الجزء الاول: سلسلة هل أنت آمن %100 Are You Secure


Are You Secure 100 %? هل انت آمن 100%؟، ان شاء الله دي هتكون سلسله من ال Posts الي هتكلم فيها اكتر عن ال Security وعن حاجات كتير فيها وبالأخص هشاركم حاجات كتير زي Attacks حصلت وازاي تمت وحل Machines انا حلتها و Technical Things هتفيدك ف اي فرع ليك، وشويه معلومات عامه عن ال Info Sec بشكل عام علشان نبدا نزود ونعلي الوعي الأمني للناس اكتر ❤️.

 



 

 

ومن ضمن الحاجات الي هتكلم عنها برده بعض ال Tools الي من وجهه نظري كويسه جدا وهتفيدك وهتكلم برده عن حاجه انا شخصيا بحبها يمكن مش كتير الي بيحبها او عرفها وهي اني هتكلم ع مسلسل Mr Robot بس بشكل Technical شويه وهعلمكم فيه شويه حاجات كتير حلوة كتير ميعرفهاش وف نفس الوقت معرفن زياده لو تعرفها ❤️.


وبرده هبدا انزل كل فتره فيلم او مسلسل و Review عليهم وطبعا هيكونوا خاصين بال Security برده 🖤يعني ببساطه مجموعه Posts هتكون خاصة ب ال Security بكل حاجه وكل أشكالها وان شاء الله اقدر اساعد وافيد



اول موضوع من سلسلة هل انت امن Are You Secure 100؟%

 

حاليا وف الفتره الي احنا بنعيشها دلوقت بعد الاستخدام الهائل لشبكات الإنترنت والموبيلات او التكنولوجيا بشكل عام وده علشان حاجات كتير منها تسهيل علينا ف حاجات زي التجارة وزي التسوق وزي التعليم وزي كل حاجه، بس مع الانتشار الكبير الي بيحصل ف التكنولوجيا يوم عن يوم ومع جهل وعدم وعي مستخدمين التكنولوجيا دي يبدا يظهر عندنا الجرائم الإلكترونية (Cyber Crimes) والي بتتشكل ف حاجات كتير منها سرقة بياناتك من غير اما تحس ومنها ابتزازك بطرق كتير زي ابتزاز جنسي او مالي وغيرها كتير من مواقف وحاجات بتحصل كل يوم نتيجه للتطور الزياده عن اللازم وعدم مواكبتنا للتطور ده، فهنا بدأ الناس تتسأل احنا ازاي نحمي نفسنا، ازاي نمنع حاجة من الحاجات دي انها تحصلنا.؟!


فمن هنا بدأ ينتشر مفهوم امن المعلومات (Information Security) و مفهوم الأمن السيبراني (Cyber Security)، والمفهومين دول بيدوروا كتير الايام دي بسبب كثرة الجرائم الإلكترونية وغيرها ودم الي هشرحهم باذن الله ف البوست ده ❤️


1- Information Security او امن المعلومات

أمن المعلومات هو الامن الي بيحافظ ع سرية المعلومات والبيانات لكل مستخدم علي ال Social Media او غيرها من مواقع، والمقصود بمعلومات او بيانات هنا هي جميع او كل المعلومات الخاصة بيك، وامن المعلومات بيتطور نتيجه للتطور الكبير الي بيحصل يوم عن يوم ف التكنولوجيا او الإنترنت بشكل عام، ومن ضمن انواع أمن المعلومات او انظمه الحمايه Security Systems

  1.  أنظمة حماية نظم التشغيل 
  2.  أنظمة حماية البرامج والإلكترونيات 
  3. أنظمة حماية التطبيقات والبرامج

 

فمن أنواع امن المعلومات Information Security هنلاحظ ان امن المعلومات بيبدا من الحاجه المصنعة او المصدرة ليها لحد اما توصلك بطرق حماية إضافية وهدف كل ده هو تشفير معلوماتك وتخليها مؤمنه بشكل كبير بحيث انك تكون ضامن بنسبة ما ان معلوماتك مؤمنه 



2- Cyber Security او الأمن السيبراني

ده هو حماية الشبكات او الانظمه او الأجهزة من الهجمات الرقمية او التجسس او سرقة بياناتها، يعني اي؟؟!
 

يعني انتا ك شخص ليك أجهزة معينه زي التليفون بتاعك وجهازك ال PC وغيره، وظيفة او مهمه ال Cyber Security هو ان الحاجه دي تكون محمية من اي هجمة الكترونيه او محاولة للتجسس عليها او ع معلوماتك الي جواها
وال Cyber Security بيعتمد علي

  1. Smart Devices
  2. Networks
  3. Cloud Servies

 

طب نيجي للسؤال الي الأغلب بيطرحه وهو اي الفرق بينهم وهل فيه فرق اصلا او لا؟!!

الإجابة ع السؤال ده هي ببساطة ان الاتنين في بينهم تشابهه كبير وده لان الاتنين وظيفتهم الاساسيه هي حمايه معلوماتك ايا كان نوعها او مكانها، ف الاتنين متقاربين ف الوظيفة لدرحه ان البعض متخيل ان الاتنين واحد وده شئ مش مظبوط
طب بما ان الاتنين وظيفتهم هي حماية معلوماتي طب انا وظيفتي اي ف الموضوع؟!


نيجي هنا لاهم نقطة ف البوست كله وهي انت، هتقولي انا مالي او اي علاقتي بدام انا مؤمن؟؟!
ال Information Security او ال Cyber security الاتنين معتمدين ع حياة معلوماتك، طب تخيل معايا انك انتا الي بتفرط غ معلوماتك بايدك هل ساعتها هيبقا ليهم وطيفه؟


هتقولي ازاي مين شخص هيعمل حاجه زي دي، هقولك للاسف معظم او اغلب مستخدمين التكنولوجيا حاليا بيستخدموها استخدام اعمي مع انها اهم سلاح حاليا، الأمن والأمان بيجي من وعيك بيجي من فهمك لان الشخص الي بيسرق بياناتك او عايز يستغلها ف شئ بيستهدف مخك او دماغك او تفكيرك انتا مش نظام الحماية.

 

 خاتمة:

مهما كانت انظمه الحمايه قوية او ال Security Solutions قويه هيظل نقطة الضعف ف تفكير الانسان ووعي الي بيستخمدها، لاحظ معايا وشوف الاختراقات العالمية الي بتحصل وكل الأحداث المهمة دي هتلاقي ان أغلبها مش بسبب عطل من النظام او خلل منه بل نتيجه من حاجه شخص او موظف من داخل المؤسسة سمح بيها زي انه فتح ايميل غريب، ادا صلاحيات للمستخدم من غير اما يحس او يعرف وهكذا من أحداث بتحصل، وده يرجع لكلمه ان (تفكير الإنسان ومخه هو سبب الاختراق)


علشان كده لازم اننا نبدأ نتعلم السلاح الي ف ايدينا وازاي نتعامل معاه علشان ده اهم وسيلة بنستخدمها حاليا الي كمان فتره هتبقا هي حياتنا كلها 👌


باذن الله البوست الي جاي هبدا اتكلم اكتر عن ال Cyber Security وعن فروعه واسمائها واستخدامتها ❤️❤️
ذُمتم سالمين ومتنسيش ب دعوه حلوه 🤍 

تابع ⬅️ الجزء الثاني: سلسلة هل أنت آمن %100 Are You Secure


السلسلة من طرف البشمهندس/ اسلام عباس

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -