إلغاء الإشتراكات المجانية لـ G-Suite من جوجل


في خبر غير جيد وراح يكون سيء لعدد كبير من المنظمات شركة Google قررت إلغاء الإشتراكات المجانية لـ G-Suite، في 6 ديسمبر 2012 قامت Google بأصدار نسخة مجانيًا من G Suite "تطبيقات Google"، وكان يتضمَّن مجموعة مُصغَّرة من ميزات الأنشطة التجارية. واعتبارًا من 6 كانون الأول (ديسمبر) 2012، توقفت Google عن تقديم الإصدار المجاني للعملاء الجُدد. 

 




🔹 شو هي G-Suite؟

هي عبارة عن مجموعة من الأدوات والخدمات المُقدمة من شركة غوغل. وأهم هي الخدمات هو خدمة استضافة الإيميلات - وهي عبارة عن أنه يمكن ﻷي منظمة أو مبادرة أو مجموعة أو شركة أو موقع إلكتروني نقل واستضافة وتصفح الإيميلات من خلال خدمة Gmail
 

🔹 كيف يعني؟
بشكل عام، كل موقع الكتروني بيكون إله إيميلات على ذات اسم الموقع. مثلاً، اذا منظمة مجتمع مدني اسمها cso وعندهم موقع الكتروني بإسم cso. org بالتالي ايميلات المنظمة بيكون على الشكل التالي alaa@cso. org - info@cso. org
 

كيف بيتم تصفح الإيميلات؟

بيتم بعدة طرق منها موقع الكتروني Webmail أو من خلال تطبيقات مثل Outlook وغيرها من التطبيقات
هلأ، يلي بتقدمه G-Suite هو استضافة الايميلات، بحيث بيتم تصفح الايميلات من خلال موقع أو تطبيق Gmail
 

هاد الأمر شو فيه ايجابيات أو شو بيقدم؟

بالحقيقة بيقدم عدد كبير من ميزات الأمان والخصوصية للإيميلات بدل من الاستضافة المعتادة - بالتالي حماية أكبر لإيميلات والمراسلات إن كان من اختراق السيرفر أو حماية للحسابات بشكل منفصل. إضافة ﻹعطاء المسؤولة أو المسؤول التقني قدرة أكبر على إدارة الحسابات والتنبه لعمليات الدخول المشكوك فيها على الحسابات أو عمليات اختراق الحسابات إضافة ﻹمكانية تفعيل المصادقة الثنائية لزيادة حماية الحسابات من الإختراق
 

من جهة ثانية، بتأمن إمكانية استخدام خدمات وتطبيقات Google ومنها التخزين السحابي Google Drive يلي بيتيح إمكانية وضع ملفات العمل بمساحة تخزين وحدة على الانترنت بالتالي حمايتها من الضياع في حال فقدان أحد الأجهزة أو اذا تم حذف ملفات عن طريق الخطأ .. وغيرها الكثير من الميزات
 

🔹 المهم.. خدمة G-Suite تعتبر غير رخيصة، وتكلفتها بتبدأ بـ 6$ شهرياً لكل ايميل! .. يعني، اذا منظمة او مبادرة عندهم 10 ايميلات، فـ الأمر بيكلفهم 60$ شهرياً \ حوالي 720$ سنوياً
عند انطلاقها عام 2006، قررت G-Suite تقدم الخدمة بشكل مجاني بحيث تسمح للمنظمة أو الموقع يستضيف 10 ايميلات بشكل مجاني .. هاد العرض توقف في كانون الأول-ديسمبر 2012 - بحيث صارت الإشتراكات الجديدة كلها مدفوعة. لكن يومها الشركة عملت شيء جيد وهو الإستمرار بتشغيل الاشتراكات المجانية يلي تمت قبل ديسمبر 2012
 

🔸 الخبر الجديد.. شركة غوغل غيرت اسم G-Suite إلى Google Workspce وقررت توقيف الدعم عن الاشتراكات المجانية يلي استمرت منذ ديسمبر 2012!! .. بحيث انه يوم 1 تموز-يوليو 2022 راح تتوقف الحسابات عن العمل!
 

🔹 شو العمل؟

للجهات يلي بتمتلك حسابات مجانية على G-Suite مطلوب منها
- إما الإنتقال للخطة المدفوعة
- أو إلغاء الإشتراك والانتقال لإستضافة الايميلات عبر جهات ثانية وهي للحقيقة راح تكون أقل أمان!
 

♻️ من ناحية ثانية، الجهات يلي عندها تسجيل أو ترخيص كـ مؤسسة خيرية غير ربحية، بإمكانها الإستفادة من خدمة "Google للمؤسسات غير الربحية | Google for nonprofits" بالتالي الاستفادة من Google Workspce واستضافة الايميلات عبر Google Workspce بشكل مجاني
 

⚠️ للأسف "Google للمؤسسات غير الربحية" مانها متاحة بكل الدول! خاصة بدول الشرق الأوسط ودول شمال افريقيا!
 
بواسطة: Alaa Ghazal

المصدر

تعليقات
ليست هناك تعليقات
إرسال تعليق