بالله عليكم لو معاكم خط فاتورة من فودافون راجعوها كويس جدااا قبل ما تدفعوا!
من فترة كنت في فرع فودافون بدفع فاتورتي لقيت ال agent هناك بيقترح عليا اني اخد موبايل قسط وانا بكره حاجة اسمها قسط، المهم اقترح عليا فقولتله اني مش بحب القسط قالي انت عندك نقط كتير استخدمها و هتديك خصم كويس علي الموبايل، قولتله مش بفضل ااقسط حاجة والله قالي كانك بتدفع الفاتورة عادي بتاعتك زيادة عليهم ٥٠٠ جنيه بس مش اكتر، قولتله ماشي مفيش مشكلة،
تابع:
تحويل اموال بالخطاء علي رقم ليس به محفظة الهاتف كاشازاي تعمل إيداع في فودافون كاش وأنت قاعد في البيت في ثواني
كود معرفة رصيد فودافون كاش
و خادت موبايل و قسطه لكن مبقتش مرتاح قومت بعدها بشهرين روحت دفعت المبلغ كامل علشان اخلص من حوار القسط ده، المهم دفعت فواتيري بعد كدة حسيت ان الرقم كبير بدفع ١٣٠٠ جنيه شهرياً مع اني مش بعمل مكالمات كتير اللهم الا كام دقيقية دولي بكلم زوجتي او زميلي في الشركة يعني ميعدوش ١٠٠ جنيه مثلا،
فروحت للفرع من يومين ادفع فاتورتي و بسأل ال agent ليه فاتورتي عالية كدة، بص في الفواتير بتاعتي قالي ما حضرتك بتدفع ااقساط، قولتله ااقساط ايه؟!!! انا دافع المبلغ كله كاش من كام شهر، قالي لا في اقساط عليك،
اتعصبت عليهم قالي كلم ١١٠٠ و تابع معاهم، كلمتهم قالي حضرتك عليك ااقساط، من هنا لهنا قالي فعلا حضرتك دافع المبلغ كله، اديني مدير الفرع، فكلمه و راجعوا مع بعض لقوا فعلا اني دافع المبلغ كامل، مدير الفرع قالي بنعتذر هنحللك المشكلة في خلال ٤٨ ساعة، و كل شوية ابص في Ana vodafone ملقاش المشكلة اتحلت او خلافه، كلمتهم من شوية قالولي الطلب اللي متقدم يخص فقط اخر فاتورة ليك لكن مش متقدم بأثر رجعي, قولتله و بالنسبة للي دفعته قبل كدة؟! قالي المشكلة مع الفرع علشان انا معنديش تفاصيل بيها, حكيتهاله قالي تمام و طلبت منه انه يعمل complaint في مدير الفرع علشان البيه بعد ما عرف مشكلتي قدملي طلب refund بس علي اخر فاتورة مع انه عارف اني دافع قبل كدة.
خلاف كدة ان بما اني فودافون ريد فانا ليا services كتير مجانية من ضمنهم Anghami لكن من شهرين اتفاجئ انهم كانوا بيدفعوني كل شهر ١٥ جنيه لمدة اكتر من سنة حق خدمة Anghami.
اي حد developer لما بيشتغل في اي تطبيق ليه علاقة بالفلوس او payment gateway بيكون حاطط عينه في وسط راسه، لان ده حاجة لا تقبل الخطأ، شركة بحجم Vodafone ال system بتاعها تحس انه معمول علي موقع خمسات.
و مش بس كدة كام مليون بيتسحبوا من العملاء بدون وجه حق و بياخدوا عليها فوائد يومية من البنوك اللي هم بيشتغلوا معاها، يعني فلوسي و فلوسك المسروقة بياخدوا عليها أرباح، فنصيحة لوجه الله لما تكتشف اي مشكلة متسبش حقك و اجبرهم انهم يدفعولك تعويض عن النصب ده، لانه مش من العدل ينصبوا عليك و يتربحوا من فلوسك كمان.
صاحب المشكلة: Mohammed Darwish
قد يفيدك:
أكواد إلغاء خدمات الرسائل الإخبارية فودافون اورنج اتصالات
رقم خدمة العملاء فودافون
اكواد معرفه رقم الخط اورنج وي فودافون اتصالات
فك شفرة مودم اتصالات ليعمل على جميع الخطوط مجربة ومضمونة