لماذا يجب عدم التقاط الصور الحساسة علي هاتفك المحمول للبنات والسيدات

علي ماهر

اخر تحديث :

للأسف مع انتشار وسائل التواصل عبر الانترنت بين المستخدمين اصبحت الخصوصية كستار شفاف يبرز ما يخفي حتي بدون علم المستخدم بذلك، وعلي الرغم من عدد التحذيرات والتنبيهات علي الحفاظ علي الخصوصية حتي لا نتعرض الي ما يسمي الابتزاز الإلكتروني.

قد يفيدك

تحذير لكل فتاة تمتلك هاتف

للمرة المليون بنقول للبنات بلاش تبعتي صورك او فيديوهات او حاجات خاصة لحد سواء خطيبك او لاي انسان مهما كنتي واثقة فيه او بتحبيه اللي بيحبك هيخاف عليكي ومش هيطلب منك حاجة تغضب ربنا وتفضحك وتدمر حياتك انتي واهلك وعائلتك كلها
بلاش تصوري نفسك باي شكل من الاشكال اي صورة او فيديو بتصوريه هيكون معرض انه يتسرق ويكون متاح للناس كلها تشوفه لان الموبايل ممكن يقع منك او يتسرق او يتهكر او يعطل

وبلاش تكلمي حد مكالمة فيديو لانه ممكن يسجلك المكالمة من غير ما تعرفي وهيكون معاه فيديو للمكالمة صوت صورة
الصور والفيديوهات دي بتتسرق بطرق كثير وبيتم رفعها علي الانترنت سواء بقصد او دون قصد وللاسف الوقت الحالي ناس كثير مفيش عندهم دين ولا ضمير ولا اخلاق وهذه النماذج منتشرة في كل مكان وكانت سبب في خراب بيوت كثير وفضحيتهم وسط الناس

وده نموذج لبعض الشباب اللي بيبتز ويهدد البنات بصورهم والفيديوهات بتاعتهم ليه تحطي نفسك في الموقف ده وتخلي حيوان معدوم الضمير والاخلاق يتحكم فيك ويذلك بالشكل ده ياريت كل بنت تحرص علي نفسها وعلي اهلها

انتي ممكن تغلطي غلطة تفضلي تدفعي ثمنها باقي عمرك وده حصل للاسف مع بنات كثير اتمني تكون الرسالة وصلت

قد يعجبك