قصة تريند | أغلى كارت شحن فى مصر

  انتشر موخرآ علي مواقع التواصل الاجتماعي تريند "#أغلى_كارت_شحن_فى_مصر" وتم التفاعل معه من اكثر من منظمة وشركة وشخصيات عامة ولكن في ما قصة اغلي كارت شحن في مصر؟.

 




الفتاة صاحبة اغلي كارت شحن مصري في العالم

قامت فتاة مصرية بسيطة بتقديم كارت شحن فودافون فئة 10 جنيهات الي احد المؤسسات الخيرية "Mersal foundation" وهي مؤسسة خيرية غير هادفة للربح تعمل في مجال الصحة، تسعى مرسال لتقديم كافة أنواع الرعاية الطبية بجودة عالية لكل من يحتاجها مرسال مؤسسة مصريه انشأت عام 2015 غير هادفة للربح تعمل على تقديم كافة الخدمات الطبية للمرضى غير القادرين مجانًا للمصرين وغير المصرين.



البنوتة دي مش معها فلوس، مش معها  غير كارت شحن فودافون بعشرة جنيه، عايزة تتبرع بيه للحضانات، فأنا هعمل مزاد عليه للفجر.
مين يشتريه صدقة جارية وهنبيعه  بأعلى سعر  لصالح الأطفال المبتسرين بحضانات مرسال.

دي كانت رسالة هبة راشد ‏‎Founder & CEO‎‏ لدى ‏مؤسسة مرسال - Mersal Foundation‏ التي تم نشرها عبر حساها الشخصي في مواقع التواصل الاجتماعي التي لاقت صدي ومردود جيد علي السوشيال ميديا من جانب المتبرعين ومنهم شركة فودافون مصر.

 

 التي اعلنت انها هتشارك بنفس مبلغ التبرع النهائي مساهمة من مؤسسة ڤودافون مصر لتنمية المجتمع، واهدت رسالة شكرا للبنوتة الجميلة على مشاعرها الصادقة و بدل الكارت قيمة ١٠٠٠ كارت.

 

 ومن المرجح ان يصل حجم التبرعات اكثر من مليون جنيه مصري ان شاء الله 


رابط منشور فودافون 

https://web.facebook.com/Vodafone.Egypt/posts/10158840296153437

رابط منشور هبة راشد "مرسول" 

https://web.facebook.com/heba.rashed.16/posts/6049031031792126

 

المختصر:

في بنت صغيرة حبّت انها تتبرع لجمعية مرسال اللي بتعالج المرضي وبتتكفل بيهم مجانًا ، فالبنت دي تواصلت مع المسؤولين وقالتلهم انا عايزة اتبرع بس مش معايا غير كارت شحن بـ10 جنيه وقالتلهم ان دا كل اللي معاها ، فا جمعية مرسال عشان تجبر بخاطر البنت ومتحرمهاش من الثواب والصدقة قبلوا التبرع والجميل بقي في الموضوع ان الجمعية قررت تعمل مزاد على الكارت عشان المبلغ يكبر ويضاعف اضعافه ويبقي عمل البنت الصغيرة يبقي عظيم بالشكل دا ، لما اعلنوا عن المزاد سبحان الله الكل اتسابق عشان ياخد الكارت واول مبلغ كان حوالي 10 ألاف جنيه لحد ما اتضاعف اضعافه ووصل لـ90 الف جنيه ، والمفاجاة الجميلة بقي المبلغ دلوقتي وصل حوالي 250 الف جنيه ! وقابل للزيادة وكمان شركة فودافون اعلنت انها هتتبرع بنفس المبلغ النهائي ، متخيل فعل صغير من بنت مش معاها غير كارت شحن بـ10 جنيه عايزة تتبرع بيه فالجمعية تقبل التبرع بتاعها وتعمل مزاد والمبلغ يوصل الرقم دا !! سبحان الله العظيم ، النيّة لما بتكون صافية وخالصة لوجه الله تعالي ربنا بيبارك في اي حاجة بتعملها ، السباق في الخير دايمًا جميل .. عطاء وكرم ربنا رهيب والله يا جماعة.

تعليقات
ليست هناك تعليقات
إرسال تعليق