4 أغسطس 2020

مضاعفة ترافيك موقعك والحصول علي مزيد من الزيارات باستخدام Long Tail Keywords

Long Tail Keywords

من خلال الموضوع ده هحاول اوضح لكم بعض النقاط المهمة عن ال long tail keywords وايه اللي بيميزها عن الكلمات البحثية القصيرة short tail keyword
#ملحوظة مهمة لو انت في موقعك مبتعتمدش على تطبيق الكلمات البحثية الطويلة ف احب اقولك انك بتخسر علي الأقل 60% من الترافيك في المجال بتاعك .. ولو قدرت تحسن محتوي موقعك وتعمل research كويس عن الكلمات المفتاحية الطويلة وتبدأ تحدث وتحسن مقالات موقعك باضافة الكلمات دي ف احب اقولك انك هتلاحظ زيادة في الترافيك بأكثر من 50% ... خلونا نبدأ علي طول واقولكم ازاى بيتم ده

ما معنى " Long Tail Keywords " ؟

تطلق هذه العبارة على طلبات البحث التي تحتوي علي 4 كلمات واكثر حيث يقوم المستخدم بكتابة العبارة البحثية التي يود البحث عنها باستخدام العديد من الطرق وطلبات البحث ونستعرض في هذا الشرح كيفية استخدام Long Tail Keywords في زيادة زيارات ومبيعات موقعك .

لماذا يجب عليك استخدام الكلمات البحثية الطويلة ؟

طبقا للعديد من المواقع المتخصصة تشير الاحصائيات الى ان 70% من طلبات البحث في جوجل تحتوي علي 4 كلمات واكثر وتعد هذه النسبة مؤشر كبير على ان استخدام الكلمات المفتاحية الطويلة داخل مقالات موقعك سيعطيك فرصة أكبر للحصول على زيارات من محرك البحث جوجل .. ولكن علينا التعرف أكثر على أهمية استخدام Long Tail Keywords داخل المحتوى .

مميزات وأهمية استخدام Long Tail Keywords داخل المحتوى ؟

لازم تعرف ان استخدام الكلمات المفتاحية الطويلة من انجح الطرق #واسرعها لجلب المزيد من الزيارات لموقعك للعديد من الاسباب واهمها

1- منافسة منخفضة & ظهور أكثر & اعلانات اقل

من اسرع وافضل الطرق للحصول على ترتيب أفضل لمقالات موقعك في جوجل هو استخدام الكلمات المفتاحية الطويلة نظرا لتعدد الكلمات البحثية وسهولة المنافسة وهناك #خطأ شائع عند الكثير من الاشخاص ان الكلمات المفتاحية القصيرة اكثر بحثا من الكلمات المفتاحية الطويلة ولكن لو بحثنا أكثر وعملت research هتلاقي كلمات اكتر ونسبة البحث فيها ولكن لو ظهرت فيها كلها هتجيب clicks اكتر لان زي ما وضحنا فوق ان 70% من طلبات البحث عن الكلمات الطويلة .

2- معدل تحويل أعلى

في الغالب الزائر اللي بيبحث في جوجل باستخدام 4 كلمات او أكثر بيبقي دقيق جدا و عارف هو عايز ايه
علي سبيل المثال الزائر اللي بيكتب ف جوجل " ملابس محجبات " تقريبا بيبقي فيه كذا نية لليوزر سواء عاوز يتفرج او يشوف موديلات جديدة … الخ
أما الزائر اللي هيكتب في جوجل " ملابس محجبات 2020 صيفي او ملابس محجبات اون لاين هنا اليوزر بيبقي أدق في البحث و عارف هو عايز ايه واحتمالية الشراء بالفعل اعلي بكتير من الزائر التاني

3- الحصول علي ترتيب أفضل في الكلمات القصيرة

لا شك أن استخدامك للكلمات البحثية الطويلة يزيد من فرص ظهورك علي الكلمات القصيرة بمعني انك لو بتستهدف ملابس محجبات ف انت لو عملت بحث كويس عن الكلمات البحثية الطويلة وجمعتها وحطتها باسلوب كويس ف المقال ف ده هيزود فرص ظهورك علي الكلمة القصيرة .
#ملحوظة : اضافة ال Long Tail Keywords يزيد من نسبة ظهور الموقع في جوجل ( impressions ) وبالتالي المقال يبدأ ياخد ترتيب أفضل ويظهر ف كلمات اكتر ومع تنفيذ باقي عناصر ال seo هتلاحظ ارتفاع كبير في عدد النقرات clicks

