امبارح فيه مواقع إلكترونية لبعض الكليات والمعاهد البحثية التابعة لجامعة القاهرة تعرضت للإختراق، من بينها موقع كلية التربية النوعية، وكلية الحقوق قسم اللغة الإنجليزية، وموقع مكتب العلاقات الدولية، وموقع كلية الطب وموقع كلية الدراسات العليا الإفريقية وموقع NCI أعرق صرح تعليمي متخصص فى مجال الأورام ، بالاضافة لموقع المكتب الإعلامي لجامعة القاهرة وموقع كلية الطب البيطري.
اختراق بيانات شبكة قنوات CBC المصرية
هاكر يعلن وفاة السيسي عبر تطبيق نبض ويربك وسائل الإعلام
اختراق وتشفير واغلاق الجامعة الصهـيونية الأولى Technion
الإختراق قعد عدة ساعات دون تغيير أو إيقاف من مديري المواقع الجامعية، ومش عارفين هل دا بسبب أنهم مكانوش عارفين بالإختراق ولا لأنهم مكانوش عارفين يتعاملوا ازاي مع الاختراق.
طيب مين ورا الهجوم السيبراني اللي حصل دا، وهل الهجوم دا بتراعاه دولة معينة عاوزه تستهدفنا ولا دول مجموعة من عصابات الهاكرز ولا ايه بالظبط.
للأسف خليني أفاجئك إن السبب ورا الهجوم دا هاكر مصري اسمه (Dr.Shap7-Nine)
طيب ليه حضرتك عملت كده!!؟
دا كان رده :
"تم اختراق المواقع الجامعات بسبب جهل بعض المسؤلين عن المواقع وقلة الحماية للمواقع التابعة لدولتنا .. أي هاكر آخر يقدر يخترق المواقع المصرية دي لأجل أي مسميات أخري لكني لم أذكر السبب في الاختراق .. لان السبب واضح بدون اي مفاوضات !! شكرا للتفاهم ! "
اللي حصل دا طرح في ذهني عدة تساؤلات:-
أولاً: أين دور المجلس الوطني للأمن السيبراني والذي أنشئ بقرار رئيس مجلس الوزراء رقم 1630 لسنة 2016
ثانياً: أين دور المركز الوطني للاستعداد لطوارئ الحاسبات والشبكات EG Cert والتابع للجهاز القومي لتنظيم الاتصالات والمسئول عن حماية المواقع الإلكترونية الحكومية، وتقديم الخدمات الاستباقية لها لتلافي الهجمات الإلكترونية.
وأخيراً لازم نعرف إن الأمن السيبراني جزء من الأمن القومي المصري وخطر الهجمات السيبرانية لايقل عن خطر الهجمات المسلحة، خاصةً في ظل التحولات الرقمية اللي بتحدث في الكثير من القطاعات الحكومية، بالتالي لازم يكون فيه رد من جامعة القاهرة ببيان اللي حصل وكيف تم التصدي له وتفاديه لمنع حدوثه مستقبلاً.
بواسطة/ مصطفى جمال
باحث قانوني متخصص في تكنولوجيا وأمن المعلومات