كيف احمي حساب فيسبوك من الحذف او من التهكير؟

 

 كيفية حماية حساب فيس بوك من الاختراق او التهكير والحذف؟،  انتشرت موخرآ عملية تهكير حسابات فيسبوك بشكل كبير جدآ بين المستخدمين، وفي هذه التدوينة يشاركنا المهندس/ عبدالرحمن جهيم كيفية الحفاظ علي حساب الفيسبوك من الغلق والتهكير عبر الاختراق بشكل مباشر او عبر اي طريقة اخري بشكل مبسط.

 



كيف احمي حسابي facebook من الحذف او من التهكير؟

كل يوم بيجيني رسائل عن ناس توقف حسابهم بشكل مفاجئ بسبب او بدون وكمان رسائل بتجي بيقلولي ان حسابهم تهكرطيب كيف ممكن احمي حسابي من هي الاشياء؟ وطبعا منعرف ان الوقاية خير من العلاج!! فلذلك خلينا نقي نفسنا من هاد الشيئ قبل ما يروح عليك الحساب...


• خلينا نحكي بالموضوع الرئيسي وهو ليش ممكن ان الفيسبوك يوقفلي حسابي؟

تعددت الاسباب والسياسة واحدة! اي نعم سياسة الفيسبوك هي السبب طيب انت عملت شيئ غلط بالحساب؟
مو شرط...


الفيسبوك اخر فترة وقف كتير حسابات وهي عبارة عن حسابات تصنف انها (وهمية) يعني مافي الها اثبات شخصية (هوية) 


طيب في كتير حسابات مالها عاملة اثبات هوية ليش ما وقفت؟

لان الحسابات اللي وقفت عبارة عن حسابات عملوها من خلال بريد الكتروني وهمي او مؤقت او حتى رقم وهمي يعني غير حقيقي


والفيسبوك بيهتم بالبريد الإلكتروني الحقيقي او الرقم الحقيقي لانك بالاخير بتسجل رقمك بشركة الاتصالات بالغالب بيكون باسمك!
وهذا يعتبر اثبات هوية لصاحب الرقم 


طيب والبريد الالكتروني؟

لما تعمل بريد الكتروني زمان كنت بتعمل ملايين الحسابات الالكترونية مثلا على gmail بدون مشكلة
اما الان لازم رقم هاتف يعني كمان اثبات هوية
ومشان يكون الفيسبوك مجتمع امن لازم يضيف عليها بس الناس اللي مثبتة هويتهم
وانت اكيد عرفت كيف بيجيبوك من بيتك لما تعمل مشكلة على الفيس 😬
ما علينا... 👀
المهم انك تعمل حساب برقم تليفون حقيقي او ببريد عليه رقم حقيقي

 


• ثاني نقطة هي سوء استخدام السياسة
وهون سبب بقفل حسابك او حذفه هو سلوكك بشكل اساسي!!!
يعني كيف بتنشر او بشو بتعلق او كيف بتحكي مع الناس بشكل عام....
واذا عملت شيئ غلط مثلا كتبت شتيمة او تكلمت بكلمات محظورة بينغلق حسابك...
حتى لو علقت بتعليقات متكررة الفيسبوك بيعملك حظر مؤقت حوالي ٣ ايام
وبعدها بيعملك حظر اذا تكرر الموضوع حوالي ٢٨ يوم
وبعدها ٣ اشهر
وبعدا بيتوقف الحساب
وكل مرة بيتم حظرك بيتم وضع نقطة على حسابك
(ما بيهم نوع الحظر)
سواء كان حظر من التعليقات لكثرتها
او حظر لدخول المجموعات بشكل كبير بمدة قصيرة او حظر بسبب تعليق او منشور غير مناسب...
كل ما كثرة النقط ووصلت لعدد معين بيتم قفل حسابك نهائيا
وطبعا في مراقبة سلوك بدرجة كبيرة
فلذلك لا تتشاطر على الفيسبوك
لانك بتستخدمه لصالحه وليس لصالحك!


طيب وبعد كل هاد الحكي كيف احمي الحساب؟؟

تتمة الكلام اللي فوق لازم توثق حسابك
والخطوات بسيطة...


ادخل على:
الاعدادات 》كلمة السر والامان 》المصادقة الثنائية
وهون بس تفعل المصادقة الثنائية بيطلب منك رقم تليفون
بس ضيف رقمك اللي موجود معك دائما
بيوصلك رسالة SMS فيها كود للتأكد من انه رقمك
بس تدخل الكود بتكون المصادقة الثنائية او متل ما بيقولولها تأكيد هوية بتكون اتفعلت!


ومن هلئ ورايح كل ما تحاول تعمل تسجيل دخول لحسابك من جهاز او متصفح مختلف لازم يتأكد ان انت صاحب الحساب وبيبعتلك كود على نفس رقمك حتى يأكد تسجيل الدخول


وهيك اولا بتكون حميت حسابك من الاختراق او من اي متطفل بيحاول الدخول لحسابك
وثانيا بتكون حميت حسابك من خطر الاغلاق من قبل الفيسبوك
كتير ناس انغلقت حساباتهم للابد 


وانا حسابي الشخصي انغلق اكثر من مرة
ولكن بقدر فك القفل عنه فقط من خلال ارسال رسالة تأكيد على رقم التليفون بيتم فك القفل تلقائيا
او ممكن ترسل الكود على البريد الالكتروني البديل


بتعرف شو هو البريد الالكتروني البديل وشو اهميته؟؟
وبس هاد كان شرح لاكثر سؤال بينسأل بالعالم
تحياتي لك وبالتوفيق الدائم ♥️

تعليقات



حجم الخط
+
16
-
تباعد السطور
+
2
-