حرق العملات المشفرة: مابين انقاذ العملة من الانهيار والنصب علي اصحابها

 العملات المشفرة الرقمية هي احد اهم ما يبحث عنه المستثمرين في عالم الانترنت وذلك للارباح الجنوية التي تصل اليها تلك العملات مقارنة بالعملل في المشاريع علي ارض الواقع، ولكن كما في الحياة نصابين ايضآ علي الانترنت هناك يتواجدون بكثرة في مجال التعدين والعملات المشفرة الرقمية.

 وفي هذا الموضوع نستعرض احدث طرق النصب التي يتم الايقاع بحاملي العملات المشفرة والمستثمرين الجدد بها وضياع الاموال الخاصة بهم.

 

النصب في سوق العملات المشفرة

 النصب في سوق العملات المشفرة



النصاب ديما مبدع و بيتفنن في طرق نصبه و ديما بيلعب علي مشاعر الناس، فخليني اعرفكم علي طريقة نصب جديدة بتحصل في سوق الكريبتو حاليا.


- عملة شيبا اينو ترتيبها ال ١٦ في الماركت كاب، عملة من عملات الميم و الشيت كوين، كنت عملت فيديو عنها

 


- ركز جدا من اول النقطة ده _ عدد العملات الخاصة بشيبا ٥٨٩ تريليون عملة يعني ٥٨٩ الف مليار عملة، و علشان تبقي فاهم هكتبهالك بالارقام ٥٨٩،٠٠٠،٠٠٠،٠٠٠،٠٠٠ عملة شيبا.


- طبعا كلنا عارفين يعني ايه حرق للعملات ولو متعرفش فتابع الفيديو ده شرحت فيه يعني ايه حرق

 

 المهم بعد اي عملية حرق او تخطيط لحرق عملات لاي عملة في السوق المفروض ان ده صداه بيسمع في السوق كله بسبب ان ده حركة بتجذب المستثمرين لانها بتعلي سعر العملة.


- اول ما العملة اتعملت في ٢٠٢٠ و ابو كلب "ايلون" اتكلم عن اسم نفس اسم العملة و سعرها ضرب في السما و الماركت كاب بتاعها وصل لاكتر من ٤٠ مليار دولار.


- كل ما كان يحصل انهيار للعملة كان يطلع فريق العملة يقول انه تم حرق ٢٠ مليون عملة و مرة ٣٠ مليون و مرة x مليون...الخ خلاف انهم في الاول حرقوا ما يقرب من ٤٥٪ من اجمالي العملات اللي كان عددها يساوي كوادريليون يعني الف تريليون.


- عمليات الحرق كل شوية ده تطمع المبتدئين في السوق اللي مش فاهمين الحرق ده مؤثر ولا مجرد وهم، بمعني ان لو تم حرق يوميا مليار عملة، هنحتاج ١,٦٠٦ سنة علشان العملة يوصل عددها ل ٦ مليار عملة و يوصل سعرها لدولار فعلا، يعني حرق الكام مليون عملة ده غير مؤثر ولكن ده الطريقة اللي بيتم النصب بيها علي الناس اللي اتزرع في عقولهم ان اي حرق مفيد للعملة و بيعلي سعرها و كدة كدة اتزرع في عقول الناس ده ان العملة هتوصل ل ١ دولار في يوم من الايام!!


- الجديد بقي ان مطور العملة "ريوشي" خرج من العملة و مسح التغريدات بتاعته و مسح البلوج بتاع العملة و اختفي، السعر أتأثر نوعا ما لكن لسة لما الخبر يسمع اكتر، يعني جمع اللي قدر يحمعه من الفلوس اللي دخلت العملة و توكل علي الله، مع العلم انه اصلا من ساعة ما أنشأ العملة و هو مجهول محدش يعف عنه حاجة زي ساتوشي ناكموتو مؤسس البيتكوين.


 فهنيئا لمن سمع تحذيراتي و مدخلش نفسه في السراب ده و الله يعوض علي اللي تجاهل التحذيرات و حط فلوس في العملة ده و شبيهتها.


  لو كنت من الناس اللي كسبت من مثيلتها فخليك عارف ان ربحك ده مش حلال لانه قايم علي المقامرة، مفيش منتج حقيقي ذو فائدة عملات الميم بتقدمه علشان تعتبر ان الفلوس ده نتاج ارباح المنتج، لا الفلوس ده بتجيلك من خسارة حد تاني و هو ده المقامرة والله اعلي و اعلم.

مهندس: Mohammed Darwish

 

تعليقات



حجم الخط
+
16
-
تباعد السطور
+
2
-