذب انتباه جمهورك
خمسة خرافات خاطئة حول العمل على الإنترنت
مرتبات التقنيين والمشاهير في الرياضة والفن
بواسطة: Ebrahem Mohamed
SEO/SEM لدى Freelancer
يدرس تجارة في Al-Azhar University جامعة الأزهر الشريف