7 يوليو 2018

مزنوق maznoq تطبيق يساعدك في الوصول إلى أقرب تواليت في منطقتك

مزنوق maznoq تطبيق يساعدك في الوصول إلى أقرب تواليت في منطقتك
 ناس كتير بتبقى عايزة تروح تواليت "حمام" بس مش عارفين أقرب مكان فين ، ومش محتاج أحكي ايه اللي بيحصل للناس في الموقف المحرج ده ! ، الواحد بيبقى محتاج مكان آدمي على الأقل لأن للأسف الحمامات العمومية في مصر سيئة جداً ، وخصوصاً البنات ، فكانت الفكرة في تطبيق بيحل المشكلة دي ويكون متوضح فيه مواصفات المكان ده وايه إمكانياته ومستوى النضافة ( من خلال تقييم الناس ) وهل متاح للرجال والسيدات ولا أحدهما ، وهل مجهز لذوي الإحتياجات الخاصة ولا لا وغيرها من التفاصيل.
 كل اللي عليك تفتح التطبيق وتلقائياً هيجيب لك أقرب أماكن فيها تواليت بناء على الـ GPS وبعد الإنتهاء من التواليت ممكن تعمل تقييم للمكان ولو عندك أي تعليقات ممكن توضحها.

الفكرة أصلاً جات منين :


مزنوق maznoq تطبيق يساعدك في الوصول إلى أقرب تواليت في منطقتك
الفكرة كانت من خلال موقف مرينا بيه أثناء العمل في احدى الشركات ، فاتناقشنا في الفكرة وقلنا ليه مايكونش فيه تطبيق يحل المشكلة دي عند الناس.

إن شاء الله نسخة البيتا هتكون متاحة قريب على جوجل بلاي ، أما باقي أنظمة التشغيل هتكون بعد فترة إن شاء الله.

علشان توصلك النسخة التجريبية أول ما تنزل، ادخل على الموقع ده وضيف ايميلك.

www.maznoq.com

الفكرة علشان تنتقل من مرحلة التفكير لمرحلة التنفيذ، فيه ناس كتير اشتغلت معانا. وعلشان التطبيق الهدف الأساسي منه خدمة الناس وراحتهم، حابين تشاركونا التفكير علشان يكون في أحسن صورة. عبر الدخول الى الموقع وكتابة مقتراحتكم




تعريب كن مدون جميع الحقوق محفوظة لــ مدونة عرباوى | متعة الشروحات المبسطة 2016 ©