ماهو افضل قالب من حيث السرعة والقبول في ادسنس؟، من اكثر الاسئلة اللتي تم ذكرها من جانب المبتدئين في مجال المواقع والمدونات ولكن الامر ليس سهل كما تعتقد تابع لمعرفة السبب!.
قد يفيدك
جالى سؤال بخصوص القالب الاوحد ولفت انتباهى ان معظم الناس بتشتغل بالقالب الاوحد مع الجميع وده شىء اعتقد انه محتاج مراجعه منهم، وهنا نقصد اسم قالب بعينة كمثل قالب سيو بلس او سكويز بلوجر او قالب ببلشر او جنة للووردبريس
يعنى ايه كل الناس تشتغل على قالب اوحد موحد ؟
مع كامل الاحترام والتقدير للجميع لكن هذا لا يصح ابدا لان فى حاجه اسمها فحص وتحليل ودراسه لازم تعملها قبل حتى ما تفكر تبدء الشغل ومنها دراسه اهتمامات جمهور تخصصك وتشوف هل معظم المواقع ضمن تخصصك تستخدم قالب شكله ايه ومميزاته ايه وتعحاول تكون قريب منهم.- الموقع الاخبارى لازم له قالب اخبارى سهل وبسيط ومتقسم زى المجله الاخباريه مثلا
- الموقع الرياضى لازم له قالب متقسم رياضى يوحى من شكله انه رياضى
- مواقع المدونات لازم لها قالب التدوين المعروف العادى يعنى البسيط
وهل يوجد تخصصات معينه تحتاج الى انواع اسكيما معينه ؟
طبعا كتير جدا من التخصصات ستحتاج الى اضافه انواع محدده من الاسكيما قد لا تكون متاحه فى القالب الاوحد ولازم تضيفها او تبحث عن القالب المناسب لها وعلشان كده هتلاقى المواقع التى تعرض القوالب تم تقسيمها الى انواع واشكال وتخصصات والوان تتيح لك اختيار الافضل لمجالك فلو كان الامر عشوائى فما الحاجه اذن لتنظيم الاختيار بهذه الطريقه- القالب ذات العمود الواحد له تخصص يساعد فى مجال معين
- والقالب ذات العمودين ايضا له تخصص مختلف
- والقائمه ذات اللون الاحمر لها دراسه تختلف عن القائمه السوداء
فلا يجوز ابدا ان نعتمد جميعا على قالب اوحد ثم يشتكى بعضنا من قله النقرات مثلا او قله التفاعل احيانا لان موقع اخبار ممكن يجيب نقرات كثيره واخر موقع صحه مش بيجيب نقرات خالص مع ان الاتنين فيهم نفس القالب
فيمكن زائر الاخبار والرياضه والتريندات اشد حرصا على الوصول للخبر اكثر من زائر الصحه او التدوين والعكس صحيح
اه بيحصل كتير ان الناس بتنصح بقالب معين حسب تجربتها لكن بالنسبه لك فالناصح هو تحليلك ودراستك لجمهورك المستهدف وبناء عليه تعظم اختياراتك بنفسك والاصلح لك تعمله
#الحكاية مصطفي المصري