القائمة الرئيسية

الصفحات

قواعد كده لازم تكون عند اي مهندس سوفت وير

البرمجة تعد هي افضل وظائف العمل الحر ويكفي ان تعلم عزيزي القارئ ان اعلي اجور في الوظائف التقنية هي للمبرمجين، وفي هذه التدوينة يشاركنا م/احمد طلبة اهم الارشادات لكي تصبح مبرمج افضل وكيفية التعامل مع العملاء لكسب ثقتهم ومذيد من الارباح.

 

قواعد كده لازم تكون عند اي مهندس سوفت وير


عشان تبقي مبرمج محترف


1. مينفعش تقلي انك مبرمج سي شارب و بس 

 خليك Language Agnostic ، يعني محايد ، لازم تتأقلم علي اي لغه بتستخدمها و تكون عندك الاساسيات و الثقافه دي لازم تكون عندك ، انك متخافش لما تشتغل بلغه جديده طالما عارف الاساسيات كويس ( راجع اي كتاب زي Programming Language Concepts ).


2. مينفعش ميكونش عندك اساسيات في الكومبيوتر ساينس 

يعني مثلا البحث و الترتيب Searching Sorting ، مينفعش تقلي انك معكش " الادوات" دي ، او متعرفش شغاله ازاي ، لازم تكون عندك خلفيه قويه عن Data structure & Algorithms ، و كمان تضيف عليهم النقطه رقم 1 ، انك تستخدمهم بأي لغه.


3. مينفعش متعملش مشاريع ، We Learn by doing 

 مينفعش تسيب الكليه و كل ماده مش عليها مشروع ، ماده زي الCompilers ، اعمل BASIC Interpreter علي الاقل. ، ماده زي الكومبيوتر جرافيكس ، اعمل لعبه باي عفريت.

4.التكنولوجيا بتتغير دايماً 

 حاول تركز علي النقط اللي فوق دي أهم ، مينفعش تبقي كل خبرتك خلال ال10 سنين اللي فاتوا انك عارف Angular ، او اي Framework ، او Unity في الجيمز ، لازم تكون مٌلم بالاساسيات و تقرأ عن الجديد ايه.

5. الكتب لازم تبقي مرجعك الوحيد 

 الكورسات ماشي تمام تتعلم منها ، لكن مثلاً عمرك ما هتلاقي مرجع للغه السي ++ في كورس ، بتلاقيها في كتاب زي مثلا مرجع لغه السي The C Programming Language Dennis Ritchie ، و السي ++ Bjarne و كذلك اللغات التانيه.

6.حاول تزور طبيب عيون كل فتره.

7. حاول تستخدم كراسي مريحه.

8. حاول تتمرن علي حل مسائل و مشاكل كأنك بتتسلي علي Leet Code مثلاً 

 فيه مشاكل حلوه و بتخليك تفكر ، دي هتنمي مهاره حل المشاكل ( المهندس وظيفته انه يحل مشاكل )

9. حاول تعمل مشاريعك في الكليه و تاخد فييد باك من المعيدين و الدكاتره و زملائك و انشرها علي Github 

متخليش السي في بتاعك فاضي ابيض و بتكتب كلام و مش عليه دليل او مشروع علي Github.

10. في كتب كده Standards 

 حاول تخش علي امازون و تشوف الكتب في المجال اللي عايزه ، يعني مثلاً في الخورازميات كتاب Cormen ، مقدمه للخورزميات CLRS ، ده لازم تكون بصيت عليه ، و غيره في المجالات التانيه.

11. حاول تشتغل علي فكره خاصه بيك في وقت فراغك 

 و لو معندكش وقت خصص له حتي لو متجوز ، الوظيفه مش مضمونه في العصر ده ، موقع بسيط ممكن تكون فكره كويسه و فاتحه خير.

في النهاية

تلك كانت اهم 11 نصيحة لتصبح مبرمج متطور ومواكب كل جديد في مجال المبرمجون.

تعليقات