كيفية معرفة محرك السيارة مفوت خفيف

 

 موتورك خفيف أو مفوت، كلمتان كثيرآ نسمعها عند الذهاب الي مراكز الصيانة او ورشة مكانيكة سيارات ولكي نتعرف اكثر علي معني هذه الكلمات بشكل ابسط نستعرض سويآ  إزاى تعرف إن موتورك خفيف أو مفوت، ويعني ايه متور العربية فوت او خفيف      


 

  


كلمة إن الموتور خفيف معناها أن أجزاء الموتور الداخلية والتى تتحكم فى عملية عدم تسريب الزيت لـ غرفة الحريق أصبحت خلوصاتها واسعة وهنا يتم تسريب الزيت لغرف الحريق ويتم حرقة مع البنزين والهوا !!وبالعربى كدة يطلق علية فى السوق بين الصنايعية عبارة موتورك خفيف يعني موتورك شارب زيت .


وده طبعاّ بيؤدي بما لا يدع مجال للشك إن الموتور يحصل فيه خلل .. وطبعاّ تسريب الزيت لـ غرفة الحريق بيخلي بخار الزيت يهرب لـ خرطوم الفايظ اللي بيبقي بين كارتيرة الزيت وغرفة البنزين ..

 وده ممكن نكشف عليه بالنظر وهو إننا بندور العربية وبنشوف الخرطوم ده لو بيخرج منه بخار خفيف جداّ جداّ فـ ده مفيش فيه مشكلة إطلاقاّ وده العادي أصلاّ .. أما إنك تبص عليه تلاقي الخطروم شغال ماشاء الله بيخرج في دخنه بيضا يبقي ده معناه إن شنبر الضغط خفيف ..


في الحقيقة إن أي موتور تم صنعه منذ أن سطع عالم السيارات ليه نسبة زيت بتدخل غرفة الإحتراق .بس النسبة دي ضيئلة جدآ وبتبقي تقريبآ نص لتر لكل 3000 كيلو بس عشان النسبة ضئيلة محدش بيذكرها في الكتالوج لكن المواتير العملاقة زي مواتير دودج بيذكروها في الكتالوج بتاعهم ..


وهنا نقدر نقول أن الزيت لما بيتحرق في غرفة الإحتراق بيطلع مع العادم (في الطبيعي العادم ملوش لون) لكن لما الزيت يتحرق بيطلع من الشكمان عادم أبيض (فيه ناس بقى تقولك أبيض مزرق وأزرق مبيض)


علامات وإشارات تدل على إن موتورك خفيف أو مفوت

1 - بوجيهات عليها زيت بطريقة ملحوظة ودي من أشهر علامات الموتور الخفيف وتلاقي مع الوقت العربية الصبح مش بتدور لأن الزيت علي سن البوجيه مانع الشرارة إنها تخرج.


2 - دخنه بيضاء مع الكبس علي النقلات .. دخنه بيضااااا كتير وتخنق كدة وده لأن الزيت بيتحرق بقي فـ بيتبخر ويخرج لونه أبيض كثيف مشبر .


3 - لو خرجت مقاس الزيت هتلاقي الزيت ناقص وده ليه ؟؟ ما هو بيتحرق زيه زي البنزين بالظبط.


4- الموتور هتلاقيه علي المطالع ومع الحمل بيسقف جامد أوي بشكل ملحوظ ومش قادر يشد العربية .. أه ما هو طبيعي .. غرفة الحريق دلوقتي بقي جواها بنزين وهوا وزيت .. طب الموتور هيخرج كفاءته القصوي إزاااااي !!


5 - وجود زيت على البوجيهات
6 - صعوبة دوران السيارة فى الصباح ( وإن كانت هذة لا تقوم لوحدها دليل على خفية الموتور لأن لها اكثر من سبب هذا احدها)


7 - تسقيف الموتور بشكل مبالغ فيه فى المطالع او مع كبس البنزين


حلول ومسكنات سريعة للموتور الخفيف ؟!

1 - هنعمل مسكن وهنتفق مع بعض علي حاجة حلوة .. موتورك خفيف ومحتاج طقم شنبر وخلاص ده بقي أمر واقع والزيت بينقص والبوجيهات خلاص بتستغيث فـ الحل المسكن هو إننا نشتري علبة زيت شنبر 443 مل أسمه ABRO Oil Treatment .

 

 الزيت ده كثافته تقيلة جداّ جداّ لزوجته عالية أوي .. طب بيعمل إيه الزيت ده ؟؟ بيقلل الإحتكاك وبيقلل دخول الزيت لـ غرفة الحريق وبالتالي تقليل نسبة خروج الدخان الأبيض .. خد بالك الزيت ده أنت بتحطه مع كل تغييرة زيت جديدة فـ لو عربيتك وليكن بتاخد 3 لتر زيت يبقي تنقص شوية وتخليه وليكن 2 لتر ونص والباقي زيت شنبر .. مجرد ما هتجرب الزيت ده هتحس بفرق ملحوووظ ؟!


2 - نعمل عمرة للموتور وهي تشمل خراطة الشمايز وتغيير الشنابر.


3 – وأخيرا بعد إستنفاذ الحلول السابقة نلجأ الى تغيير الموتور باّخر إستيراد.

تعليقات
ليست هناك تعليقات
إرسال تعليق