العمل من المنزل ما بين حلم الثراء والابتزاز الالكتروني

 في الفترة الماضية انتشرت العديد من المنشورات علي وسائل التواصل الاجتماعي وتحديدآ الفيس بوك عن فرص العمل من البيت بنقود جيدة جدآ ولكن للأسف اغلب تلك المنشورات ماهي الا وسيلة للايقاع بالضحاية من راغبي العمل من المنزل، ولكن كيف يتم الابتزاز الالكتروني بهذه الطريقة؟

 



بواسطة: وائل الجوهرى

اشتغل من البيت بفلوس كتير!


احترسوا في ناس بتستغل البنات الي محتاجه شغل علي النت وبينزلو بوستات وكدا انهم محتاجين شغل او بينشرو بوستات ان الي عايزه شغل من البيت تعلق وكدا وشغل محترم


بيكلمو البنات علي اساس شغل *استبيانات* والمقابل حلو وهتكون شغاله من البيت وهتكون شغلاتها بس انها تعمل تقييمات لتطبيقات او صفحات او منتجات ولما البنت توافق بما ان الشغل ده نضيف ومحترم


بيقولها عشان تقدري تعملي التقييمات لازم تنزلي تطبيق من المتجر وعشان ميبقاش فيه شك من نحيتها بيديها اسم التطبيق من المتجر الرسمي ( عشان التطبيق نظامو محمي) وبس بتنزلو وبيديها ايميل عاملو علي اسم شركه وبيطلب منها تسجل فيه وبعدها بيطلب منها تستنا شويه عشان يديها تطبيق بروكسي عشان الايبي يتغير لامريكا عشان تاخد ارباح اكتر


وبيغيب حوالي ربع ساعه علي اساس انو الفيس مهنج عندو والتطبيق ده اساسا تطبيق تحكم عن بعد بالاجهزه وعن طريقو بتقدر تتحكم بالجهاز الي رابطو بنفس الايميل وبالوقت الي غاب فيه بيكون سحب كل الملفات والصور الي علي الفون والفيديوهات وبيقدر يفتح الكاميرا ويسجل صوت ويعمل اي حاجه بالفون حرفيا ف ياريت جدا جدا البنات تاخد بالها واتمني اكون بسطت الموضوع🤚


تعليقات
ليست هناك تعليقات
إرسال تعليق