واجهت قنوات اون تايم سبورت العديد من الانتقادات بسبب جودة بث القنوات الرقمية داخل جمهورية مصر العربية وذلك بسبب قلة الجودة وعدم اقترابها من القنوات اللتي تبث بجودة HD في اجهزة الاستقبال الفضائي، وفي هذه التدوينة نلقي الضوء علي ليه البث وحش ومش مظبوط علي البث الرقمي الارضي في مصر. لماذا قناه تايم سبورت HD على البث الارضى صورتها وحشه ولا تقارن باى قناه HD حقيقيه
عشان نعرف اجابه السوال ده لازم نعرف اول حاجه يعنى ايه كلمه HD
ببساطه شديده الصوره الى انت بتشوفها دى عباره عن بيكسلز ( مربعات صغيره) بتتحط جمب بعض لتكوين صوره كبيره ونظرا لان عددها كبير جدا فعينك مبتقدرش تشوفها ولكن ممكن تشوفها فى حاله هنقول عليها تحت .
فى بدايه البث الرقمى لما اتفقوا على دقه البث SD تم الاتفاق على الابعاد التاليه 640*480 ودى معناها 640 بيكسل بالعرض فى مقابل 480 بيكسل بالطول عشان لما تضربهم فى بعض فى الاخر يكون عددهم حوالى نص مليون بيكسل .
لما ارادوا تطوير الجوده بعدها بسنين اتفقوا على ابعاد جديده للصوره بمقاس اكبر من السابق وهو 1920*1080 ودول لما تضربهم فى بعض ينتج عندك 2 مليون بيكسل وده الرقم الى انت بتشوف بيه اغلب فيديوهات اليومين دول .
طبعا قاعده عامه كل مرقم البيكسلز زاد كل مالصوره بقت شارب اكتر والتفاصيل تبان اكتر بس طبعا الموضوع مش لمالانهايه اكيد فى ليميت بعديها مش هتقدر تميز الفرق وعشان كده بيقولو بعد 4k الفرق مش هيبقى ملحوظ عامه نبقى نتكلم عن الموضوع ده فى وقت تانى .
هل الصوره عباره عن بيكسلز بس ؟
الاحابه هى لا . فى عامل تانى موثر فى جوده الصوره وهو نوعيه الضغط المستخدمه فى نقل الفيديو، عشان نفهم الحته دى ببساطه البكسيلز دى بتحتوى معلومات زى اللون والاضاءه فالكاميرا بتبعت معلومه مثلا ان البيكسل ده لونه احمر وفى نفس الوقت مستوى الاضاءه فيه عالى او منخفض طبعا انا ببسط الموضوع لكن هو اكبر من كده .
البيانات دى بتبقى كبيره جدا فى حاله الفيديو عكس الصوت فبنحتاج لوسيله نضغط بيها البيانات دى ونقلل حجمها عشان نقدر ننقلها بسهوله عبر القمر الصناعى او الانترنت ومتستهلكش مساحه كبيره عند المستخدم .
وهنا بييجى دور الضغط الرقمى وده فى منه انواع اشهرهم MPEG2 MPEG4 HEVC ، ودول اشهر 3 انواع موجودين دلوقتى على الساحه والفرق ان كل مالضغط احدث فى الاصدار كل كانت الصوره احسن والكوالتى اعلى .
-يعنى لو نقلنا داتا للبيكسلز 5مليون بت فى الثانيه الواحده
- لو استخدمنا نظام MPEG2 هيديك صوره وحشه.
- لو استخدمنا نظام MPEG4 هيديك صوره احلى.
- لو استخدمنا نظام HEVC هيديك صوره ممتازه.
القنوات الصوتيه بتسحب نت زى الشيرنج قليل ولا زى ال IPTV كتير
-طيب العالم كله بيستخدم ايه دلوقتى مع نظام HD ?
-العالم معظمه بيستخدم MPEG4 وبعض الشبكات بدات تنتقل تدريجيا الى نظام HEVC .
-ملحوظه على جمب نظام HEVC استعملته قنوات القرصنه قبل متتقفل عشان كده مكنتش بتشتغل على كل الرسيفرات ال HD .
- معلومه تانيه القنوات السويسريه الحكوميه SRG على قمر هوتبيرد اعلنت من فتره انها هتنتقل للبث عبر تقنيه HEVC فى القريب .
- طب البث المصرى فين من كل ده ؟
-البث المصرى لسه بيستخدم النظام القديم MPEG2 .
-السوال هو ليه ؟
-الاجابه محدش يعرف وطبعا ده ملوش مبرر تقنى لان دلوقتى كل التلفزيونات الحديثه والرسيفرات الموجوده فى السوق بتدعم تقنيه MPEG4
ولو تم استخدامها هتخلى جوده الصوره احسن بمراحل من دلوقتى حتى فى القنوات ال SD .
- طب قناه تايم سبورت HD بتقطع ليه ؟
-لانها بتستخدم نظام mpeg2 الى بيحتاج داتا عاليه عشان تحصل منه على جوده محترمه وده نظام اتلغى عالميا من زمان مع القنوات ال HD والعالم وقف استخدامه لانه عديم الكفاءه .
- مرفق صور للبث التشيكى الى انتقل فعليا للبث عبر تقنيه HEVC.
BY:Mohammed Osama
نزل كل قنوات نايل سات بهذا التردد