4 - استهداف افضل & افكار اكثر

دائما الزائر الذي يبحث بالكلمات الطويلة لديه هدف معين يحاول الوصول اليه لانه يحاول تضييق نطاق البحث للوصول إلى نتيجة معينة تلبي احتياجاته وهنا دايما بنقول انك لازم تحاول تفهم الزائر بتاعك بيفكر ف ايه وبيدور علي ايه عشان بناءا عليه توفرله المطلوب .. لذلك لو انت شغال ف نيتش معين ومحدد وعاوز توصل لأشخاص مهتمة فعلا بالمحتوى اللي بتقدمه غالبا ال long tail keyword هتساعدك بشكل كبير انك تنفذ ده صح وتزود حجم الزيارات لموقعك .

كيفية استخراج الكلمات المفتاحية الطويلة Long Tail Keywords ؟

في البداية انا هوضح 4 طرق 3 منهم مجانا وطريقة واحدة مدفوعة من خلال href .. اعتقد ان دول كويسين جدا انك تعمل سيرش كويس لان معظم ال tools ضعيفة في المحتوى العربي .. لو حد محتاج ادوات تاني ممكن ارشحلك ..
1- من خلال اقتراحات جوجل
مرفق بالصور مثال للحصول على كلمات طويلة من اقتراحات جوجل .. ودي من اسهل الطرق لاستخراج ال Long Tail Keywords وطبعا كل ما غيرت الكلمة البحثية بيظهرلك اقتراحات اكثر تنوع .
2- عن طريق اداة ahref
مرفق صورة لطريقة استخراج Long Tail Keywords
ف الصورة من خلال خانة اللي فيها كلمة EGYPT تقدر تغير اعدادات البلد وتجمع اقتراحات من كذا دولة
من خلال خانة Word count تحدد له Min & Max لعدد الكلمات اللي انت عاوزها وطبعا فيه احصائيات كتير ممكن تستفاد بيها من خلال Ahref .
طريقة استخراج Long Tail Keywords

3- من خلال google search console
دايما انا شايف ان افضل واحسن الطرق لتحسين المحتوى هو استخدامك الصحيح لبيانات webmaster من خلاله هتقدر تعرف الكلمات اللي انت ظهرت عليها وعملت impression معاك ودايما ركز اكتر مع الكلمات اللي بتعمل ظهور ومبتجبش clicks
هتدخل علي Pages وتشوف اكثر الصفحات اللي جايبة impression وتختار الصفحة اللي انت عاوز تحسنها وبعدها تروح علي Queries وتبدأ تحسن المقال بناءا علي الكلمات اللي ظهرت فيها
4- من خلال عمليات البحث المتعلقة Searches related
من الحاجات المهمة اللي ممكن تستفاد بيها وتستخدمها عشان تفهم نية الزائر في البحث وبالتالي تديلك افكار اكتر وبالتأكيد استخدامهم داخل المقال هيزود من قوة المحتوى

#ملاحظات مهمة

1- يجب ان تضع الكلمات المفتاحية في مكانها المناسب وان تتماشى مع سياق الجملة كلما كانت الكلمة في موضعها الصحيح كانت الاستفادة اكبر والتركيز علي #التنوع في الكلمات داخل المقال .
2- يجب عليك تجنب الإسراف في استخدام الكلمات المفتاحية #هناك خطأ شائع أنه كلما زاد عدد الكلمات المفتاحية داخل المقال كلما كانت النتيجة أفضل وهذا خطأ يجب استخدام الكلمات بشكل طبيعي #ارشح لك استخدام ( density = 0.5% للكلمات البحثية الطويلة )
3- لو موقعك بيخاطب دولة معينة فيجب عليك التركيز علي استخراج الكلمات طبقا للبحث في هذه الدولة والعكس ايضا لو موقعك مش بيخاطب دولة معينة #الافضل انك تجميع اقتراحات جوجل من كذا دولة زي جوجل مصر والسعودية والجزائر … الخ
في النهاية حبيت اوضح اهم النقط المهمة وحاولت ان اقولكم حاجه مفيدة .. لو حد عنده اي استفسار يتفضل .. ومستني
رأيكم ❤️
الشرح مقدم من :
E Slam Taha Ahmed
💛
ليست هناك تعليقات

تعريب كن مدون جميع الحقوق محفوظة لــ عرباوي 2013-2020 ©