السلام عليكم - إن شاء الله هنتكلم في المقال البسيط ده أهم شروط لازم تكون موجوده في الموقع اللي انت ناوي تاخد منه باك لينك Backlink جديد للموقع بتاعك وهما شوية شروط بسيطة ومهمة جدا في نفس الوقت.
لان الباك لينك Back-link عبارة عن مثلث بـ3 زوايا لما تعمله.
- أما موقعك يتعاقب
- محصلش اي تأثير
- موقعك يتحسن
علشان كده لو مبتعرفش تعمل باك لينك الافضل متعملش خالص علشان متبوظش الدنيا .
نخش في الموضوع علي طول الشروط دي ممكن تختلف من شخص لشخص فعادي جدا ممكن الكلام ده يكون فارغ بالنسبالك أو تكون بتعمل باك لينك في مواقع مفيهاش الشروط دي والامور تمام معاك فقشطه كمل المهم أن الشروط دي كانت افضل أسس مشيت عليها ونجحت في عمل باك لينك قوي
اولا : تخصص الموقع.
ودي اهم حاجه وهي ان الموقع اللي هتعمل فيه باك لينك لازم لازم يكون نفس مجال وتخصص موقعك او علي الاقل له علاقة بيه سواء من بعيد او قريب لان ببساطة مينفعش حد يتكلم عنك وهو ملوش علاقة بيك.
ثانيا : محتوى صفحة الباك لينك
لازم يكون برضو الصفحة اللي حضرتك هتاخد فيها باك لينك يكون محتواها متعلق بمحتوى موقعك او محتوي الصفحة اللي هتاخد ليها باك لينك مينفع يكون الموقع تقني وانت موقعك تقني وتاخد باك لينك من صفحة تحميل لعبة لصفحة في موقعك عن تحميل برنامج مثلا.
ثالثا: الموقع يكون له زيارات اورجانيك من جوجل
انت هدفك من الباك لينك هو انك تاخد ثقة من موقع ثقة فاكيد علشان يكون الموقع مفيد ليك لازم يكون الموقع نشط وله زيارات محترمة وغير معاقب من جوجل والا هتزيد البله طين ولازم يكون الموقع له زيارات من جوجل ثابته ممكن تفحص ده عن طريق سيميلارويب علشان تشوف زيارات الموقع ومصدرها .
رابعاً: نفس الشرط اللي فوق بس على مستوى الصفحة
بمعني ان الصفحة او الموضوع اللي هتاخد منه باك لينك لموقعك يكون موضوع نضيف محتواه حصري يكون مرانك في جوجل وله زيارات علشان ياخد بإيد موقعك ماهو اكيد يعني مينفعش تاخد باك لينك من صفحه مش واخده ترتيب فى جوجل زي مثل "كان القرد نفع نفسه".
خامساً: الموقع يكون له باك لينك قوي او ثورتي قوي
وطبعا دي حاجه مفروغ منها وهي أنه تحاول وانت بتختار مواقع تعمل فيها باك لينك يكون الباك لينك بتاع المواقع دي يكون قوي ولها دومين وبيج اثورتي عالي.
سادساً: عدد الباك لينك اللي طالعه من الموقع
بمعني لو هتاخد باك لينك من موقع حاول مكونش في مواقع واخده منه باك لينك كتيره ويكون اتهري او بيبيع باك لينك كتير لناس مختلفة .
سابعاً:عدد روابط الباك لينك الموجودة في الموضوع أو الصفحة
الصفحه اللي هتاخد منها الباك لينك ميكونش فيها روابط باك لينك كتير لان الفائدة هتتقسم عليكم وكلما زاد العدد قل نصيب الفرد
ثامناً: نوع الباك لينك "dofollow"
ودي مش محتاجه شرح لو عاوز تعرف يعني ايه dofollow شوف الموضوع ده يفيدك جدآ
أخر حاجة : لغة الموقع
حاول الموقع اللي تاخد منه باك لينك يكون نفس لغة موقعك او لو اجنبي يكون كبير جدا وفي صفحة محتواها متعلق بمحتوى موقعك
بس يا سيدي وجبرت على كدا
الموضوع من طرف الاستاذ / Hossam Shahin خبير السيو والمواقع
⬅️قد يفيدك ايضا
- سيو: ما هو الربط الداخلي Internal linking للمواضيع
- سيو SEO - هل استخدام تاريخ السنة في عنوان الموضوع مفيد ام ضار للسيو؟
- الذكاء الصناعي AI والتعلم الآلي Machine Learning وعلاقته بالسيو SEO
- 10 نصائح بسيطة لتحسين أرشفة موقعك والحفاظ على صدارة محركات ...
- سيو seo: لماذا يجب اضافة الصور والفيديوهات والرسومات البيانية الى ...
- اهم 9 نصائح SEO قصيرة لاصحاب المواقع و المدونين
- سيو: تعرف علي علاقة الـ SEO بالـ Hacking